प्रेरितो कै काम 26:24 - सिरमौरी नौवाँ नियम

²⁴ जोबै पौलुसे ऐशणै ढंग शै जवाब दैय लौआ थिया, तौ राज्यपाल फेस्तुसे जोर शै बौल़ौ, “ओए रै पौलुस, तू पागल औसौ। बौहितै विद्याए ताखै पागल कौरे राए।”

Sirmouri

²⁴ संत्त-पौलुस ऐ ऐशी दाँई आप्णीं सफाऐ देऐ ही लंऐ थी, के हाकमं-फ़ेस्तुस ऐ जुराल़ों बुलो, “पौलुस! तू झ़ाह्ली रूवा; भहूत्ते ज्ञाँन की जाँण कारी के कारण ताँव दी झ़ाह्ल लागी रंऐ।”

प्रेरितो कै काम 26:24 ပူးပေါင်းရင်းမြစ်များ

मरकुस 3:21

तोबै जू तैसकै कुड़बे कै थिए ऐजौ शोणेयो, सै तैसीखै घोरे निणो कै ओऊवे; जिथु सै बौल़ौ थिए कै तैसका दिमाक ठिकाणै दा ना आथी।

यूहन्ना 7:15

तोबै यहूदी नेताए हैरान हौयौ खै बौल़ौ, “ऐसी बिना पवित्र शास्त्र कै पौढ़ै ऐजी शिक्षा कैशैखै आए गोई?”

यूहन्ना 8:48

ऐजौ शोणेयो यहूदी नेताए तैसीखै बौल़ौ, “आमै ठीक लो बौल़ै, कै तू सामरिया प्रदेश का रौणौवाल़ा औसौ, औरौ तांव दै दुष्टआत्मा औसौ।”

यूहन्ना 8:52

यहूदी नेताए तैसीकै बौल़ौ, “ऐबै आमुए जाणै पोऊँ कै तांव दै दुष्टआत्मा औसौ। अब्राहम मौरे गौआ, औरौ पौरमेशवर कै बातौ बौताणौवाल़ा बै मौरे गौवै औरौ तू बौल़ै, ‘जै कुणिए मैरी शिक्षा पांदी हांडला तौ सै हमैशा तौड़ी ना मौरदा।’

प्रेरितो कै काम 17:32

मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

प्रेरितो कै काम 22:1

“ओए रै भाईयों औरौ बापूओं, मैरा जोवाब शुणौ, जू हांव ऐबै तोंवारै सामणै बुलू।”

प्रेरितो कै काम 24:25

जोबै पौलुसे जू पौरमेशवर कै सामणै साचा औसौ औरौ आपणी इछावं पांदी काबू राखौ औरौ पौरमेशवर दवारा आणौवाल़ै न्याय कै बारै मुंजी बौताणौ शुरु कियु, तौ फेलिक्से डौरेयौ जोवाब दिया, “इबी तौ तू जा; जोबै मुंकैई सौमय हौला, हांव आपी ताखै बोईददा।”

प्रेरितो कै काम 24:27

पौरौ जोबै दो साल बीतै गोई, तौ फेलिक्स कै जौगैह पुरकियुस फेस्तुस राज्यपाल बौणै गौआ। औरौ फेलिक्स यहूदी लोगौ खै खुश कौरणौ की इछा शै पौलुस खै कोयदी दा ही राखा।

प्रेरितो कै काम 26:11

औरौ हरेक यहूदी सभा-घोर दै हांव तिनु ताड़-ताड़ैयौ खै यीशु कि नेंदैया कौरौऊं थिया, इथै तौड़ी कै गुस्से कै मारै ऐशणा पागल हौए गौआ, कै ओकी शहरो दा बै जायौ खै तिनु सोतोऊं थिया।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

2 कुरिन्थियों 5:13

जै कुणिए बौल़ौ कै आमै पागल औसौ, तौ पौरमेशवर कै खातिर औसौ, औरौ जै कोमल औसौ, तौ तोंवारै खातिर औसौ।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।