प्रेरितो कै काम 4:1 - सिरमौरी नौवाँ नियम

¹ जोबै पतरस औरौ यूहन्ना लोगौ शै ऐजौ बौल़ै लोव थियु, तौ मुख्य यहूदी पुरोहित औरौ मन्दिर कै ठोगड़े औरौ सदूकी लोग तिनकै धोरे आए।

Sirmouri

¹ जबे संत्त-पतरस अरह् संत्त यूहन्ना ऐं लोगों की बैशुमार भीड़ का स्वागत्त करी लुवा थिया, तअ ऐक-दंम याजक लोग, अरह् देऊँठी के जंगवाल़े का मुँखिया; अरह् सदूकी लोग तिन गाशी च़ूटियों पड़े।

प्रेरितो कै काम 4:1 ပူးပေါင်းရင်းမြစ်များ

मत्ती 16:12

तोबै तिनकै सौमझ ओऊ, कै तैणै रोटी कै खमीर शै नै, पौरौ फरीसी लोगौ औरौ सदूकी लोगौ कै शिक्षा दै चौकश रौणौ खै बौल़ौ थियु।

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 27:20

मुख्य यहूदी पुरोहिते औरौ बुड़ेईके लोगौ खै उकसोऊवे, कै सै बरअब्‍बा ही खै आज़ाद कौरणौ कै मांग कौरौ। औरौ यीशु कै नाश कौरौ।

मत्ती 27:41

ऐशैखैई मुख्य यहूदी पुरोहित बै, यहूदी शास्त्रीयों, औरौ बुड़ेईक समैंत, आपी मुंजी ठाटै लायौ बौल़ौ थिए,

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

लूका 20:1

ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे।

लूका 22:4

तैणै जाऐबा मुख्य यहूदी पुरोहितो औरौ मन्दिर कै रोखवाल़ै कै ठोगड़े कै साथै बात कौरे, कै तैसी कैशै तिनकै हाथौ दा पोकड़ैईं।

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 18:3

तोबै यहूदा इस्‍करियोती सैनिकौ कै ऐकी गुटो कै औरौ मुख्य यहूदी पुरोहितो औरौ फरीसी लोगौ कै ढौबौशा मंदिर कै रौखवाल़ै कै लोयो खै दिवे औरौ मशालों औरौ हथियारों कै लोयो खै तिथै ओऊवे।

प्रेरितो कै काम 4:6

सैजै लोग जू सभा मुंजी शामिल थिए, तिनुमुंजी महायहूदी पुरोहित हन्ना औरौ कैफा औरौ यूहन्ना औरौ सिकन्‍दर औरौ जैतरै महायहूदी पुरोहित कै कुड़बे कै थिए, सौबै यरूशलेम शहर दै कौठै हुवे।

प्रेरितो कै काम 5:17

तोबै महायहूदी पुरोहित औरौ तैसकै सौबै साथी जू सदूकी लोगौ कै गुट कै थिए, सै चोणेयौंदे चैलै शै रिशान्दै लागै। इथकारिए तिनुऐ किछै काम कौरणौ का फोयसला कौरा।

प्रेरितो कै काम 5:24

जोबै मन्दिर कै रोखवाल़ै का ठोगड़ा औरौ मुख्य यहूदी पुरोहिते ऐजै खबर शौणै, तौ तिनकै बारै मुंजी बौड़ै पौरैशानी दै पौड़ै गौवै कै इथका का अणजाम हौंदा।

प्रेरितो कै काम 5:26

ऐजौ शोणेयो मन्दिर कै रोखवाल़ो का ठोगड़ा तिनकै साथै मंदिर दा हौटा औरौ तिथै जायौ चोणेयौंदे चैलै कै महासभा कै धोरे लियोऊवे, पौरौ जबरदस्ती कौरेयौ नी, जिथुकै सै लोगौ दै डौरौ थिए कै लोग पाथर मारै मारैयौ तिनुकै मारै दैंदै। जोबै तिनुऐ चैलै कै महासभा कै सामणै पैश कौरे, तोबै महायहूदी पुरोहिते तिनुवांदो पूछु,

प्रेरितो कै काम 6:12

औरौ तिनुऐ स्तिफनुस कै खिलाफ लोगौ औरौ बुड़ेईको औरौ यहूदी शास्त्री कै उकसाए औरौ तिनुऐ आयौ स्तिफनुस कै थाम्बैयौ महासभा कै धोरे निया।

प्रेरितो कै काम 6:7

औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।