प्रेरितो कै काम 20:3 - सिरमौरी नौवाँ नियम

³ जोबै तीन मीनै रौयौ कै तिथैदा जहाजो पांदी सीरिया प्रदेश कै ढौबौ जांदा लागै रौआ थिया, पौरौ तैणै शुणौ कै किछै यहूदी नेता तैसी बाटो पुंडा मारणौ कै ताको दै थिए औरौ इथकारिए तैणै मकिदुनिया प्रदेश शै हौयौ सीरिया प्रदेश खै जाणौ का फोयसला कौरा।

Sirmouri

³ तेथै च़ींन भीने बिताँणों पाछ़ी, से पाँणीं के जहाजो दे सीरिया देश खे जाँणों वाल़े थिऐ। तबे तेस कैई ऐजा पता चाला, के यहूदी लोग मुँखे किऐ कैड़ा कर्दे लागी रूऐ; ईन्देंखे तिन्ऐ मकिदूमिया ईलाके बाटी पाछ़ू आणों का ईरादा करा।

प्रेरितो कै काम 20:3 ပူးပေါင်းရင်းမြစ်များ

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

प्रेरितो कै काम 16:12

तिथैदै आमु फिलिप्‍पी शहर पौऊंचै, जू मकिदुनिया प्रदेश का मुख्य नोगर, औरौ रोम देश कै लोगौ की बोस्‍ती औसौ; औरौ आमुए तैसी नोगरो दै कुछैक दूसौ तौड़ी रौवै।

प्रेरितो कै काम 16:9

तिथै पौलुसे राती कै ऐक दर्शन दैखा कै ऐक मकिदुनिया प्रदेश का रौणौवाल़ा आदमी खौड़ा हौआ, तैसीयादै बिन्ती कौरेयौ बौलदा लागा, “समुन्द्र कै पार जायौ कै मकिदुनिया प्रदेश दा आ, औरौ अमारै मौदद कौर।”

प्रेरितो कै काम 18:18

औरौ पौलुस बौहितै दूसौ तौड़ी कुरिन्‍थुस शहर दा रौआ, तोबै बिशवाशी भाईयों मुंजीदा आगु जायौ सै किंख्रिया नोगर दा हौटा। तैसी नोगरो दै पौलुसे आपणै मुंडो कै खुल़मुंडी बाणै, जिथुकै तैणै ऐक हिच कौरे राए थी, औरौ बाद मै समुन्द्रो कै बाटो बाटी सीरिया प्रदेश खै हौटै गौआ औरौ तैसकै साथी प्रिस्किल्‍ला औरौ अक्विला थिए।

प्रेरितो कै काम 19:21

जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

प्रेरितो कै काम 20:1

जोबै रोल़ा बोन्‍द हौए गौआ तौ पौलुसे चैलै खै बौएदैयौ हिम्मत दै, औरौ तिनकै धोरे दा आगु जायौ कै मकिदुनिया प्रदेश कै ढौबौ हौटा।

प्रेरितो कै काम 20:19

औरौ बौड़ी दीनता शै औरौ आशु बोवाय-बोवायो, औरौ तिनु परीक्षाओं मुंजी जू यहूदी नेता कै चालबाजी कै बौजैह शै मुं पांदी आए गोई; हांव प्रभु कै सेवा कौरदा ही रौआ।

प्रेरितो कै काम 20:2

तैसी सारै प्रदेश दा हौयौ औरौ चैलो खै बैजाए हिम्मत दैयौ कै सै यूनान प्रदेश जिथु अखाया प्रदेश बै बौल़ौ तिथै ओऊवा।

प्रेरितो कै काम 21:3

जोबै अमारै डैरै ढौबौ साइप्रस टापू दैखिया, तौ आमु तिथु छोड़ेयौ सीरिया प्रदेश कै ढौबौ बौढ़दै गौवै औरौ सूर नोगर दै पौऊंचै जिथुकै तिथै जहाज शै समान उतारणो थियु।

प्रेरितो कै काम 25:3

औरौ तिनुऐ फेस्तुस राज्यपाल शै बिन्ती कौरे कै सै तिनका साथ दैंव कै सै पौलुस कै यरूशलेम शहर दा बौईदो, जिथुखै सै तैसी बाटौ पुंडा ही मारणौ कै ताको दै लागै रौवै थिए।

2 कुरिन्थियों 1:15

मुखै यकीन थिया कै तुऐं आमु सौमझौए औरौ इथकारिए मोऐं सौबीदै आगै तुऔंआरी भैटिणौ कै तरकीब बाणै राए थै। ऐशैखैई तुऔं खै मैरै दवारा दु यात्राओं कै आशीष भैटौ।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;

2 कुरिन्थियों 7:5

जिथुकै त्रोआस शहर छोड़ेयौ मकिदुनिया प्रदेश दा आणौ पांदी आमु बिल्कुल बै शारीरिक रुप शै आराम ना भैटी, पौरौ इथकै बजाय आमु हर तरह शै पौरैशानी झैलू थिए। हर जौगैह दै झोगड़े थिए, औरौ अमारै मन दा डौर थिया।

गलातियौं 1:21

इथकै बाद हांव सीरिया प्रदेश औरौ किलिकिया प्रदेशो दा ओऊवा।