प्रेरितो कै काम 4:32 - सिरमौरी नौवाँ नियम

³² बिशवाश कौरणौवाल़ौ कै मण्‍डली ऐक चित औरौ ऐकी मनो कै थी, इथै तौड़ी कै कुणिए बै आपणै जायदात कै आपणै नी बौल़ौ थिए, पौरौ सौबै ठुँ साझे को थियु।

Sirmouri

³² बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया।

प्रेरितो कै काम 4:32 ပူးပေါင်းရင်းမြစ်များ

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

प्रेरितो कै काम 1:14

तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।

प्रेरितो कै काम 2:1

जोबै यहूदी लोगौ कै पिन्‍तेकुस्‍त का दूस ओऊवा, तोबै सै सौबवे ऐकी जौगैह कौठै थिए।

प्रेरितो कै काम 5:12

चोणेयौंदे चैलै कै दवारा बैजाए चौमत्कारी निशान औरौ अनौखै काम लोगौ कै बीच दिखाए जांव थिए, औरौ सौबै मसीह कै बिशवाशी ऐक मन हौयौ राजा सुलैमान कै ओसारे दै कौठै हौया कौरौ थिए।

रोमियों 12:5

ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

1 कुरिन्थियों 1:10

ओए रै बिशवाशी भाईयों, अमारै प्रभु यीशु मसीह कै औधिकार शै, हांव तुऔंआरी ऐशै कौरणौ कै बिन्ती कौरु, कै तुऔं सौबी खै ऐकी दुजैआरी सहमत हौणौ चैंई। औरौ तुऔं मुंजी झोगड़ा नी होणा चैंई पौरौ तुऔं ऐक जैशणी सोंच राखैयौ औरौ ऐकैई मकसद राखैयौ ऐकी दूजै कै साथै मिल-जोलैयौ रौणौ चैंई।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।