प्रेरितो कै काम 26:17 - सिरमौरी नौवाँ नियम

¹⁷ औरौ हांव ताखै तैरै लोगौ शै औरौ बैगानै यहूदी लोगौ शै बौचांदा रौंदा, जिनकै धोरे हांव इबी ताखै इथकारिए भैजु।

Sirmouri

¹⁷ हाँव आप्णें लोगों, अरह् गऐर-यहूदियों शी भे तेरी रंक्षा करूबा; जिन कैई मुँऐ ताँव डेयाल़ी लुवा।

प्रेरितो कै काम 26:17 ပူးပေါင်းရင်းမြစ်များ

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 16:39

औरौ तिनुऐ आयौ कै तिनुवांदै माफी मांगै, औरौ बायरै जायौ कै बिन्ती कोरी, कै अमारै नोगरो पौरैशै आगु जाव।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:14

तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

प्रेरितो कै काम 18:10

जिथुकै हांव तांव साथी औसौ, औरौ कुणिए तांव पांदी चौढ़ाए कौरेयौ तैरा नुकसान ना कौरदा; जिथुकै ऐसी शहरो दै मैरै बौहितै लोग औसौ, जू मुं पांदी भोरोशा कौरदै।

प्रेरितो कै काम 25:3

औरौ तिनुऐ फेस्तुस राज्यपाल शै बिन्ती कौरे कै सै तिनका साथ दैंव कै सै पौलुस कै यरूशलेम शहर दा बौईदो, जिथुखै सै तैसी बाटौ पुंडा ही मारणौ कै ताको दै लागै रौवै थिए।

प्रेरितो कै काम 28:28

इथकारिए तुऐं जाणै पाव, कै पौरमेशवर कै ऐजै उध्दार कै कथा बैगानै यहूदी लोगौ कै धोरे भैजै राए, औरौ सै अपनांदै।”

प्रेरितो कै काम 9:15

पौरौ प्रभुए तैसीखै बौल़ौ, “तू आगु जा, जिथुकै तैसी तौ मोऐं बैगानै यहूदी औरौ राजाओं औरौ इस्राएल देश कै लोगौ कै सामणै मैरै बारै मुंजी प्रचार कौरणै औरौ आपणी सेवा कौरणौ कारिए चोणे राए।

रोमियों 11:13

हांव तुऔं बैगानै यहूदी लोगौ शै ऐजी बातौ बुलू। जोबै कै हांव बैगानै यहूदी लोगौ कारिए चोणेयौंदा चैला औसौ, तौ हांव आपणै सेवकाई पांदी घमण्‍ड कौरु,

रोमियों 15:16

कै हांव बैगानै यहूदी लोगौ कारिए मसीह यीशु का सेवक हौयौ ऐक यहूदी पुरोहित कै जैशणा पौरमेशवर शै भैटेयौंदा सुसमाचार कै सेवा कौरु; ताकि बैगानै यहूदी लोगौ कै पौरमेशवर कै खातिर ऐक भैंट कै रुप दै दियै जांव जिथलैई सै खुशी औसौ, औरौ जिनु पवित्र आत्माए पवित्र बौणणौ कारिए जौई कौरे राए।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

1 तीमुथियुस 2:7

इयौं बौजैह शै, पौरमेशवरे मुखै सुसमाचार का प्रचारक औरौ ऐक चोणेयौंदा चैला हौणौ कारिए चोणे राए। तैणै मुखै बैगानै जाति कै लोगौ कै बिशवाश का साचा सौंदेश शिखाणौ कारिए चोणे राए। मोऐं झूठु ना बौल़ै लैई; पौरौ मोऐं साचौ लो बौल़ै।

2 तीमुथियुस 1:11

पौरमेशवरे मुखै ऐसी सुसमाचार का प्रचार कौरणौ कारिए औरौ चोणेयौंदा चैला बौणणौ कारिए औरौ बैगानै यहूदी लोगौ कै उपदैश दैणौ कै खातिर चोणे राए।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।