प्रेरितो कै काम 23:30 - सिरमौरी नौवाँ नियम

³⁰ औरौ जोबै मुंआगो बौतौऊं, कै सै ऐसी आदमी कै मारणौ कै ताको दै लागै रौवै तौ मोऐं तौलोंई तैसीखै तैरै धोरे छाड़ै दिया; औरौ तिनु यहूदी लोगौ कै जिनुवै तैसी पांदी आरोप लाए राए तिनुकै आदैश दिया कै तैरै सामणै तैसी पांदी दोष लांव।”

Sirmouri

³⁰ जबे मुँह कैई ऐजा पता लागा, के ऐसी आदमी के बारे दा माँर्णो का कैड़ा, अरह् किऐ रंच्णा रंचीं लंऐ; तअ मुँऐं ऐसी तेख्णीं ताँव कैई डेयाल़ी दिता, अरह् मुँऐं ऐस्के मुदोई खे भे ऐजी अज्ञाँ देऐ थंऐ; के तुऐं भे हाकमं फेलिक्स के सहाँम्णें ही आप्णा मुकदमा करह्।”

प्रेरितो कै काम 23:30 ပူးပေါင်းရင်းမြစ်များ

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

प्रेरितो कै काम 23:12

जोबै झीश हौए, तौ किछै यहूदी लोगै तरकीब बाणै, औरौ तिनुऐ ऐजै शौं खाए कै जांव तौड़ी आमु पौलुस खै मारै नी दियु, तांव तौड़ी आमु ना किछै खोऊं औरौ ना किछै पियुं।

प्रेरितो कै काम 23:20

तैणै बौल़ौ, “यहूदी नेताए योजना बाणै राए, कै तांव कैईंदै बिन्ती कौरौ कै दोतियो पौलुस कै महासभा दा लायौ, ऐशणा दिखावा कौरेयौ कै तुऐं तैसकै बारै मुंजी हौजौ बै ठीक शै जांच कौरणा चांव।

प्रेरितो कै काम 23:31

तियौंई राती सैनिके दैयौंदै आदैशो कै पूरै कौरे: सै पौलुसो खै यरूशलेम शहर शै लोए गौवै औरौ तैसी अन्तिपत्रिस शहर दा लियोऊवा।

प्रेरितो कै काम 23:35

औरौ जोबै जाणै पोऊँ कै किलिकिया प्रदेश का औसौ; तौ तैसीकै बौल़ौ, “जोबै तैरै आरोपी बै आलै, तौ हांव तैरा मुकदमा लोड़दा।” औरौ तैणै पौलुस खै राजा हेरोदेस कै किले दै, रोखवाल़ी दै राखणौ कि आज्ञा दै।

प्रेरितो कै काम 24:19

जै मोऐं किछै गौलत कौरे राए थियु, तौ तिनु मुं पांदी आरोप लाणौ कारिए इथै तैरै सामणै हौणौ चैंई थियु।

प्रेरितो कै काम 25:16

पौरौ मोऐं तिनुखै जोवाब दिया, कै रोम शहर कै रौणौवाल़ै लोगौ कै ऐशणै भोवार नी आथी, कै कोसी आदमी खै दण्‍ड कारिए सौंपै दैंव, जांव तौड़ी आरोपी खै आपणै दोष लाणोवाल़ै कै सामणै खौड़ै हौयौ दोष का जोवाब दैणौ का मौका ना भैटौ।

प्रेरितो कै काम 9:24

पौरौ तिनकी साजिश शाऊल कै पोता लागै गोए: सै तौ तैसी मारणौ कारिए रात दूस नगर कै फाटको कै धोरे ताको दै लागै रौवै थिए।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।