प्रेरितो कै काम 20:29 - सिरमौरी नौवाँ नियम

²⁹ हांव जाणुए, कै मैरै जाणौ कै बाद तोंवारै बीच मुंजी झूठै गुरु आन्दै औरौ बिशवाशियौं खै भोरमांदै। सै तिनु फाड़णौवाल़ै भेड़िए कै जैशणै हौंदै जू भेड़ो खै मारै दैंव।

Sirmouri

²⁹ हाँव जाँणू ऐ, के मेरे ज़ाँणो पाछ़ी; खूँखार-खाऊँरे ऐजे भेंड़िऐ, तुओं लोगों के भीच दे घूस्रियों आले; अरह् तुवाँरे ऐसी झुँण्ड गाशी किऐ भे ऐ दया-रंऐम ने कर्दे;

प्रेरितो कै काम 20:29 ပူးပေါင်းရင်းမြစ်များ

मत्ती 10:16

“दैखौ, हांव तुऔं भेड़ो कै जैशणै भेड़ियों कै बीच मुंजी छाड़ै दियु, इथकारिए शोंगोऊं कै जैशणै बुध्दिमान औरौ कबूतरों कै जैशणै भोल़ै बौणैया।

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

लूका 10:3

जाव; औरौ शुणौ, हांव तुऔं भेड़ो कै जैशणै भेड़ियों कै धोरे भैजु।

लूका 12:32

“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।

यूहन्ना 10:12

धियाड़ी पांदी राखैयौंदा नोकर जोबै भेड़िए कै आन्दै बैई दैखौ तौ दौड़ै जांव। सै भेड़ो कै छोड़े दैन्दा जिथुकै सै तिनका चौराईया ना आथी औरौ भेड़ो तैसकी ना आथी। इथकारिए भेड़िया तिनु पांदी हमला कौरौ औरौ डार कै तितर बितर कौरे दैंव।

यूहन्ना 21:15

खाणौं खाणौ कै बाद यीशुए शमौन पतरस कै बौल़ौ, “ओए रै शमौन यूहन्ना का बैटा का तू सौथी कै इनु ओकी चैलै दा जादा बौढ़ेयौ मुं आरी प्यार कौरे?” शमौन पतरसे यीशु कै बौल़ौ, “हां, प्रभु तू तौ जाणै कै हांव तांवआरी प्यार कौरु।” यीशुए तैसीकै बौल़ौ, “मैरै चैलै कै दैखभाल कौर जैशैकै ऐक चौराईया आपणै भेड़ो कै दैखभाल कौरौ।”

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

2 पतरस 2:1

जैशैखै बैजाए सौमय औगौड़ियौ इस्राएली लोगौ मुंजी झूठै पौरमेशवर कै बातौ बौताणौवाल़ै दैखियौं थिए, तैशैखैई तुऔं मुंजी झूठै शिक्षक दैखिंदे। सै झूठी शिक्षाओं खै चुपी शै फोयला दैंदै, जू लोगौ खै मसीह पांदी बिशवाश कौरणौ शै रौकै दैंव। ऐजै झूठै शिक्षक मसीह खै आपणा प्रभु मानणौ शै बै मोना कौरे दैंदै, जैणै तिनु पाप कै शौकतै शै आज़ाद कौरे राए। ऐशैखैई सै आपी खै एकदम नाश कौरवाए दैंदै।

यहूदा 1:18

सै तुऔं बौलेया कौरौ थिए, “अमारै प्रभु यीशु मसीह कै आणौ दै आगै, ऐशणै लोग हौंदै जू प्रभु औरौ तैसकै लोगौ का मजाक कौरदै। ऐजैई सैजै लोग औसौ जिनकै जीवन बुरी इछाओं कै काबू दै औसौ।”