प्रेरितो कै काम 4:34 - सिरमौरी नौवाँ नियम

³⁴ तिनुमुंजी कुणिए बै गरीब नी थी, जिथुकै जिनुकैईं जमीन या घोर थिए, सै तिनी कै बिक-बिकैयो, बिकयौंदे चीज़ौ कै रुपीये लायो तिनु चोणेयौंदे चैलै खै दैय दैंव थिए।

Sirmouri

³⁴ तिनू बिश्वाषियों की मँडल़ी दा कुऐ भे गंरीब ने थी: किन्देंखे के जिनू कैई जीम्मी-खैच़, के घरह्-बार थियो; से बादे झुणें तिनू बीकियों धनं राशी, तिनू खास चैले के लात्तो कैई थंऐ दियों थिऐ।

प्रेरितो कै काम 4:34 ပူးပေါင်းရင်းမြစ်များ

मत्ती 19:21

यीशुए तैसीखै बौल़ौ, “जै तू सिध्द हौणौ चांए; तौ जा, औरौ सौब ठुँ बिकैयो आपणा धन गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

मरकुस 10:21

यीशुए तैसकै ढौबौ प्यार शै दैखैबा औरौ तैसीखै बौल़ौ, “ऐक काम औसौ जू ताखै कौरणौ कै जौरुरत औसौ। जा, जू किछै तैरौ औसौ, तिथुखै बिकैयो गोरीबो खै दैय दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 12:33

आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ।

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

लूका 22:35

यीशुए चैलै खै बौल़ौ, “जोबै मोऐं तुऔं बोटुए, औरौ झोल़े, औरौ जूते बिना सुसमाचार प्रचार कौरदै छाड़ै राए थिए तौ का तुऔं कोसी चीज़ौ कै कमी हौए थी?” तिनुऐ बौल़ौ, “कियौंई चीज़ौ कै कमी ना होई।”

प्रेरितो कै काम 2:45

सै आपणी-आपणी जायदात औरौ सामान बिक-बिकैयो जैशणी जैसीखै जौरुरत हौंव थी, बांडै दैया कौरौ थिए।

प्रेरितो कै काम 4:37

तैसकै किछै जमीन थी, जियौं तैणै बिकी औरौ दामो कै रुपये लायौ खै चोणेयौंदे चैलै कै दैय दियै।

2 कुरिन्थियों 8:14

पौरौ बराबरी कै विचार शै ऐसी सौमय तुंआरी बौढ़ती तिनकै कमी दै काम आंव, आणौवाल़ै सौमय दै बौढ़दै तिनकी बौढ़ती बै तोंवारै कमी दै काम आंव, ताकि तुऐं सौब बराबर हौए जांव

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 तीमुथियुस 6:19

जै अमीर लोग ऐशै कौरौ, तौ तिनुऐ स्वर्ग दा आपी कारिए सौदा का धन जमा कौरे लौआ। जू कौलोंई हाँईची ना सौकौ औरौ तिनुकै सौदा कै जिन्दगी भैटदी।

याकूब 1:27

अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।