प्रेरितो कै काम 5:14 - सिरमौरी नौवाँ नियम

¹⁴ प्रभु दै बिशवाश कौरणौवाल़ै लोगौ कै गिनती बौढ़दै गौए औरौ भौरिशै मर्द औरौ बैटमाणिशौ का ऐक बौड़ा गुट बौणै गौआ।

Sirmouri

¹⁴ प्रभू दा बिश्वाष कर्णो वाल़े, लोगों के गिनत्ती बैजाऐ बड़्दी रंऐ: तबे मरोद् अरह् तिरंई के ऐक बैशुमार मँडली बंणी गऐ।

प्रेरितो कै काम 5:14 ပူးပေါင်းရင်းမြစ်များ

प्रेरितो कै काम 11:24

बरनबास ऐक आछा आदमी थिया, औरौ पवित्र आत्मा औरौ बिशवाश शै भौरेयौंदा थिया, औरौ औकै भौरिशै लोग प्रभु आरी मिलै गौवै।

प्रेरितो कै काम 2:41

जू किछै पतरसे बौल़ौ जिनु लोगै तैसकी बातौ पांदी बिशवाश कौरा तिनुऐ बपतिस्मा लौआ; औरौ तैसी दूसै तीन हजार आदमी कै लमसम तिनु बिशवाशी कै गुट मुंजी जोड़े गौवै।

प्रेरितो कै काम 2:47

औरौ पौरमेशवर कै बौड़ाए कौरदै रौंव थिए, औरौ सौबै लोग तिनुदै खुशी थिए। औरौ जू उध्दार पांव थिए, तिनुखै प्रभु हर दूसै तिनकै बिशवाशी गुट मुंजी मिलाए दैंव थिया।

प्रेरितो कै काम 22:4

मोऐं तौ मर्द औरौ बैटमाणिश दुईनै खै बांनैयौ खै, औरौ कोयदखाने दै पायौ खै, मसीह कै गुट खै इथै तौड़ी सताए कै तिनु मोरवाए बै दिए।

प्रेरितो कै काम 4:4

पौरौ सौंदेश कै शुणणौवाल़ै मुंजीदै बौहितै यीशु पांदी बिशवाश कौरा, औरौ तिनकै गिनती कुल मिलायौ पाँची हजार आदमी कै लमसम थै जू यीशु पांदी बिशवाश कौरणौवाल़ै थिए।

प्रेरितो कै काम 6:7

औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।

प्रेरितो कै काम 8:12

पौरौ जोबै लोगै फिलिप्‍पुस शै पौरमेशवर कै राज्‍य औरौ यीशु मसीह कै नांव का सुसमाचार शुणा तौ यीशु पांदी बिशवाश कौरा, औरौ बौहिती बैटमाणिशौ औरौ मर्दे बपतिस्मा लौआ।

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

प्रेरितो कै काम 9:2

औरौ तैसीयादी दमिश्क शहर कै यहूदी सभा-घोरो कै नांव पांदी चिट्ठियां मांगी, कै कुणिए बै मर्द या बैटमाणिश जू मसीह कै गुट कै लोग औसौ तिनु बांनैयौ यरूशलेम शहर दै लियांव।

प्रेरितो कै काम 9:31

ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

प्रेरितो कै काम 9:35

लुदा औरौ शारोन नगर कै सौबै रौणौवाल़ै लोगै तैसी दैखा औरौ प्रभु यीशु पांदी बिशवाश कौरा।

प्रेरितो कै काम 9:42

ऐजै बात सौबै याफा नगर दै फोयलै गौए औरौ बौहितै लोगै प्रभु यीशु पांदी बिशवाश कौरा।

2 कुरिन्थियों 6:15

औरौ मसीह का शैतान कै साथै का लगाव औसौ? या बिशवाशी कै साथै अबिशवाशी का, का नाता?

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।