प्रेरितो कै काम 20:33 - सिरमौरी नौवाँ नियम

³³ मोऐं कोसी कै चांदी, सूनु या खोटणो का लालच नी कौरी।

Sirmouri

³³ मुँऐ कद्दी भे कोसी के सुन्नें के चाँदी के खोट्णों का लोभ-लाल़्च ने करी थंई।

प्रेरितो कै काम 20:33 ပူးပေါင်းရင်းမြစ်များ

1 कुरिन्थियों 9:12

जिथुकै तुऐं ओकी लोगौ खै पौयसै कि मौदद दैय राए, जिनुवै तुऔं मुंजी प्रचार कौरे राए, निशोंक हौयौ खै बरनबास औरौ हांव इथकै लायक हौजौ बै जादा औसौ। भलैई, आमु मुंजीदै कोसीए बै इयौं बातौ पांदी जोर ना दी कै तुऐं आमु तिनु चीज़ौ कै दौ जू अमारै तुऔं कैईंदी चैंई थी। इथकै बजाय, आमु किछै बै सैहणौ खै तैयार थिए, ताकि आमु मसीह कै बारै मुंजी सुसमाचार पांदी बिशवाश कौरणौ शै कोसी खै बै मुशकिल दै नी पांव।

1 कुरिन्थियों 9:15

जोबै कै ऐजौ सौथीखै मुखै सोही हौंदौ कै जिनु लोगौ खै मोऐं प्रचार कौरे राए तिनु कैईंदु मांगु, पौरौ मोऐं आपणै काम कारिए मजदूरी ना मांगी। औरौ मोऐं तोंवारै खातिर ऐजौ ना लैखै लैई ताकि तुऐं मुखै दैंव। हांव तुऔं कैईंदु मांगणौ कै बजाय मौरे जांदा जिथुकै जै मुखै तुऔं कैईंदी मजदूरी भैटौ तौ हांव ऐजा दावा ना कौरे पांदा कै मोऐं बिना मजदूरी कै काम कौरा।

1 कुरिन्थियों 9:18

तौ का औसौ मैरा इनाम? ऐजाई कै यीशु मसीह का सुसमाचार का प्रचार मुफ्त दा कौरदा रोऊं, ऐजै मैरै तनखा औसौ, मुं कारिए ऐजौ जौरुरी औसौ कै हांव बिना तनखा कै सुसमाचार शुणौऊं, भलैई मुखै आपणा खर्चा मांगणौ का हक औसौ।

1 कुरिन्थियों 9:4

मुखै औरौ बरनबास खै, चोणेयौंदे चैलै हौणौ की बौजैह शै औधिकार औसौ कै तुऔं कैईंदै आमु सेवा का काम कौरणौ कारिए धन कि मौदद भैटौ।

2 कुरिन्थियों 11:7

मोऐं तोंवारै बीच पौरमेशवर का सुसमाचार मुफ्त दा प्रचार कौरेयौ कै आपी कै नम्र कौरा ताकि तोंवारै इज्जत हौं। का मोऐं ऐशै कौरेयौ किछै पाप कौरे राखा?

2 कुरिन्थियों 11:9

औरौ जोबै हांव तोंवारै साथै थिया, औरौ मुखै पौयसै कै कोमै पौड़ै, तौ मोऐं कोसी पांदी भार ना पाड़ी, जिथुकै बिशवाशी भाईए, मकिदुनिया प्रदेश शै आयौ मैरी कमी खै पूरी कौरी: औरौ मोऐं हर बातौ दा आपी खै तुऔं कारिए हर भान्त कै पौरैशानी बाणणौ शै बौचाए, औरौ हांव आणौवाल़ै दूसौ दा बै तुऔं पांदी बौझ ना बौणदा।

2 कुरिन्थियों 7:2

तुऐं आमु शा आपणै पूरै दिल शै प्यार कौरणा चैंई: आमुए ना कोसी कै साथै अन्याय कौरा, ना कोसी खै बिगाड़ै, औरौ ना कोसी खै ठोगै।

1 थिस्सलुनीकियों 2:5

तुऐं जाणौए कै आमै ना तौ कौलोंई चापलूसी की बातौ कौरेया कौरु थिए, औरौ आमुए ऐशणै मकसद लैई काम ना कौरी जू लालची औसौ, पौरमेशवर गवाही दैंव कै आमु ऐशणै ना थी।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

3 यूहन्ना 1:7

जिथुकै ऐजै लोग मसीह कै नांव कै लोगौ मुंजी फोयलाणो कारिए घुमदै लागै रौवै थिए, औरौ अबिशवाशी लोगौ कैईंदै किछै मौदद ना लोंव।