प्रेरितो कै काम 28:2 - सिरमौरी नौवाँ नियम

² औरौ तिथै कै रौणौवाल़ै लोगै अमारै आछै शै खातिरदारी कौरी; जिथुखै पाणी औरौ जाड़ो लागणौ की बौजैह शै तिनुऐ आग बाल़ेयो अमारा स्वागत कौरा।

Sirmouri

² तेथै के रंहणों वाल़े लोगे ऐं आँमों आरी बैजाऐ आछ़ा बर्ताव करा; जबे अस्माँनों शो पाँणीं लागी रूओं थियों, अरह् तेथै बैजाऐ शेल़ौ-जाड़ो पड़ी रूओं थियों; तबे तेथै के लोगे ऐं आँमों खे आग बाल़ियों दित्ती, अरह् आमों सोभी लोग सेकाऐ दिते।

प्रेरितो कै काम 28:2 ပူးပေါင်းရင်းမြစ်များ

मत्ती 10:42

जू कुणिए इनु नानड़ै मुंजीदा ऐकी कै मैरा चैला जाणैबा सिरफ ऐक गिलास शैल़ै पाणी का पियालै, हांव तुऔं खै साचौ बुलू, कै पौरमेशवर जौरुर तैसी आदमी कै इनाम दैला।”

यूहन्ना 18:18

मुख्य यहूदी पुरोहितो कै नोकर औरौ मन्दिर कै रोखवाल़ै जाड़ो लागणौ की बौजैह शै अंगार बाल़ेयो खै खौड़ै हौयौ आग सेकदै लागै रौवै थिए तोबै पतरसे बै तिनकै साथै आग सैकै लोए थै।

प्रेरितो कै काम 27:3

दूजै दूसै आमै सैदा नगर पौंचै गौवै औरौ यूलियुसे पौलुस पांदी दया कौरेयौ कै तैसी दोस्तो कै इथै जाणौ दिया कै तिनु कैईंदी जौरुरी चीज़ौ लियांव।

प्रेरितो कै काम 28:3

जोबै पौलुसे लाकड़ी का हौंगटा कौठा कौरेयौ आगी पांदी धोरा, तौ ऐक शोंगोऊं सैक लागैयो खै निकल़ु औरौ तैसकै हाथौ पांडो लोपेटियु।

प्रेरितो कै काम 28:4

जोबै तिथै कै रौणौवाल़ै लोगै शोंगोऊं खै तैसकै हाथौ पांदी लोटकेयोंदो दैखौ, तौ आपी मुंजी बौल़ौ, “सौथीखै ऐजा आदमी हथियारा औसौ, बैशक ऐजा आदमी समुन्द्रो पौरैशा बौचै गौआ, तौ बै ऐबै अमारै न्यांव कै देवीए ऐसी जियुंदी ना रौणौ दी।”

रोमियों 1:14

मैरी जुमैवारी सौबी लोगौ कै सुसमाचार शुणाणौ कारिए औसौ, चाहै सै यूनानी भाषा जाणणौ वाल़ै हौंव या ना जाणणौ वाल़ै हौंव, औरौ चाहै सौमझदार हौंव या नासमझ हौंव।

रोमियों 14:1

जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

रोमियों 14:3

औरौ जू मांसहारी ‍औसौ, सै निर्मांसी कै बैकार ना जाणौ, औरौ जू निर्मांसी औसौ सै मांसहारी पांदी दोष नी लाया; जिथुकै पौरमेशवर दु कै स्‍वीकार कौरौ।

रोमियों 2:27

औरौ जू आदमी शारीरिक रुप शै बिना खतना रौआ जै सै मूसा कै कानून का पालन कौरौ, तौ का तांव कैंई जू मूसा का कानून औसौ औरौ खतना कौरणौ कै बाद बै तू इथका पालन ना कौरे, तौ सै ताखै दोषी ना ठौहरांदा?

1 कुरिन्थियों 14:11

पौरौ जै आमै तियौं भाषा कै ना सौमझु, जू ओकीए बौल़ै लोए, तौ ऐजौ ऐशै हौन्दौ मानौ सै आमु कारिए विदेशी जैशणै औसौ, औरौ आमै तिनु कारिए विदेशी जैशणै हौन्दै।

2 कुरिन्थियों 11:27

मोऐं कैईंयौं राती जागैयौ, भूखै-तीशै दै रौयौ, जाड़ै औरौ कम लुस्कै दै रौयौ चैईथै मैहनत कौरे औरौ कैईंयौं पौरैशानी झैली।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

इब्रानियों 13:2

अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।