प्रेरितो कै काम 5:16 - सिरमौरी नौवाँ नियम

¹⁶ औरौ यरूशलेम शहर कै आंडे-पांडे कै नोगरो पौरैशै बै भौरिशै लोग बीमारों औरौ दुष्टआत्माओं कै सोताएयौंदे कै लाए-लायौ खै चोणेयौंदे चैलै कै धोरे कौठै हौंव थिए, औरौ सै सौबै ठीक हौए जांव थिए।

Sirmouri

¹⁶ यरूशलेम शे उडे-पूडे के नंगर शे बैजाऐ लोग बीमार अरह् दुष्ट-आत्त्माओं के च़ूड़े-भूंचे अंदें आदमी तेथै लियाँव थिऐ; अरह् से चाँग्गै हंऐ ज़ाँव थिऐ।

प्रेरितो कै काम 5:16 ပူးပေါင်းရင်းမြစ်များ

मत्ती 2:16

हेरोदेस राजा गुस्से दा भोरै गौआ जोबै तैसी ऐजा पौता लागा कै ज्योतिषिये तैसीआरी धौखा राए कौरे। औरौ तैणै सैनिकौ खै छाड़ै कै बैतलहम गांव दै जाया औरौ आंडे-पांढे कै जौगैह कै सौबी भैईया खै मोरवाए दैंव जिनकै उमर दो सालो कै या तिदै कम औसौ।

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मत्ती 8:16

जोबै बैल़खौ हौ तोबै तिनुऐ तैसकै धोरे बैजाए लोगौ खै लियोऊवे जिनुदी दुष्टआत्माएं थी औरौ तैणै तिनु दुष्टआत्माओं खै आपणै वचन लैई निकाल़ै दी, औरौ सौबी बीमारो खै ठीक कौरे दिए।

लूका 5:17

ऐक दूस ऐशै हौं कै तैणै उपदैश दैय लौआ थिया, औरौ फरीसी लोग औरौ यहूदी शास्त्र कै ज्ञानी तिथै बौठै रौवै थिए, जू गलील जिले औरौ यहूदिया प्रदेश कै हरेक गांव पौरैशै औरौ यरूशलेम शहर शै आए रौए थिए; औरौ बीमारों कै ठीक कौरणौ कारिए प्रभु कै अनौखी शौकतै तैसकै साथै थी।

लूका 6:18

जू तैसी शुणदै औरौ आपणी बीमारी शै ठीक हौणौ कारिए तैसकै धोरे तिथै आए रौवै थिए। औरौ दुष्टआत्मा शै सोताएयौंदे लोग बै ठीक हौंव थिए।

लूका 9:11

ऐजौ जाणैयौ भीड़ तैसकै पौछौड़ियौ हौए गौए, औरौ सै खुश हौयौ तिनुआरी भैटिया, औरौ तिनुआरी पौरमेशवर कै राज्य की बातौ कौरदा लागा, औरौ जू लोग ठीक हौणै चांव थिए, तिनु ठीक कौरे।

यूहन्ना 14:12

“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ।

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 5:15

जू किछै चोणेयौंदे चैलै कौरे लो थियु, तिथकै बौजैह शै लोग बीमारों कै शोड़कै पुंडे लाए लायौ खै, टाटो औरौ बिछाणै पांदी लिटाए दैंव थिए, कै जोबै पतरस आंव, तौ तैसकै छांव ही तिनुमुंजी दै कोसी पांदी पौड़ै जांव।

प्रेरितो कै काम 5:17

तोबै महायहूदी पुरोहित औरौ तैसकै सौबै साथी जू सदूकी लोगौ कै गुट कै थिए, सै चोणेयौंदे चैलै शै रिशान्दै लागै। इथकारिए तिनुऐ किछै काम कौरणौ का फोयसला कौरा।

1 कुरिन्थियों 12:9

सै ऐक आदमी खै मसीह दा बैजाए बिशवाश कौरणौ का वरदान दैंव; औरौ कोसी खै बीमार लोगौ खै ठीक कौरणौ कै वरदान दैंव।

याकूब 5:16

इथकारिए तुऐं आपी मुंजी ऐकी दूजै कै सामणै आपणै-आपणै पापौ खै मानै पाव, औरौ ऐकी दूजै कारिए प्रार्थना कौरौ, जिथलैई तुऐं ठीक हौए जांव, औरौ धरमी आदमी कै प्रार्थना जादा शौकतीशाली हौंव औरौ तिथकै अनौखै नतीजै भैटौ।