प्रेरितो कै काम 5:12 - सिरमौरी नौवाँ नियम

¹² चोणेयौंदे चैलै कै दवारा बैजाए चौमत्कारी निशान औरौ अनौखै काम लोगौ कै बीच दिखाए जांव थिए, औरौ सौबै मसीह कै बिशवाशी ऐक मन हौयौ राजा सुलैमान कै ओसारे दै कौठै हौया कौरौ थिए।

Sirmouri

¹² खास-चैले के हाथै बैजाऐ चींह्न-चंम्त्तकार हंदे लागे, अरह् सेजे बादे बिश्वाषी लोग मीलियों सुलेमान के थाँन-चौ़त्रे दे कंट्ठै हों थिऐ।

प्रेरितो कै काम 5:12 ပူးပေါင်းရင်းမြစ်များ

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

यूहन्ना 10:23

औरौ यीशु मन्दिरो कै आँगणो दा थिया, औरौ तियौं जौगैह दा घुमै रौआ थिया जिथुकै लोग राजा सुलैमान का ओसारा बौल़ौ थिए।

यूहन्ना 4:48

यीशुए तैसीखै बौल़ौ, “जांव तौड़ी तुऐं निशान औरौ अनौखै काम नै दैखी, तांव तौड़ी कौलोंई मुं पांदी मसीह कै भैष दा बिशवाश ना कौरदै।”

प्रेरितो कै काम 1:14

तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 16:18

सै बौहितै दूसौ तौड़ी ऐशैखैई कौरदै रोए, पौरौ पौलुस पौरैशान हौआ, औरौ पाछु फिरैयौ तियौं दुष्टआत्मा कै बौल़ौ, “हांव ताखै यीशु मसीह कै नांव शै आज्ञा दियु कै तू इयौं पौरैशै आगु जा औरौ सै तियौं घोड़ियो दै आगु हौटै गौए।”

प्रेरितो कै काम 19:11

पौरमेशवर पौलुस लैई अनौखै औरौ चौमत्कार कै काम दिखांव थिया।

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 28:9

जोबै ऐशैखै हौं, तौ तैसी टापू कै बाकी बीमार पौलुसो कै धोरे ओऊवे, औरौ ठीक हौए गौवै।

प्रेरितो कै काम 3:11

जोबै तैसी आदमीए पतरस औरौ यूहन्ना कै पाकड़ै राए थिए, तौ सौबै लोग बैजाए हैरान हुवे। औरौ तैसी ओसारे दै जू राजा सुलैमान का औसौ, तिनकै धोरे दौड़ैयौ ओऊवे।

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 9:33

तिथै तैसी ऐनियास नांव का ऐक आदमी भैटा, जू ओधरंग का बीमार थिया, जू आठी सालो दा उंडा पाली पांदी पौड़ेयौंदा थिया।

प्रेरितो कै काम 9:40

तोबै पतरसे सौबी खै बायरै कौरे दियै, औरौ घुंडू नियुड़ायो प्रार्थना कौरे; औरौ लाश कै ढौबौ दैखैयो बौल़ौ, “ओए रै तबीता, ऊबै बिज़।” तोबै तियैं आपणी आखी खोले दी; औरौ पतरस खै दैखैयो ऊबै बिजै।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

2 कुरिन्थियों 12:12

साचा चैलै कै जैशै मोऐं तोंवारै बीच सौब भान्त कै सब्र सहित निशानो, औरौ अनौखै कामौ, औरौ शौकतै कै कामौ खै दिखाए।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।