प्रेरितो कै काम 4:30 - सिरमौरी नौवाँ नियम

³⁰ औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

Sirmouri

³⁰ अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।”

प्रेरितो कै काम 4:30 ပူးပေါင်းရင်းမြစ်များ

यूहन्ना 4:48

यीशुए तैसीखै बौल़ौ, “जांव तौड़ी तुऐं निशान औरौ अनौखै काम नै दैखी, तांव तौड़ी कौलोंई मुं पांदी मसीह कै भैष दा बिशवाश ना कौरदै।”

प्रेरितो कै काम 2:22

“ओए रै इस्राएल देश कै लोगौ ऐजी बात शुणौ, नासरत गांव का यीशु ऐक ऐशणा आदमी थिया, जैसीखै पौरमेशवरे तोंवारै सामणै साबित कौरे राए थिया, कै तैणै तिनु चौमत्कार कै कामौ औरौ अनौखै काम औरौ निशानो कै दवारा जू पौरमेशवरे तैसकै दवारा तोंवारै बीच मुंजी कौरेयौ दिखाए। जोबै कै ऐजै सौचाई तुऐं आपी बै जाणौए।

प्रेरितो कै काम 2:43

औरौ यरूशलेम शहर दै सौबै लोग डौरौ शै भोरै गौवै औरौ भौरिशै अनौखै काम औरौ निशान चोणेयौंदे चैलै कै दवारा प्रगट हौं थिए।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

प्रेरितो कै काम 3:16

औरौ मसीह यीशु पांदी बिशवाश कौरणौ कै दवारा ऐजा आदमी बिल्कुल ठीक हौए गौआ, औरौ तुऐं जाणौए कै ऐजा कैशणा अपंग थिया औरौ तुंआरी आखी कै सामणै मसीह यीशु कै नांव दै बिशवाश कौरणौ की बौजैह शै ऐसी चंगाए भैट रौए।”

प्रेरितो कै काम 3:6

तोबै पतरसे बौल़ौ, “चांदी औरौ सूनु तौ मुंआगै ना आथी पौरौ जू मुंआगै औसौ; सैजौ हांव ताखै दियु; नासरत गांव कै यीशु मसीह कै नांव शै ऊबा बिज़ औरौ हांडदा फिरदा लाग।”

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 4:27

जिथुकै सौथी कै तैरै पवित्र सेवक यीशु, जैसका तुऐं अभिषेक कौरे राए तैसकै खिलाफ दै बैगानै यहूदी लोगौ औरौ इस्राएल देश कै लोगौ कै साथी मिलैयौ राजा हेरोदेस औरौ पुन्‍तियुस पिलातुस राज्यपाल बै ऐसी नोगरो दै कौठै हौए रौवै,

प्रेरितो कै काम 5:12

चोणेयौंदे चैलै कै दवारा बैजाए चौमत्कारी निशान औरौ अनौखै काम लोगौ कै बीच दिखाए जांव थिए, औरौ सौबै मसीह कै बिशवाशी ऐक मन हौयौ राजा सुलैमान कै ओसारे दै कौठै हौया कौरौ थिए।

प्रेरितो कै काम 6:8

स्तिफनुस अनुग्रह औरौ अनौखी शौकतै दा भोरेयौ लोगौ मुंजी बौड़ै-बौड़ै काम औरौ निशान दिखाया कौरौ थिया।