प्रेरितो कै काम 24:17 - सिरमौरी नौवाँ नियम

¹⁷ बौहितै सालो खै बाद हांव आपणै गरीब लोगौ कारिए तौफा पोऊंचाणौ औरौ पौरमेशवर खै बलिदान चौढ़ाणौ कारिए यरूशलेम शहर दा आए रौआ थिया।

Sirmouri

¹⁷ बैजाऐ साल्ह बित्त्णों गाशी, हाँव आप्णे लोगो खे दाँण देंदा, अरह् देऊँठी दी भेंट चड़ाँदा आऐ रूवा।

प्रेरितो कै काम 24:17 ပူးပေါင်းရင်းမြစ်များ

प्रेरितो कै काम 20:16

पौरौ पौलुसे इफिसुस शहर दा ना रुकणौ का फोयसला कौरा जिथुकै सै एशिया प्रदेश दा हौजौ जादा सौमय नी बीतणा चांव थिया। जिथुकै सै काल़े रौआ थिया, कै जै हौए सौकौ, तौ सै पिन्‍तेकुस्‍त तैयारो कै दूसै यरूशलेम शहर दा रौंव।

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

प्रेरितो कै काम 21:26

दूजै दूसै पौलुसे तिनु आदमी कै साथै जायौ आपी खै शुद्ध कौरा, औरौ सै मन्दिर दा हौटा, ऐजौ बौताणौ कारिए की शुद्धि कै दूस कोबे खत्म हौंदै, औरौ तिनुमुंजी दै हरेक कारिए बलिदान कोबे चौढ़ाए जांदै।”

प्रेरितो कै काम 24:26

राज्यपाल फेलिक्स तिनु बातौ कै बारै मुंजी डौरौ थिया जू पौलुसे बौल़ै रैई थी, तोबै बै सै कोबी कोबार तैसी बौईदो थिया औरौ तैसकै साथै बातौ कौरौ थिया जिथुकै तैसी आशा थी कै पौलुस कोयदखाने शै छुटणौ कारिए तैसी किछै रुपीये दैंदा।

रोमियों 15:31

कै हांव यहूदिया प्रदेश कै अबिशवाशियौं शै ठीक ठाक बौचेयौ रोऊं, जू चीज़ मोऐं यरूशलेम शहर कै आगु नी लोए, तिथलैई तिथै रौणौवाल़ै पवित्र लोग आनंदित हौए जांदै।

2 कुरिन्थियों 8:6

इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

2 कुरिन्थियों 9:12

जिथुकै इयौं सेवा कै पूरा कौरणै शै, ना सिरफ पवित्र लोगौ की जौरुरते पूरी हौंव, पौरौ लोगौ कै औरौ शा पौरमेशवर का बै बौहुता धन्यवाद हौं।

गलातियौं 2:10

तिनुऐ आमु कैईंदै सिरफ ऐजी बिन्ती कौरे, कै आमु यरूशलेम शहर दै गरीब बिशवाशियौं कै मौदद कौरु औरौ ऐजौ सैजौ थियु जू हांव कौरणा चोऊं थिया।