प्रेरितो कै काम 26:23 - सिरमौरी नौवाँ नियम

²³ की मसीह खै दुख उठाणा पौड़दा, औरौ सै सौबिदा आगै मौरेयौंदे मुंजीदा जियुंदी हौयौ, यहूदी लोगौ औरौ बैगानै यहूदी लोगौ कारिए उध्दार कै पेयाशै का प्रचार कौरदा।”

Sirmouri

²³ मतल्व ऐजो के मसीया दु:ख्ह भोगदे, अरह् मँरे अँदें मुँझी सोभी शे आगे दुज़ाल़िऐ ऊबे पाछ़ू जीऊँदें हंऐयों, आप्णें लोगों खे, अरह् गऐर-यहूदियों खे भे ज्योंत्ति-प्रकाष के खुषख्बरी का प्रचार कर्दे देंदे रंह्दे।”

प्रेरितो कै काम 26:23 ပူးပေါင်းရင်းမြစ်များ

मत्ती 26:24

हांव, आदमी का बैटा मोरी जोऊंबा जिथुकै ऐजै बात शास्त्रो दै लेखी राखै। पौरौ तैसी आदमी कै सख्त सौजा भैटदी जू मुखै धौखै शा थोमाला। जै सैजा आदमी पौयदा ना हौंदा तौ तैसी आदमी कारिए ऐजी भोली बात थी।”

मत्ती 27:53

औरौ तैसकै मौरेयौंदे मुंजीदै जियुंदी हौणौ खै बाद सै कब्रो पांदी दै निकल़ैयो खै पवित्र नगर दै हौटै, औरौ बौहितै खै दैखियै।

लूका 2:32

कै सै बैगानै यहूदी कै सोचाई बौताणौ कारिए पौरमेशवर को ऐक पेयाशो औसौ, औरौ इस्राएल देश कै लोगौ कै महिमा हौंव जू तैरै आपणै औसौ।”

लूका 24:26

ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?”

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

यूहन्ना 10:18

कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

यूहन्ना 11:25

यीशुए तियौंखै बौल़ौ, “हांव सैजा औसौ जू मौरेयौंदे लोगौ कै जिन्दगी दै पाछु लोऊ, औरौ हांव जीवन औसौ। इथकारिए जू कुणिए मुं पांदी बिशवाश कौरौ, जै सै मौरे बै जाला, तौ बै जियुंदी रौंदा।

प्रेरितो कै काम 13:34

औरौ तैसकै इयौं बातौ लैई मौरेयौंदे मुंजीदै जियुंदी हौणौ कै बारै मुंजी बै, कै सै कौलोंई नी शौड़ौ, पौरमेशवरे ऐजौ बौल राए, ‘हांव दाऊद पांदी कै पवित्र औरौ अटल आशीष तुऔं पांदी कौरदा।’

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

प्रेरितो कै काम 26:8

तोबै पौलुसे भीड़ दै सौबी यहूदी लोगौ खै बौल़ौ, तुऔं ऐजै बात नामुमकिन काए लागौ कै पौरमेशवर मौरेयौंदे लोगौ खै औटेयौ जियुंदी कौरे सौकौ?

प्रेरितो कै काम 3:18

पौरौ जिनु बातौ कै सौब पौरमेशवर कै बातौ बौताणौवाल़ै कै दवारा औगौड़ियौ ही पौरमेशवरे बौल़ै राए थियु, कै तैसका मसीह दुख झैलदा औरौ मारा जांदा, औरौ तैणै तिनु साचौ कौरेयौ दिखोऊ।

प्रेरितो कै काम 3:24

औरौ शमूएल शै लोयो तैसकै बाद वाल़ौ तौड़ी जैतरै पौरमेशवर कै बातौ बौताणौवाल़ै बातौ बौतैई तिनु सौबीए इनु दूसौ का सौंदेश दैय राए।

1 कुरिन्थियों 15:3

मोऐं सैजा सौबिदा खास सौंदेश बौतौऊवा जू मुखै प्रभु यीशु शा भैटी रौआ थिया। सैजा सौंदेश ऐजा औसौ, पवित्र शास्त्र कै हिसाब शै अमारै पापौ कै खातिर मसीहे प्राण कै दैय राए।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

इब्रानियों 2:10

पौरमेशवरे इनु सौबी चीज़ौ खै बाणी औरौ सौबै चीज़ौ खै आपी कारिए संभाल़ेयौ राखी। इयौं बौजैह शै, कै बैजाए लोगौ खै आपणी महिमा दै साझा कौरौ, पौरमेशवरे ऐजा फोयसला लौआ कै ऐजौ सोही हौंदौ कै प्रभु यीशु दुख सैयौ सिध्द बौणै जांव जू चाल-चलन दा साफ औसौ। जिथुकै यीशु ही औसौ जू तिनु उध्दार कै ढौबौ लौए जांव।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।