प्रेरितो कै काम 22:3 - सिरमौरी नौवाँ नियम

³ “हांव तौ यहूदी आदमी औसौ, मैरा जन्म किलिकिया प्रदेश कै तरसुस शहर दा हौआ, पौरौ ऐसी नोगर दा गमलीएल कै लातो कै धोरे बोठेयो शिक्षा पाए, औरौ पुराणिया मूसा कै कानून कै बै ठीक ढंग शै शिखाए राए; औरौ पौरमेशवर कारिए ऐशणै धुन लाए राए थी, जैशणी तुऐं सौबीए ऐलो लाए राए।”

Sirmouri

³ “हाँव यहूदी असो! हाँव किलिकिया के तरंसुस नंगर दा पय्दा हऐ रूवा; अरह् मुँऐ ऐसी नंगर दे ही गुरू-गमलीएल के लात्तो कैई बऐठियों शिक्क्षा-दिक्क्षा लऐ थंऐ; मुँऐं आप्णें पुराँणियाऐं के रित्ती-रूवाज के बिधी-बिधान का बादा अध्यन करी थुवा; हाँव पंण्मिश्वर का तेष्णा ही आरार्धना कर्णों वाल़ा बंणाँ, जेष्णें तुऐं असो।

प्रेरितो कै काम 22:3 ပူးပေါင်းရင်းမြစ်များ

लूका 10:39

तियौंकै मरियम नांव कै ऐक बोहिण थी; सै प्रभु कै लातो धोरे बौठेयौ तैसकै शिक्षा शुणौ थै।

लूका 2:46

औरौ तीन दूसौ कै बाद तिनुऐ तैसीखै मन्दिर कै आँगणो दा उपदैशको कै बीच मुंजी बौठेयौंदा तिनकै शुणदै बैई औरौ तिनुवांदा सवाल पूछदै बैई दैखा।

लूका 8:35

लोग ऐजौ जू हौए रौंव थियु तिथु दैखणौ कारिए निकल़ै औरौ यीशु कै धोरे आयौ जैसी आदमी पौरैशै दुष्टआत्मा निकल़ै रौवै थी, तैसीखै यीशु कै लातो कै धोरे खोटणो बाम्बेयोंदा औरौ होशो दा बोठेयोंदा दैखैयो डौरे गौवै।

प्रेरितो कै काम 11:25

तोबै बरनबास अन्‍ताकिया शहर खै छोड़ेयौ शाऊल खै जूणौ कारिए तरसुस शहर खै हौटै गौआ।

प्रेरितो कै काम 15:23

औरौ तिनुऐ इयौं चिट्ठी खै तिनुआरी भैजै, “अन्‍ताकिया शहर औरौ सीरिया प्रदेश औरौ किलिकिया प्रदेश कै रौणौवाल़ै जू बैगानै यहूदी बिशवाशियौं मुंजीदै औसौ तिनकै चोणेयौंदे चैलै औरौ अगुवो भाईयों का नमशकार।

प्रेरितो कै काम 15:41

तोबै सै पूरै सीरिया प्रदेश औरौ किलिकिया प्रदेश दै हौटै औरौ कलीसिया कै बिशवाशियौं खै मोजबूत कौरदै बैई हौटै।

प्रेरितो कै काम 21:20

तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 21:39

पौलुसे बौल़ौ, “ना हांव ऐक यहूदी आदमी औसौ! हांव किलिकिया प्रदेश कै मशहूर शहर तरसुस का रौणौवाल़ा औसौ। औरौ हांव तांव कैईंदै बिन्ती कौरु, कै मुखै लोगौआरी बात कौरणौ दै।”

प्रेरितो कै काम 23:34

राज्यपाले चिट्टी पोढ़ेयो खै पूछु, “ऐजा कोसी प्रदेश का औसौ?”

प्रेरितो कै काम 23:6

तोबै पौलुसे ऐजौ जाणैयौ, कै किछै सदूकी लोग औरौ किछै फरीसी लोग औसौ, महासभा मुंजी जोर शै बौल़ौ, “ओए रै भाईयों हांव फरीसी औरौ फरीसियों कै सन्तान का औसौ, मैरा मुकदमा इथकारिए हौंदा लागै रौआ जिथुकै मुखै आशा औसौ कै पौरमेशवर मौरेयौंदे लोगौ खै मौरेयौंदे मुंजीदा जियुंदी कौरदा।

प्रेरितो कै काम 26:5

सैजै लोग मुखै मैरी जवानी शै उंडा जाणौ औरौ जै चांव, तौ गवाही बै दैय सौकौ, हांव फरीसियों का ऐकै सदस्य रोए रौआ, जू की अमारै धरम का सौबिदा सख्त गुट औसौ।

प्रेरितो कै काम 26:9

“मोऐं बै सौमझै राए थियु की नासरत गांव कै यीशु कै खिलाफ मुखै बौहुत कुछ कौरणौ चैंई।”

प्रेरितो कै काम 5:34

पौरौ गमलीएल नांव कै ऐकी फरीसी आदमीए जू यहूदी शास्त्र का ज्ञानी औरौ सौबी लोगौ मुंजी माना गिनेयोंदा थिया, महासभा दै खौड़ै हौयौ चोणेयौंदे चैलै कै दैणिक सौमय कारिए बायरै भैज दैणौ कै आज्ञा दी।

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

प्रेरितो कै काम 9:1

एसी बीच मुंजी शाऊल प्रभु यीशु कै चैलै खै धमकाणौ औरौ मारणौ कै धमकी दैंव थिया औरौ सै महायहूदी पुरोहित कै धोरे हौटा।

प्रेरितो कै काम 9:11

तोबै प्रभुए तैसी बौल़ौ, “बिज़यो, ‘सीधी’ नांव कै गल़ी दा जा, औरौ यहूदा कै घोरो दा शाऊल नांव कै ऐक आदमी कै बारै मुंजी पूछै पा; जू तरसुस शहर का रौणौवाल़ा औसौ जिथुकै तैणै प्रार्थना कौरे लोए,

प्रेरितो कै काम 9:30

तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

रोमियों 11:1

इथकारिए हांव पूछु, का पौरमेशवर आपणै लोगौ कै छोड़े दियै? ना! बिल्कुल नी! हांव बै तौ इस्राएली औसौ, अब्राहम कै वंश औरौ बिन्‍यामीन कै गोत्र पौरैशा औसौ।

2 कुरिन्थियों 11:22

का सैजै ही इब्रानी देश कै औसौ? हांव बै औसौए। का सैजै ही इस्राएल देश कै औसौ? हांव बै औसौए; का सैजै ही अब्राहम कै वंश औसौ? हांव बै औसौए।

गलातियौं 1:21

इथकै बाद हांव सीरिया प्रदेश औरौ किलिकिया प्रदेशो दा ओऊवा।