प्रेरितो कै काम 4:29 - सिरमौरी नौवाँ नियम

²⁹ ऐबै ओए रै प्रभु, तिनकी धोमकियो कै शुण, औरौ आपणै दासो कै ऐजा वरदान दै कै तैरा वचन बौड़ै हिम्मत शै शुणांव।

Sirmouri

²⁹ प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव।

प्रेरितो कै काम 4:29 ပူးပေါင်းရင်းမြစ်များ

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 26:26

राजा बै जैसकै सामणै मोऐं बैदड़क हौयौ बौल़ै लौ, ऐजी बातौ जाणौए औरौ मुखै बिशवाश औसौ, कै इनु बातौ मुंजीदी कुणजै बै बात तैसीयादी छिपैयौंदी नी आथी जिथुकै ऐजी घटना तौ मेसो ना होई।

प्रेरितो कै काम 28:31

औरौ बिना रौक-टोक औरौ बौहिता निडर हौयौ खै पौरमेशवर कै राज्य का प्रचार कौरदा औरौ प्रभु यीशु मसीह की बातौ शिखांदा रौआ।

प्रेरितो कै काम 4:13

जोबै तिनुऐ पतरस औरौ यूहन्ना कै हिम्मत दैखै, औरौ ऐजौ जाणौ कै ऐजै अनपढ़ औरौ सीधै साधे आदमी औसौ तौ हैरान हुवे; तोबै तिनुऐ जाणै पोऊँ, कै ऐजै यीशु कै साथै रौवै थिए।

प्रेरितो कै काम 4:21

तोबै तिनुऐ तिनुकै धोमकायो छोड़े दिए, जिथुकै लोगौ की बौजैह शै तिनु सौजा दैणौ कै किछै बै बौजैह ना भैटी, इथकारिए कै जू घोटना हौए रोए थी तिथकै बौजैह शै सौबै लोग पौरमेशवर की बौड़ाए कौरौ थिए।

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

प्रेरितो कै काम 9:27

पौरौ बरनबासे तैसी आपणै साथै चोणेयौंदे चैलै कै धोरे नियौ तिनु बौल़ौ, कै ऐणै कैशैकै दमिश्क नगर दा बाटो पुंडा प्रभु यीशु कै दैखा औरौ प्रभुए ऐसीआरी बातौ कौरी; औरौ हौजौ दमिश्क शहर दै ऐणै कैशणै हिम्मत शै यीशु कै नांव का प्रचार कौरा।

प्रेरितो कै काम 9:28

चोणेयौंदे चैलै बरनबास कै बातौ पांदी यकीन कौरा इथकारिए शाऊल तिनकै साथी यरूशलेम शहर दा आन्दा-जांदा रौआ।

1 कुरिन्थियों 14:13

इयौं बौजैह शै जू जौई-जौई भाषा पांव, तौ सै प्रार्थना कौरौ, कै जू सै बौल़ौ तिथका मतलब खुद सौमझाए पांव।

2 कुरिन्थियों 3:12

इथकारिए ऐशणै आशा राखैयौ आमै हिम्मत कै साथै बुलू,

फिलिप्पियों 1:14

औरौ प्रभु दै जू बिशवाशी भाई औसौ, तिनुमुंजी दै भौरिशै मैरै कैद दै हौणौ की बौजैह शै उत्साह कै साथै पौरमेशवर का वचन निडर हौयौ शुणाणौ कै हौजौ बै जादा हिम्मत कौरौ।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।