प्रेरितो कै काम 21:22 - सिरमौरी नौवाँ नियम

²² तौ हौजौ का कौरणौ चैंई? लोग जौरुर शुणदै कै तू इथै आए रौआ।

Sirmouri

²² तअ ऐबे का करो ज़ाँव? ऐ जरूर शुँण्दें के तुऐं ईथै आऐ रूऐ।

प्रेरितो कै काम 21:22 ပူးပေါင်းရင်းမြစ်များ

प्रेरितो कै काम 15:12

तोबै सारी सभा चुपी हौयौ पौलुस औरौ बरनबास कै शुणदै लागै, कै पौरमेशवरे तिनकै दवारा बैगानै यहूदी लोगौ मुंजी कैशणै बौड़ै-बौड़ै निशान औरौ अनौखै काम दिखाए।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 19:32

रंगशाला कै भीतरै, सौबी लोगै लैरौ मारी लोई थी, कुणिए किछै लैरौ मारी लोई थी तौ कुणिए किछै ओकी; औरौ सौब ठुँ गड़बड़ थियु। औरौ बौहितै लोग तौ ऐजौ जाणौ बै नी थिए कै किथु कौठै हौए रौवै।

प्रेरितो कै काम 21:21

औरौ तिनु यहूदी बिशवाशियौं खै तैरै बारै मुंजी बौतौऊं कै तू बैगानै यहूदी लोगौ मुंजीदै रौणौवाल़ै यहूदी लोगौ खै मूसा कै कानून छोड़े दैणौ कै बात शिखांए औरौ बौल़ौ कै ना आपणै नानड़िया का खतना कौराया औरौ ना यहूदी भोवारो पांदी चालैया।

प्रेरितो कै काम 21:23

इथकारिए जू आमै ताखै बुलू, सैजौ कौर। अमारै इथै चार आदमी औसौ, तिनु तियौं मनत कै पोरे कौरणै जू तिनुऐ पौरमेशवर कै सामणै मानै राए।

1 कुरिन्थियों 14:15

इयौं बौजैह शै, हांव पवित्र आत्मा लैई प्रार्थना कौरणा चोऊं, पौरौ हांव ऐजौ बै चोऊं कै औकै लोग ऐजौ सौमझौ कै मोऐं का कौरे लो। औरौ जोबै हांव गौऊं, तौ हांव चोऊं कै मैरौ गाणौ पवित्र आत्मा कै ढौबौशौ हौंव, पौरौ ऐजौ बै जौरुरी औसौ कै मोऐं जू गाए लो सै ओकी कै बै सौमझ मै आंव।