प्रेरितो कै काम 28:14 - सिरमौरी नौवाँ नियम

¹⁴ तिथै आमुखै किछै बिशवाशी भाई भैटी, औरौ तिनकै बौलणौ शै आमै तिनकै इथै सात दूसौ तौड़ी रौवै; औरौ ऐशैखैई तिनकै साथै रौणौ कै बाद, पौयदल हांडेयो रोम शहर खै ढौबौ चाल पौड़ै।

Sirmouri

¹⁴ तेथै अमाँरी बिश्वाषी भाऐ-बंईणों आरी भेंट हंऐ, अरह् आँमें तेथै तिनके ढंह्लयाँणों लई, सात्त देसो तोड़ी, तिनकी गंईलो रूऐ; अरह् ऐसी हाल्त्त आरी आँमें आखिरकार रोम नंगर दे पंह्ऊँचीं ही गुऐ।

प्रेरितो कै काम 28:14 ပူးပေါင်းရင်းမြစ်များ

मत्ती 10:11

जैसी कोसी नोगरो या गांव दै जांव तौ पौता कौरेया कै तिथै कुण आछौ औसौ? औरौ तांव तौड़ी तिथैदै नै निकल़ौ, तैसकैई घोरे रौव।

यूहन्ना 21:23

इथकारिए बिशवाशी भाईयों मुंजी ऐजै बात फोयलै गौए, कै सैजा चैला मौरदा ना। तोबै यीशुए तैसीखै ऐजौ नी बुली, कै सै ना मौरदा; पौरौ ऐजौ कै, “जै हांव चोऊं कै सै मैरै पाछु आणौ तौड़ी जियुंदी रौंव, तौ ताखै इंदु का?”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

प्रेरितो कै काम 20:6

पौरौ आमु दुए बाटी बाट हौयौ फिलिप्‍पी शहर कै यात्रा कौरे औरौ अखमीरी रोटी कै तैयारो कै बाद फिलिप्‍पी शहर शै पाणी कै जहाज पांदी बौठेयो पाँची दूसौ दै त्रोआस शहर दै तिनकै धोरे पौऊंचै, औरौ साती दूसौ तौड़ी तिथी रौवै।

प्रेरितो कै काम 21:4

औरौ चैलै खै भैटियो आमै तिथै साती दूसौ तौड़ी रौवै, तिनुऐ पवित्र आत्मा कै शिखाए पौलुस शै यरूशलेम शहर कै ना जाणौ कै बिन्ती कौरी।

प्रेरितो कै काम 28:13

तिथैदै आगु जायौ आमै रेगियुम नोगर दै पौऊंचै औरौ ऐकी दूसौ कै बाद दक्षिण बागूर चालै, तोबै दूजै दूसै पुतियुली शहर दै ओऊवे।

प्रेरितो कै काम 28:15

रोम शहर शै किछै बिशवाशी भाईए शुणु कै आमै तिथै आन्दै लागै रौवै औरौ सै आमुआरी भैटिणौ औरौ आमु रोम शहर लौए जाणौ कारिए अप्पियुस नगर कै बाज़ारो औरौ तीन-सराए नगर तौड़ी ओऊवे, जिनु दैखियौ खै पौलुसे पौरमेशवर का धन्यवाद कौरा, औरौ बैजाए हिम्मत बौड़ै।

प्रेरितो कै काम 28:21

तिनुऐ तैसीखै बुलू, “ना आमुए तैरै बारै मुंजी यहूदिया प्रदेश कै लोगौ शै चिट्ठियां पैई, औरौ ना अमारै लोगौ मुंजीदै कोसीए आयौ खै तैरै बारै मुंजी किछै बौतौऊं औरौ ना बुरु बुली।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

प्रेरितो कै काम 9:30

तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।