प्रेरितो कै काम 21:34 - सिरमौरी नौवाँ नियम

³⁴ पौरौ भीड़ौ मुंजीदै कुणिए किछै औरौ कुणिए किछै लैरौ मारदै रौवै औरौ जोबै हलचल कै मारै ठीक सौचाई ना जाणै सौकी, तौ तैसी कटगरेह दै लोए जाणौ कै आज्ञा दी।

Sirmouri

³⁴ लोगों के भीड़ो मुझ्षो कुँणिंऐ किऐ बुलो, कुँणिऐ किऐ बुलो; ऐजा पता ही ने लागी, के कुँणें का बुली लो; अरह् सेजा सुबेदार तिनू लोगों कैई ढह्स्रोल़े के कारण पंह्ऊच़ी ने सकी, अरह् जबे बैजाऐ रोल़ा पड़ा, तअ तेने सुबेदारे तेसी पौलुस कीलै दा भीटा नींहणों के अज्ञाँ दिती।

प्रेरितो कै काम 21:34 ပူးပေါင်းရင်းမြစ်များ

प्रेरितो कै काम 19:32

रंगशाला कै भीतरै, सौबी लोगै लैरौ मारी लोई थी, कुणिए किछै लैरौ मारी लोई थी तौ कुणिए किछै ओकी; औरौ सौब ठुँ गड़बड़ थियु। औरौ बौहितै लोग तौ ऐजौ जाणौ बै नी थिए कै किथु कौठै हौए रौवै।

प्रेरितो कै काम 21:37

जोबै सैजै पौलुस खै कटगरेह दा लोय जाणौ पांदी थिए, तौ तैणै सैनिक गुट कै ठोगड़े खै बौल़ौ, “का मुखै आज्ञा औसौ कै हांव तांव कैंई किछै बुलू?” तैणै बौल़ौ, “का तू यूनानी भाषा जाणै?

प्रेरितो कै काम 22:24

तौ सैनिक-गुट खै ठोगड़े बौल़ौ, “ऐसीखै कटगरेह दा लोय जाव; औरौ कौड़ै मारैयौ जांचो, कै हांव जाणु कै लोग कियों बौजैह लैई तैसकै खिलाफ दै ऐशैखै लैलियाए रौवै।”

प्रेरितो कै काम 22:30

दूजै दूसै तैणै ठीक-ठीक जाणणौ की इछा शै कै यहूदी लोग तैसी पांदी किथु दोष लांव, इथकारिए तैसकै बन्धन खोले दिए, औरौ मुख्य यहूदी पुरोहितो औरौ सारै यहूदी महासभा खै कौठै हौणौ कै आज्ञा दै, औरौ पौलुस खै धैनै लायौ तिनकै सामणै खौड़ा कौरे दिया।

प्रेरितो कै काम 23:10

जोबै तिथै बैजाए बैहस हौंदै लागै, तौ सैनिक गुट कै सरदारे ऐसी डौरौ शै कै सै पौलुसो कै टुकड़ै-टुकड़ै नी कौरे दैंव सैनिक गुट कै आज्ञा दै की ओतरेयो पौलुस खै सभा कै सदस्यों कै बीचो मुंजीदा जोरै घाड़ो, औरौ गढ़ दा लोय जाव।

प्रेरितो कै काम 23:16

पौरौ पौलुस कै भांजै शुणु कै यहूदी लोगै पौलुस खै मारणौ कै तरकीब बाणै लोए थी, तौ गढ़ दा जायौ पौलुस खै सौंदेश दिया।

प्रेरितो कै काम 23:32

दूजै दूसै तिनिए घुड़-शवारों खै पौलुस कै साथै कैसरिया शहर कै डियाल़ेयो औरौ पौयदल सिपाही आपी यरूशलेम शहर खै पाछु ओऊवे।

प्रेरितो कै काम 25:26

पौरौ मोऐं तैसकै बारै मुंजी कुणजी बात ना पैई कै महाराजा खै लिखु, इथकारिए मोऐं तैसी तुंआरै सामणै औरौ खास कौरेयौ ओए रै राजा अग्रिप्पा तैरै सामणै लियाए राए, कै जांचणौ कै बाद मुखै किछै लिखणौ खै भेटलो।