प्रेरितो कै काम 4:36 - सिरमौरी नौवाँ नियम

³⁶ यूसुफ नांव का ऐक आदमी थिया। जू लेवी गोत्र का थिया औरौ तैसका जन्म साइप्रस टापू दा हौए रौआ थिया। जैसकौ नांव चोणेयौंदे चैलै बरनबास यानी शान्तै का बैटा राखै राए थियु।

Sirmouri

³⁶ यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।

प्रेरितो कै काम 4:36 ပူးပေါင်းရင်းမြစ်များ

मरकुस 3:17

औरौ जब्दी का बैटा याकूब, औरौ याकूब का भाई यूहन्ना, जैसकौ नांव बुअनरगिस राखौ। जिथका मतलब औसौ सै गुड़कौ कै जैशणा आदमी थिया।

प्रेरितो कै काम 11:30

तिनुऐ ऐशैखैई कौरौ; औरौ बरनबास औरौ शाऊल कै हाथौ अगुवो कै धोरे किछै पौयसा भैज दिया।

प्रेरितो कै काम 12:25

यहूदिया प्रदेश दै यहूदी बिशवाशियौं की मौदद कौरणौ कारिए पौयसै दैणौ कै बाद, बरनबास औरौ शाऊल यरूशलेम शहर शै अन्‍ताकिया शहर कै पाछु ओऊवे, औरौ यहून्ना जैसीखै मरकुस बै बौल़ौ आपी आरी निया।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 13:15

मूसा कै कानून औरौ पौरमेशवर कै बातौ बौताणौवाल़ै कै किताबो शै पोढ़णो कै बाद यहूदी सभा-घोरो कै ठोगड़े तिनकै धोरे ब्यौरा भैजा, “ओए रै भाईयों, जै लोगौ कै उपदैश कारिए तोंवारै मनो दै कुणजै बात औसौ तौ बौल़ौ।”

प्रेरितो कै काम 13:2

जोबै तिनुऐ उपवास कै साथै प्रभु की आराधना कौरे लोए थै, तौ पवित्र आत्माए बौल़ौ, “मुं कारिए बरनबास औरौ शाऊल कै मैरै सेवा कौरणौ कारिए जौई कौरौ जिथकारिए मोऐं तिनु बौयदै राए।”

प्रेरितो कै काम 13:4

इथकारिए शाऊल औरौ बरनबास पवित्र आत्मा कै भैजैयौंदे अन्‍ताकिया शहर शै सिलूकिया शहर कै बंदरगाह तौड़ी हौटै; औरौ तिथैदै जहाजो पांदी बौठेयौ साइप्रस टापू पांदी सलमीस बंदरगाह कै हौटै।

प्रेरितो कै काम 15:12

तोबै सारी सभा चुपी हौयौ पौलुस औरौ बरनबास कै शुणदै लागै, कै पौरमेशवरे तिनकै दवारा बैगानै यहूदी लोगौ मुंजी कैशणै बौड़ै-बौड़ै निशान औरौ अनौखै काम दिखाए।

प्रेरितो कै काम 15:2

जोबै पौलुस औरौ बरनबास का तिनुआरी मनमुटाव औरौ बैहसबाजी हौए तौ ऐजा फौयसल़ा हौआ कै पौलुस औरौ बरनबास औरौ तिनुमुंजी दै किछै आदमी इयौं बातौ कै बारै मुंजी चौर्चा कौरणौ कारिए चोणेयौंदे चैलै औरौ अगुवो कै धोरे यरूशलेम शहर खै भैजै जांव।

प्रेरितो कै काम 15:37

तोबै बरनबासे यहून्ना जैसीखै मरकुस बै बौल़ौ, साथ लोणो का विचार कौरा।

प्रेरितो कै काम 15:39

तिनुमुंजी ऐशणै बैहस हौए कै पौलुस औरौ बरनबास ऐकी दूजै शै जौई हौए गौवै; औरौ बरनबास, मरकुस कै नियौ जहाज शै साइप्रस टापू कै हौटै गौआ।

प्रेरितो कै काम 21:16

कैसरिया नोगर पौरैशै बै किछैक चैलै अमारै साथी चालै, औरौ आमु मनासोन नांव कै ऐकी आदमीए आपणै घोरे नियै, जू साइप्रस टापू का रौणौवाल़ा थिया, सै सौब दै आगलै चैलो मुंजीदा ऐक थिया, औरौ आमै तैसी कागे टिके।

प्रेरितो कै काम 21:3

जोबै अमारै डैरै ढौबौ साइप्रस टापू दैखिया, तौ आमु तिथु छोड़ेयौ सीरिया प्रदेश कै ढौबौ बौढ़दै गौवै औरौ सूर नोगर दै पौऊंचै जिथुकै तिथै जहाज शै समान उतारणो थियु।

प्रेरितो कै काम 27:4

तिथैशै आमुए दुजाल़ियो यात्रा शुरु कौरे, औरौ बागूर बैरवें बौणौ की बौजैह शै आमै साइप्रस टापू की आड़ शै हौयौ होटै;

प्रेरितो कै काम 9:27

पौरौ बरनबासे तैसी आपणै साथै चोणेयौंदे चैलै कै धोरे नियौ तिनु बौल़ौ, कै ऐणै कैशैकै दमिश्क नगर दा बाटो पुंडा प्रभु यीशु कै दैखा औरौ प्रभुए ऐसीआरी बातौ कौरी; औरौ हौजौ दमिश्क शहर दै ऐणै कैशणै हिम्मत शै यीशु कै नांव का प्रचार कौरा।

1 कुरिन्थियों 14:3

पौरौ जू हौणौवाल़ी बातौ कौरौ, सै बिशवाशियौं खै बिशवाश दै मोजबूत कौरणौ, हौंसला बौढ़ाणौ औरौ तसल्ली दैणौ दै मौदद कौरौ।

1 कुरिन्थियों 9:6

पौरौ मुखै औरौ बरनबास खै बै औकै चोणेयौंदे चैलै कै जैशणा आर्थिक मौदद पाणौ का औधिकार औसौ औरौ आपणै मौदद कौरणौ कारिए काम कौरणौ कै जौरुरत ना आथी।

गलातियौं 2:1

चौदह सालो कै बाद हांव बरनबास कै साथै यरूशलेम शहर खै हौटा, औरौ तीतुस खै बै साथै निया।

गलातियौं 2:13

औरौ तैसकै साथै अन्‍ताकिया शहर दै किछै बिश‍वाशीयै बै ढोंग कौरा, इथै तौड़ी कै बरनबास बै तिनुदा डौरौ थिया औरौ बैगानै यहूदी लोगौ कै साथै भैटिणौ बंद कौरे दियु।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।