प्रेरितो कै काम 3:16 - सिरमौरी नौवाँ नियम

¹⁶ औरौ मसीह यीशु पांदी बिशवाश कौरणौ कै दवारा ऐजा आदमी बिल्कुल ठीक हौए गौआ, औरौ तुऐं जाणौए कै ऐजा कैशणा अपंग थिया औरौ तुंआरी आखी कै सामणै मसीह यीशु कै नांव दै बिशवाश कौरणौ की बौजैह शै ऐसी चंगाए भैट रौए।”

Sirmouri

¹⁶ प्रभू यीशू के नाँव दा, बिश्वाष कर्णो के कारण; तिन्ही के नाँम शा ऐसी आदमी खे जेसी तुऐं देखी लुवा, अरह् जेसी तुऐं जाँणों ऐ, ऐसी ऐजी शक्त्ति-ताक्त्त तिन्ही शी भेटी रंऐ, अरह् तेसी ही बिश्वाष ऐ ऐसी तुवाँरे सहाम्णें भला चाँग्गा करी दिता।

प्रेरितो कै काम 3:16 ပူးပေါင်းရင်းမြစ်များ

मत्ती 14:29

औरौ तैणै बौल़ौ, “आए जा!” तोबै पतरस किश्‍ती पौरैशा ओतरेयो यीशु कै धोरे जाणौ कारिए पाणी पांदी हांडदा लागा।

मत्ती 9:22

औरौ यीशुए पाछु खै घोमेयो दैखौ, औरौ बौल़ौ, “बैटी सब्र राख; तुऐं मुं पांदी भोरोशा कौरे राए कै हांव ताखै ठीक कौरे सौकु।” औरौ सैजै बैटमाणिश तौलोंई ठीक हौए गौए।

यूहन्ना 14:12

“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ।

यूहन्ना 7:23

तुऐं विशांव कै दूसै आदमी का खतना कौरौ, ताकि मूसा कै कानून कै आज्ञा टोल़े नै जांव, तौ तुऐं मुं पांदी किथु गुस्सा कौरौ कै मोऐं विशांव कै दूसै ऐक आदमी कै पूरी तरह शै ठीक कौरा।

प्रेरितो कै काम 14:9

तैणै पौलुस खै बातौ कौरदै बैई शौणै लौआ थिया, औरौ पौलुसे तैसकै ढौबौ ध्यान धोरेयौ दैखौ कै ऐसीखै ठीक हौणौ का बिशवाश औसौ।

प्रेरितो कै काम 16:18

सै बौहितै दूसौ तौड़ी ऐशैखैई कौरदै रोए, पौरौ पौलुस पौरैशान हौआ, औरौ पाछु फिरैयौ तियौं दुष्टआत्मा कै बौल़ौ, “हांव ताखै यीशु मसीह कै नांव शै आज्ञा दियु कै तू इयौं पौरैशै आगु जा औरौ सै तियौं घोड़ियो दै आगु हौटै गौए।”

प्रेरितो कै काम 3:6

तोबै पतरसे बौल़ौ, “चांदी औरौ सूनु तौ मुंआगै ना आथी पौरौ जू मुंआगै औसौ; सैजौ हांव ताखै दियु; नासरत गांव कै यीशु मसीह कै नांव शै ऊबा बिज़ औरौ हांडदा फिरदा लाग।”

प्रेरितो कै काम 3:8

सै उछल़ैयो खौड़ा हौए गौआ औरौ चालदा फिरदा लागा औरौ चालदा औरौ उछल़ैयो-कुदिंदा औरौ पौरमेशवर कै बौड़ाए कौरदै बैई तिनकै साथै मन्दिर कै आँगणो दा हौटा।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 4:7

औरौ पतरस औरौ यूहन्ना कै बीच मुंजी खौड़ै कौरेयौ पूछदै लागै, “ऐसी आदमी कै ठीक कौरणौ कारिए कुणै तुऔं अनौखी शौकतै औरौ औधिकार दैय राए?”

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।