प्रेरितो कै काम 28:3 - सिरमौरी नौवाँ नियम

³ जोबै पौलुसे लाकड़ी का हौंगटा कौठा कौरेयौ आगी पांदी धोरा, तौ ऐक शोंगोऊं सैक लागैयो खै निकल़ु औरौ तैसकै हाथौ पांडो लोपेटियु।

Sirmouri

³ जबे संत्त-पौलुस ऐ लाकड़ी का ऐक भिंठा कट्ठा सलाऐयों आगी गाशी थंऐ लुवा थिया, तअ ऐक शंगाँव बैजाऐ ताप-सैक के कारण तिनू लाकड़ी के भिंटे शा नीक्ल़ा; अरह् से संत्त-पौलुस के हाथों दा मेंठिया।

प्रेरितो कै काम 28:3 ပူးပေါင်းရင်းမြစ်များ

मत्ती 12:34

तुऐं जोहरिले शोंगोऊं कै नानड़िया जैशणै औसौ, तुऐं बुरै हौयौ बै आछी बातौ बौल़ौ। जिथुखै जू मनो दो भोरै रौंव सैजौई मुँह पांदी आंव।

मत्ती 23:33

ओए रै जोहरिले दानो कै नानड़िया कै जैशणै लोगौ, तुऐं नरक कै सौजा शै ना बोचदै।

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

मरकुस 16:18

जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”

प्रेरितो कै काम 28:2

औरौ तिथै कै रौणौवाल़ै लोगै अमारै आछै शै खातिरदारी कौरी; जिथुखै पाणी औरौ जाड़ो लागणौ की बौजैह शै तिनुऐ आग बाल़ेयो अमारा स्वागत कौरा।

प्रेरितो कै काम 28:4

जोबै तिथै कै रौणौवाल़ै लोगै शोंगोऊं खै तैसकै हाथौ पांदी लोटकेयोंदो दैखौ, तौ आपी मुंजी बौल़ौ, “सौथीखै ऐजा आदमी हथियारा औसौ, बैशक ऐजा आदमी समुन्द्रो पौरैशा बौचै गौआ, तौ बै ऐबै अमारै न्यांव कै देवीए ऐसी जियुंदी ना रौणौ दी।”

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

2 कुरिन्थियों 6:9

किछै लोग आमु मशहूर सौमझौ, पौरौ किछै लोग आमु अणजाण सौमझौ; मौरेयौंदे कै जैशणै औसौ औरौ तोबै बै जियुंदी औसौ, आमै मार खाणौ वाल़ौ कै जैशणै औसौ पौरौ जान शै मारै ना जोऊं।