प्रेरितो कै काम 3:25 - सिरमौरी नौवाँ नियम

²⁵ तुऐं सौबीए पौरमेशवर कै बातौ बौताणौवाल़ै कै संतान औरौ तियौं कौरारो कै हकदार औसौ, जू पौरमेशवरे तोंवारै पुराणिया शै बानै, जोबै तैणै अब्राहम कै बौल़ौ, ‘तैरै वंश कै दवारा दुनिया कै सारै कुड़बे आर्शीवाद पांदै।’

Sirmouri

²⁵ तुँऐं लोग ऋषियों की अलाद, अरह् तेसी बाय्दे के भागीदार असो; जुण्जा बाय्दा पंण्मिश्वर ऐं तुवाँरे पुराँणिऐं की गईलो, तेसी बख्हत्ते पाक्का करा थिया; जबे तिन्ऐं अब्राहम खे बुलो: ‘तेरे बंष के जाँणें संईसारी की बादी जात्तियों खे आशिर्बाद भेट्ला।’

प्रेरितो कै काम 3:25 ပူးပေါင်းရင်းမြစ်များ

लूका 1:72

सै आपणी पवित्र कौरार कै याद कौरेयौ अमारै पुराणिया पांदी दया कौरदा।

प्रेरितो कै काम 13:26

“ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

प्रेरितो कै काम 2:39

जिथुकै ऐजा वादा तुऔं, औरौ तोंवारै नानड़िया, औरौ तिनु दूर-दूर कै सौबी लोगौ कारिए बै औसौ जिनुखै प्रभु अमारा पौरमेशवर आपणै धोरे बौईददा।”

रोमियों 15:8

इथकारिए हांव बुलू मसीह, यहूदियों का सेवक ऐजौ बौताणौ कारिए बौणा, कै पौरमेशवर वादै खै पूरा कौरणौ कारिए साचा औसौ, जू तैणै तिनकै पुराणिया शै कौरे राए थिए।

रोमियों 4:13

पौरमेशवरे अब्राहम औरौ तैसकी आणौवाल़ी पीढ़ी शै वादा कौरा कै सै तिनु इयौं दुनिया कै वारिस बाणदा। ऐजा वादा इथकारिए ना कौरे रैई थी जिथुकै अब्राहमै मूसा कै कानून का पालन कौरे राए थिया, पौरौ पौरमेशवर दा तैसकै बिशवाश की बौजैह शै तैसी धरमी साबित कौरा।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

प्रकाशितवाक्य 14:6

औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।

प्रकाशितवाक्य 7:9

इथकै बाद मोऐं दैखौ कै लोगौ कै ऐक इशैक बौड़ी भीड़ थी कै कुणिए बै तिनु सौबी कै गिणै ना सौकौ थिए। सै दुनिया कै सौबी जाति, गोत्र, राष्ट औरौ भाषा मुंजीदै थिए। सै सिंहासन औरौ मेम्ने कै औगौड़ियौ खौड़ै थिए। तिनुऐ चिटै लुस्कै बाम्बै राए थिए औरौ सौबी आदमीए आपणै-आपणै हाथौ दी खजूरो की डाल़ी पाकड़ी रैई थी जू कै ऐक तैयारो कै निशानी कै जैशणा थिया