प्रेरितो कै काम 24:10 - सिरमौरी नौवाँ नियम

¹⁰ जोबै राज्यपाले पौलुसो खै बौलणौ कारिए इशारा कौरा, तौ तैणै जवाब दिया: मोऐं ऐजौ जाणैयौ कै तुऐं बौहितै सालो शै ऐसी देश का न्याय कौरे लौआ, औरौ इथकारिए खुशी सै आपणा जवाब दियु।

Sirmouri

¹⁰ जबे तेने हाकम-फेलिक्स ऐं संत्त-पौलुस खे बुल्णों का ईशारा दिता, तअ तेने ऐजा जबाब दिता: “मुँऐं ऐजों जाँणियों खुशी हंऐयों आप्णीं सफाऐ देऐ लऐ; के तुऐं बैजाऐ साल्ह शे ईयों जात्ती का नियाव कर्णो वाल़े नींयाँईच़ू असो।

प्रेरितो कै काम 24:10 ပူးပေါင်းရင်းမြစ်များ

लूका 12:11

जोबै लोग तुऔं यहूदी सभा-घोरो औरौ राज्यपाल औरौ औधिकारियो कै सामणै लौए जांदै, तौ फिकर नी कौरेया, कै आमुए कैशैखै का जोवाब दैणा या का बौलदै।

लूका 12:14

तोबै यीशुए तैसी बौल़ौ, “ओए रै दौड़ै, कुणै मुखै तोंवारा न्याय कौरणौवाल़ा या जायदात बांटणौवाल़ा ठोहराए राए?”

लूका 18:2

“कोसी नोगरो दा ऐक न्यायाधीश रौंव थिया, जू ना ही पौरमेशवर दा डौरौ थिया, औरौ ना ही कोसी आदमी की परवाह कौरौ थिया।

प्रेरितो कै काम 12:17

तोबै तैणै तिनु हाथौ लैई इशारा कौरा कै चुपी रो; औरौ तिनु बौतौऊ कै प्रभुए कैशैकै मुखै कोयदै पौरैशा निकाल़ैयो लाए राए। हौजौ बौल़ौ, “याकूब औरौ तैसकै भाईयों खै ऐजै बात बौताए दैया।” तोबै निकल़ैयो सै ओकी जौगैह दा हौटै गौआ।

प्रेरितो कै काम 13:16

तोबै पौलुस खौड़ै हौयौ हाथौ लैई चुपी रौणौ का इशारा कौरेयौ सौमझौऊवे की मेसो रौंव, “ओए रै इस्राएल देश औरौ पौरमेशवर सै डोरणौवाल़ै, बैगानै यहूदी शुणौ

प्रेरितो कै काम 18:15

पौरौ जै ऐजै बात बैहस-बाजी शब्दो, औरौ नामो, औरौ तुंआरै इथै कै मूसा कै कानून कै बारै मुंजी औसौ, तौ तुऐं ही जाणौ; जिथुकै हांव इनु बातौ का न्यायी ना बोणणा चोऊं।”

प्रेरितो कै काम 19:33

तोबै भीड़ौ मुंजीदै किछै यहूदी लोगै सिकन्‍दर खै भीड़ कै सामणै ढोकयोऊंवा, औरौ औगौड़ियौ कौरा औरौ सिकन्‍दरे मेसो रौयौ हाथौ लैई इशारा कौरेयौ लोगौ खै सौमझाणौ कै कौचिश कौरे लोए थै।

प्रेरितो कै काम 21:40

जोबै तैणै आज्ञा दै, तौ पौलुसे पोइड़ी पांदी खौड़ै हौयौ लोगौ खै हाथौ लैई चुपी रौणौ कारिए इशारा कौरा। जोबै सै चुपी हौए गौवै, तौ सै इब्रानी भाषा दा बौलदा लागा:

प्रेरितो कै काम 23:24

औरौ पौलुस कै शवारी कारिए घोड़ा तैयार राखौ, कै तैसी फेलिक्स राज्यपाल कै धोरे ठीक ढंग शै पोऊंचाए दैंव।

प्रेरितो कै काम 26:1

राजा अग्रिप्पाए पौलुस खै बौल़ौ, “ताखै आपणै बारै मुंजी बौलणौ कि इजाज़त औसौ।” तोबै पौलुसे हाथ लैई इशारा कौरा औरौ आपणै बौचाव दा बौलांदा लागा,

1 पतरस 3:15

पौरौ आपणै मनो दा मसीह कारिए डौर राखौ, औरौ प्रभु कै रुप दै तैसी इज्जत दैव औरौ जै कुणिए तियौं आशा कै बारै मुंजी पूछौ जू बिशवाशी हौणौ कै नातै आमै सौबै साझा कौरु, तौ हमैशा तैसी सौमझाणौ कारिए तैयार रौव। पौरौ नम्र औरौ आदर कै साथै कौरौ। हमैशा सैजौई कौरौ जू सोही औसौ। तोबै बै जै लोग तोंवारै खिलाफ बुरु बौल़ौ, तौ सैजै ही शर्मिंदा हौंदै जोबै सै मसीह कै साथै तोंवारै आछै सौमबंध कै बौजैह शै तोंवारै आछै बर्ताव खै दैखलै।