प्रेरितो कै काम 4:17 - सिरमौरी नौवाँ नियम

¹⁷ इयौं बातौ का समाचार हौजौ जादा ना फोयलै जांव, आमु इनु झिड़कोऊगे, कै सै ऐसी नांव शै हौजौ कोसी बै आदमी आरी बातौ नी कौरेया।

Sirmouri

¹⁷ परह् तबे भे लोगो मुँझी ईयों बातो का जादा प्रचार ने हुवा च़ैई, ईन्देंखे आँमें ईनखे ऐक चिताँव्णीं देऐ दियों, के हेभी शुबो तुऐं ऐसी नाँव शो किऐ ने कर्दी।”

प्रेरितो कै काम 4:17 ပူးပေါင်းရင်းမြစ်များ

मत्ती 27:64

ऐशै आज्ञा दै कै तिजै दूसौ तौड़ी सैनिक ध्यान शै कब्र कै रोखवाल़ै कौरेया, जै तुऐं ऐशै नै कौरलै तौ तैसकै चैलै आयौ, यीशु कै लाश चुरियौ लोए जालै औरौ लोगौ शै बौलदै लागले, सै मौरेयौंदे मुंजीदा बै जियुंदा हौआ, तोबै पाछला धौखा आगलै दा बै बुरा हौंदा।”

मत्ती 9:30

औरौ सै दैखदै लागै तोबै यीशुए तिनुखै चिताऐबा बौल़ौ; “चौकश रौया, इयौं बातौ कै बारै मुंजी कोसिया नै बौलेया कै मोऐं तुऔं कारिए का राए कौरे।”

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

प्रेरितो कै काम 4:21

तोबै तिनुऐ तिनुकै धोमकायो छोड़े दिए, जिथुकै लोगौ की बौजैह शै तिनु सौजा दैणौ कै किछै बै बौजैह ना भैटी, इथकारिए कै जू घोटना हौए रोए थी तिथकै बौजैह शै सौबै लोग पौरमेशवर की बौड़ाए कौरौ थिए।

प्रेरितो कै काम 5:24

जोबै मन्दिर कै रोखवाल़ै का ठोगड़ा औरौ मुख्य यहूदी पुरोहिते ऐजै खबर शौणै, तौ तिनकै बारै मुंजी बौड़ै पौरैशानी दै पौड़ै गौवै कै इथका का अणजाम हौंदा।

प्रेरितो कै काम 5:28

“का आमुए तुऔं सख्त आदैश ना दैय रैई थी कै तुऐं ऐसी नांव शै उपदैश नी कौरेया? हौजौ बै तुऐं सारै यरूशलेम शहर कै आपणै उपदैश शै भोरै दिया औरौ तैसी आदमी कै लोऊ का इलजाम जबरदस्ती आमु पांदी लाणा चांव।”

इफिसियों 6:9

ऐशैखैई ओए रै मालिक, तुऐं बै तिनु धमकियां नी दैंव पौरौ आपणै दास कै प्रति आछै बौणौ। जिथुकै तुऐं जाणौए, कै तिनका औरौ तोंवारा दुईनै का मालिक स्वर्ग दा औसौ, औरौ सै कोसी का पक्ष ना कौरौ।

1 थिस्सलुनीकियों 1:8

जिथुकै तोंवारै इथै दै ना सिरफ मकिदुनिया औरौ अखाया प्रदेश मुंजी प्रभु का वचन शुणौऊवा, पौरौ तोंवारै बिशवाश जू पौरमेशवर पांदी औसौ, हर जौगैह जिथै आमु जोऊंए, लोगौ कै तोंवारै बिशवाश कै बारै मुंजी बौतांदै बैई शुणुए। इथकारिए, आमु ओकी खै तोंवारै बारै मुंजी किछै बै बौताणौ कै जौरुरत ना आथी।

1 पतरस 2:23

जोबै लोगै यीशु कै बैज्जती कौरे, तौ तैणै पाछु मोड़ेयो तिनकै बैज्जती ना कौरी। जोबै लोगै तैसी दुख दिया, तौ तैणै तिनुवांदा बौदला लोणो कै कौचिश ना कौरी। पौरौ, तैणै आपणै मौदद कारिए पौरमेशवर पांदी भोरोशा कौरा। सै जाणौ थिया कै पौरमेशवर हमैशा न्याय कै तरीकै शै लोगौ का न्याय कौरदा।