प्रेरितो कै काम 21:39 - सिरमौरी नौवाँ नियम

³⁹ पौलुसे बौल़ौ, “ना हांव ऐक यहूदी आदमी औसौ! हांव किलिकिया प्रदेश कै मशहूर शहर तरसुस का रौणौवाल़ा औसौ। औरौ हांव तांव कैईंदै बिन्ती कौरु, कै मुखै लोगौआरी बात कौरणौ दै।”

Sirmouri

³⁹ संत्त-पौलुस ऐ बुलो, “हाँव यहूदी असो! अरह् किलिकिया के तरसुस नंगर का रंहणों वाल़ा असो; हाँव कोसी सिधे-साधे नंगर का नागरिक ने आथी, मेरी ताँव कैई शी ऐजी अरज असो; के मुँखे लोगों की भीड़ मुँझी किऐ बुल्णों के अज्ञाँ दियों।”

प्रेरितो कै काम 21:39 ပူးပေါင်းရင်းမြစ်များ

प्रेरितो कै काम 15:23

औरौ तिनुऐ इयौं चिट्ठी खै तिनुआरी भैजै, “अन्‍ताकिया शहर औरौ सीरिया प्रदेश औरौ किलिकिया प्रदेश कै रौणौवाल़ै जू बैगानै यहूदी बिशवाशियौं मुंजीदै औसौ तिनकै चोणेयौंदे चैलै औरौ अगुवो भाईयों का नमशकार।

प्रेरितो कै काम 15:41

तोबै सै पूरै सीरिया प्रदेश औरौ किलिकिया प्रदेश दै हौटै औरौ कलीसिया कै बिशवाशियौं खै मोजबूत कौरदै बैई हौटै।

प्रेरितो कै काम 16:37

पौरौ पौलुसे तिनुखै बौल़ौ, “तिनुऐ आमु जू रोम शहर कै रौणौवाल़ै आदमी औसौ, दोषी जाणै बिना लोगौ कै सामणै मारै औरौ कोयदखाने दै खोटे औरौ ऐबै तिनुऐ आमु कै मेसो बाईंडे गाड़ै लौवै, ऐशै ना हौंदौ, पौरौ सै आपी आयौ कै आमु कै बायरै लोए जांव।”

प्रेरितो कै काम 21:37

जोबै सैजै पौलुस खै कटगरेह दा लोय जाणौ पांदी थिए, तौ तैणै सैनिक गुट कै ठोगड़े खै बौल़ौ, “का मुखै आज्ञा औसौ कै हांव तांव कैंई किछै बुलू?” तैणै बौल़ौ, “का तू यूनानी भाषा जाणै?

प्रेरितो कै काम 22:3

“हांव तौ यहूदी आदमी औसौ, मैरा जन्म किलिकिया प्रदेश कै तरसुस शहर दा हौआ, पौरौ ऐसी नोगर दा गमलीएल कै लातो कै धोरे बोठेयो शिक्षा पाए, औरौ पुराणिया मूसा कै कानून कै बै ठीक ढंग शै शिखाए राए; औरौ पौरमेशवर कारिए ऐशणै धुन लाए राए थी, जैशणी तुऐं सौबीए ऐलो लाए राए।”

प्रेरितो कै काम 23:27

ऐसी आदमी खै यहूदी लोग पाकड़ेयौ खै मारणा चांव, पौरौ जोबै मोऐं जाणौ कै सै रोम शहर का रौणौवाल़ा औसौ, तौ सैनिक गुट नियौ खै बौचायौ लियोऊवा।

प्रेरितो कै काम 23:34

राज्यपाले चिट्टी पोढ़ेयो खै पूछु, “ऐजा कोसी प्रदेश का औसौ?”

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

प्रेरितो कै काम 9:11

तोबै प्रभुए तैसी बौल़ौ, “बिज़यो, ‘सीधी’ नांव कै गल़ी दा जा, औरौ यहूदा कै घोरो दा शाऊल नांव कै ऐक आदमी कै बारै मुंजी पूछै पा; जू तरसुस शहर का रौणौवाल़ा औसौ जिथुकै तैणै प्रार्थना कौरे लोए,

प्रेरितो कै काम 9:30

तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

1 पतरस 3:15

पौरौ आपणै मनो दा मसीह कारिए डौर राखौ, औरौ प्रभु कै रुप दै तैसी इज्जत दैव औरौ जै कुणिए तियौं आशा कै बारै मुंजी पूछौ जू बिशवाशी हौणौ कै नातै आमै सौबै साझा कौरु, तौ हमैशा तैसी सौमझाणौ कारिए तैयार रौव। पौरौ नम्र औरौ आदर कै साथै कौरौ। हमैशा सैजौई कौरौ जू सोही औसौ। तोबै बै जै लोग तोंवारै खिलाफ बुरु बौल़ौ, तौ सैजै ही शर्मिंदा हौंदै जोबै सै मसीह कै साथै तोंवारै आछै सौमबंध कै बौजैह शै तोंवारै आछै बर्ताव खै दैखलै।