प्रेरितो कै काम 3:10 - सिरमौरी नौवाँ नियम

¹⁰ औरौ तैसीकै पौछेयाणै पोऊवा कै ऐजा सैजाई लोंगड़ा भिखारी औसौ, जू मन्दिर कै सुन्दर फाटक पांदी बौठेयौ भीख मांगैया कौरौ थिया; औरौ तियौं घोटना शै जू तैसकै साथी हौए रोए थी; तिथु दैखैयो सैजै लोग बैजाए हैरान औरौ चकित हौए गौवै।

Sirmouri

¹⁰ तबे: लोगे ऐं तेसी पंह्छियाँणी पाया, के ऐजा सेजा ही लंगड़ा भीख्हारी असो; जुण्जा देऊँठी के “सुन्दर” नाँव के फाट्क कैई बऐठियों भीख्ह माँगो थिया; अरह् ऐजो देखियों के ऐजी का बात हऐ, तबे तिनके तूरबाँणच़ूटे।

प्रेरितो कै काम 3:10 ပူးပေါင်းရင်းမြစ်များ

मत्ती 14:35

औरौ तिथै कै लोगै तैसीखै पोयछाणैयो नेड़ी-बैड़ी कै सौबी देशो दै खोबर भैजी दी, औरौ सौबी बीमारों खै तैसकै धोरे लोऊवे।

लूका 4:36

इयौं बातौ लैई सौबै हैरान हौए गौवै, औरौ सै आपी मुंजी पूछदै लागै, “ऐजा कैशणा वचन औसौ? औरौ ऐजा आदमी औधिकार औरौ अनौखी शौकतै कै साथै दुष्टआत्मा कै आज्ञा दैंव, औरौ सै निकल़ै जांव।”

लूका 9:43

तोबै सौबै लोग पौरमेशवर की बौड़ै शौकतै सै हैरान हौए गौवै। पौरौ जोबै सोबै लोग तिनु सौबै कामौ शै जू सै कौरौ थिया, हैरानी कौरे लोए थी, तौ तैणै आपणै चैलै खै बौल़ौ,

यूहन्ना 5:20

इथकारिए कै पिता पौरमेशवर जू प्यार मुं आरी कौरौ, औरौ जू-जू काम सै आपी कौरौ, सै सौबै मुखै दिखांव, औरौ हांव इनु दै बै बौड़ै काम तिनु दिखांदा, ताकि तुऔं हैरानी हौंव।

यूहन्ना 9:3

यीशुए जवाब दिया, “ना तौ ऐणै पाप कौरे राए थिया, ना ऐसकै माँ बापूए पाप कौरे रैई थी, पौरौ ऐजा इथकारिए आन्धा पौयदा हौआ ताकि पौरमेशवर कै चौमत्कार कै काम तैसी पांदी प्रगट हौंव।

यूहन्ना 9:8

तोबै तैसी आन्धै आदमी कै पड़ोसीए औरौ औकै लोगै जिनुवै तैसी आगै भीख मांगदै दैखै राए थिया, ऐकी दूजै कैई बौलदै लागै, “का ऐजा सैजाई आदमी ना आथी जू बोठेयो खै भीख मांगो थिया?”

प्रेरितो कै काम 2:12

औरौ सै सौबै हैरान हुवे औरौ घबराएयों ऐकी दूजै कै बौलदै लागै, “ऐजौ का हौए रौ?”

प्रेरितो कै काम 2:7

औरौ सैजै सौबै हैरान हौए गौवै औरौ बौलदै लागै, “दैखौ, इनुवे जू बौल़ै लौ का सौबै गलील जिले कै रौणौवाल़ै ना आथी?

प्रेरितो कै काम 3:2

औरौ लोगै ऐकी आदमी कै नी लौआ थिया जू जन्म शै लोंगड़ा थिया, जैसीखै सैजै हर दूस मन्‍दिर कै तैसी दवारो पांदी जिथकौ नांव सुन्दर फाटक औसौ, बौठाल़े दैंव थिए, कै सै मन्दिरो दै जाणौवाल़ै कैईंदै भीख मांगो।