प्रेरितो कै काम 23:16 - सिरमौरी नौवाँ नियम

¹⁶ पौरौ पौलुस कै भांजै शुणु कै यहूदी लोगै पौलुस खै मारणौ कै तरकीब बाणै लोए थी, तौ गढ़ दा जायौ पौलुस खै सौंदेश दिया।

Sirmouri

¹⁶ परह् संत्त-पौलुस के भाँण्जे ऐ ऐजो सब-कुछ शुँणीं पाव, अरह् से आप्णें माँमा बंचाँदा किल्लै दा पंह्ईचा, अरह् भींटे ज़ाऐयों तेने संत्त-पौलुस कैई सेजो सब-कुछ़ साफ-साफ बुली दितो।

प्रेरितो कै काम 23:16 ပူးပေါင်းရင်းမြစ်များ

प्रेरितो कै काम 21:34

पौरौ भीड़ौ मुंजीदै कुणिए किछै औरौ कुणिए किछै लैरौ मारदै रौवै औरौ जोबै हलचल कै मारै ठीक सौचाई ना जाणै सौकी, तौ तैसी कटगरेह दै लोए जाणौ कै आज्ञा दी।

प्रेरितो कै काम 21:37

जोबै सैजै पौलुस खै कटगरेह दा लोय जाणौ पांदी थिए, तौ तैणै सैनिक गुट कै ठोगड़े खै बौल़ौ, “का मुखै आज्ञा औसौ कै हांव तांव कैंई किछै बुलू?” तैणै बौल़ौ, “का तू यूनानी भाषा जाणै?

प्रेरितो कै काम 23:10

जोबै तिथै बैजाए बैहस हौंदै लागै, तौ सैनिक गुट कै सरदारे ऐसी डौरौ शै कै सै पौलुसो कै टुकड़ै-टुकड़ै नी कौरे दैंव सैनिक गुट कै आज्ञा दै की ओतरेयो पौलुस खै सभा कै सदस्यों कै बीचो मुंजीदा जोरै घाड़ो, औरौ गढ़ दा लोय जाव।

प्रेरितो कै काम 23:17

पौलुसे सूबेदारो मुंजीदा ऐकी खै आपणै धोरे बौएदैयौ बौल़ौ, “इनु जोवानो खै सैनिक गुट कै ठोगड़े कै नेड़िक लोय जाव, ऐजै तैसीखै किछै बौलणौ चांव।”

प्रेरितो कै काम 23:32

दूजै दूसै तिनिए घुड़-शवारों खै पौलुस कै साथै कैसरिया शहर कै डियाल़ेयो औरौ पौयदल सिपाही आपी यरूशलेम शहर खै पाछु ओऊवे।

प्रेरितो कै काम 24:23

औरौ सूबेदार खै आज्ञा दै, कै पौलुस खै रोखवाल़ी दा राखौ, पौरौ तैसीकै ऐतरै आज़ादी जौरुर दैया कै तैसकै खास दोस्त आयौ तैसकै सेवा कौरे सौकौ।

1 कुरिन्थियों 3:19

जिथुकै इयौं दुनिया कै लोगौ कै सोंच चलाक औसौ। जैशै पवित्र शास्त्र दो लैखै राए, “पौरमेशवर बुध्दिमान लोगौ कै चतुराए का इस्तैमाल तिनु पाकड़णो कारिए ऐक जाल कै रुपो दा कौरौ।