प्रेरितो कै काम 3:13 - सिरमौरी नौवाँ नियम

¹³ अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

Sirmouri

¹³ अब्राहम, इसहाक, अरह् याकूब का पंण्मिश्वर ऐं, अमाँरे पुराँणियाऐं के पंण्मिश्वर ऐ; आप्णें सेंवक यीशू के बड़ियाऐं करी थऐ, जिनू तुँऐं लोगे ऐ थंहम्बड़ाऐ दित्ते, अरह् जबे हाकम-पिलातुस ऐ तिनू छ़ुड़्णों का ईरादा करा; तबे तुऐ लोग तिनू माँन्दे भाजी गुऐ।

प्रेरितो कै काम 3:13 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 20:19

औरौ मुखै बैगानै यहूदी कै हाथौ दै सोंपदै। औरौ मैरा मोजाक ऊड़ालै, औरौ कौड़ै मारले, औरौ क्रूस पांदी चौढ़ाल़ै, औरौ हांव ती दूसौ दा जियुंदी हौए जांदा।”

मत्ती 22:32

‘कै हांव तैरै पुराणिया अब्राहम, इसहाक, औरौ याकूब का पौरमेशवर औसौ।’ जू मौरेयौंदे का ना आथी, पौरौ जियुंदै का पौरमेशवर औसौ।”

मत्ती 27:2

औरौ तिनुऐ यीशु खै बाना औरौ नियौ राज्यपाल पिलातुस कै हाथौ दा सौंपै दिया।

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मरकुस 15:11

पौरौ मुख्य यहूदी पुरोहिते लोगौ खै उकसोऊवे, कै सै राज्यपाल पिलातुस शै यीशु कै बौदलै बरअब्‍बा ही कै आज़ाद कौरणौ कै मांग कौरौ।

लूका 22:57

पौरौ पतरस ऐजौ बौलेयौ भाजै गौआ, “ओए रै भाएटी हांव तैसी ना जाणु।”

लूका 23:4

तोबै राज्यपाल पिलातुसे मुख्य यहूदी पुरोहितो औरौ लोगौ कै बौल़ौ, “हांव ऐसी आदमी दा किछै बै दोष ना पोऊँ।”

लूका 6:37

“ओकी का न्याय नी कौरौ; तौ पौरमेशवर बै तोंवारा न्याय ना कौरदा। ओकी कै दोषी नी ठोहराया, तौ पौरमेशवर बै तुऔं पांदी दोष ना लांदा, ओकी कै बै माफ कौरौ तौ पौरमेशवर बै तुऔं माफ कौरदा।

यूहन्ना 12:16

यीशु कै चैलै ऐजी बातौ आगै ना सौमझै रैई थी; पौरौ जोबै यीशु की महिमा प्रकट हौए, तौ तिनकै याद ओऊ कै जू किछै बै यीशु कै साथै हौंव सैजौ ठीक तैशैकैई ही थियु जू पवित्र शास्त्र दो लैखै राए थियु।

यूहन्ना 18:40

तोबै तिनुऐ लैलियायो बौल़ौ, “ऐसी नै पौरौ आमु कारिए बरअब्‍बा कै आज़ाद कौरे दैंव।” औरौ बरअब्‍बा डाकू थिया।

यूहन्ना 19:11

यीशुए जोवाब दिया, “जै पौरमेशवर ताखै औधिकार नै दैय राखदा, तौ तैरा मुं पांदी कुणजाई औधिकार ना हौंदा, औरौ जैणै मुखै तैरै हाथौ दा सौंपै राए तैसका पाप जादा औसौ।”

यूहन्ना 19:12

इयौं जवाब की बौजैह शै राज्यपाल पिलातुसे तैसी छोड़े दैणा चोऊवा, पौरौ यहूदी नेताए लैरौ मारैयौ बौल़ौ, “जै तू ऐसी छोड़ दैला, तौ तू रोम देश कै महाराजा का दोस्त ना आथी; जू कुणिए बै आपी खै राजा बाणणौ का दावा कौरौ सै महाराजा का दुशमन औसौ।”

यूहन्ना 19:15

पौरौ सै लैरौ मारदै लागै, “ऐसीकै मार दैंव! ऐसीकै मारै दैंव! ऐसी क्रूसो पांदी किलियों खत्म कौरौ!” राज्यपाल पिलातुसे तिनुखै बौल़ौ, “का हांव तोंवारै राजा कै क्रूसो पांदी किलियों खत्म कौरे दियु?” मुख्य यहूदी पुरोहिते जोवाब दिया, “रोम देश कै महाराजा कै छोड़ेयौ अमारा कुणिए बै राजा ना आथी।”

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

प्रेरितो कै काम 22:14

तोबै तैणै बौल़ौ, ‘अमारै पुराणिया खै पौरमेशवरे ताखै इथकारिए ठोराए राए, कै तू तैसखै इछा खै जाणै, औरौ तैसी धरमी यानी मसीह खै दैखै, औरौ तैसकै आवाज़ शौणै।

प्रेरितो कै काम 24:14

पौरौ हांव तैरै सामणै मानै पोऊँ, कै हांव मसीह कै बाटो का चैला हौयौ आपणै पुराणिया कै पौरमेशवर कै सेवा कौरु, जैसी बाटो कै यहूदी अगुवे झूठी बौल़ौ, औरौ जू बातौ मूसा कै कानून औरौ पौरमेशवर कै बातौ बौताणौवाल़ै कै किताबो दी लैखै रैई, तिनु सौबी पांदी बिशवाश कौरु।

प्रेरितो कै काम 3:12

ऐजौ दैखैयो पतरसे लोगौ कै बौल़ौ, “ओए रै इस्राएल देश कै लोगौ, तुऐं ऐसी आदमी कै दैखैयो किथु हैरान हौए रौवै, औरौ अमारै ढौबौ किथु हैरानी शै दैख लो जैशैखै मानौ आमुए ही आपणी अनौखी शौकतै या भोक्‍ती लैई ऐसीकै हांडणौ फिरणौ कै लायक बाणै राए।

प्रेरितो कै काम 3:26

पौरमेशवरे आपणै सेवक कै मौरेयौंदे मुंजीदा बिज़ाल़ैयौ सौबिदा औगौड़ियौ तोंवारै धोरे भैजा, कै तुऐं आर्शीवाद पांव, ताकि तुऔं मुंजीदै हरेक पाप कै जिन्दगी शै फिरैयौ पौरमेशवर कै ढौबौ आणौ दै मौदद कौरौ।”

प्रेरितो कै काम 4:27

जिथुकै सौथी कै तैरै पवित्र सेवक यीशु, जैसका तुऐं अभिषेक कौरे राए तैसकै खिलाफ दै बैगानै यहूदी लोगौ औरौ इस्राएल देश कै लोगौ कै साथी मिलैयौ राजा हेरोदेस औरौ पुन्‍तियुस पिलातुस राज्यपाल बै ऐसी नोगरो दै कौठै हौए रौवै,

प्रेरितो कै काम 4:30

औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 7:32

हांव तैरै पुराणिया, अब्राहम, इसहाक औरौ याकूब का पौरमेशवर औसौ, तोबै मूसा डौरेयौ कांमणै गौआ, औरौ इथै तौड़ी कै तैसी दैखणौ कै हिम्मत ना होई।”

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।