प्रेरितो कै काम 20:21 - सिरमौरी नौवाँ नियम

²¹ औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

Sirmouri

²¹ मुँऐ यहूदियों अरह् यूनानियों के सहाँम्णें साफ-साफ गुवाऐ-शाज़्त्त दिती, के पस्तावा करियों आप्णें पाप शा मंन बद्ल़ो; अरह् पंण्मिश्वर के ढबै आप्णा मंन फिराव, अरह् अमाँरे प्रभू यीशू दा बिश्वाष करह्।

प्रेरितो कै काम 20:21 ပူးပေါင်းရင်းမြစ်များ

मत्ती 3:2

“पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मत्ती 4:17

तैसी सौमय शै यीशुए प्रचार कौरणा औरौ ऐजौ बौलणौ शुरु कौरौ कै, “पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मरकुस 1:15

औरौ तैणै बौल़ौ, “पौरमेशवरे जैसी दूसौ कै कौरार दैय राखै थी सैजौ दूस आए गौ, औरौ पौरमेशवर का राज्य नेड़िक आए गौआ; पाप कौरणै छोड़े दौ औरौ सुसमाचार पांदी बिशवाश कौरौ।”

मरकुस 6:12

तोबै चैलै जाएयो प्रचार कौरा, “तुऔं आपणै पाप कौरणै छोड़ेयौ पौरमेशवर कै पौछौड़ियौ हांडणौ चैंई।”

लूका 13:3

हांव तुऔं बुलू कै ना; पौरौ जै तुऐं पाप कौरणा ना छोड़ो तौ तुऐं सौबै ऐशैखैई नाश हौए जांदै।

लूका 13:5

हांव तुऔं खै बुलू कै ना; पौरौ जै तुऐं पाप कौरणै नै छोड़ले, तौ तुऐं सौबै बै ऐशैखैई नाश हौए जांदै।

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

लूका 15:7

हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”

लूका 16:28

जिथुकै मैरै पाँच भाए औसौ; औरौ हांव चोऊं कै सै जांव औरौ मैरै भाई खै चिताए दैंव, कोदी ऐशै नी हौंव कै सै बै इयौं पीड़ो कै ठाँव दै आंव।’

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 16:31

तिनुऐ बौल़ौ, “प्रभु यीशु मसीह पांदी बिशवाश कौर, तोबै तू औरौ तैरा कुड़बा उध्दार पांदा।”

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

प्रेरितो कै काम 19:17

ऐजै बात इफिसुस शहर कै रौणौवाल़ै सौबै यहूदी औरौ यूनान देश कै लोग बै जाणै गौवै, औरौ तिनु सौबी कै डौर लागै गौआ; औरौ प्रभु यीशु कै नांव कै बौड़ाए हौए।

प्रेरितो कै काम 2:38

पतरस तिनुकै बौल़ौ, “पाप कौरणै छोड़े दैंव औरौ तुऔं मुंजीदा हरेक आपणै-आपणै पापौ कै माफी कारिए यीशु मसीह कै नांव शै बपतिस्मा लौ; तौ तुऐं पवित्र आत्मा का वरदान पांदै।

प्रेरितो कै काम 2:40

पतरसे बौहितै सारी बातौ बौलेयौ तिनु कैईंदै बिन्ती कौरे कै आपी खै इनु जिद्दी लोगौ शै बौचाव।

प्रेरितो कै काम 20:23

सिरफ ऐजौ कै पवित्र आत्मा हर नगर दै चैतावणी दैय-दैयौ मुंकैई बौल़ौ कै कैद औरौ कौल़ेश तांव कारिए तैयार औसौ।

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

प्रेरितो कै काम 24:24

किछै दूसौ कै बाद फेलिक्स राज्यपाल आपणै घोरवाल़ी द्रुसिल्ला खै, जू यहूदिनी थी, साथै नियौ कैसरिया नगर दा ओऊवा औरौ पौलुस खै बौएदैयौ तैसी बिशवाश कै बारै मुंजी जू मसीह यीशु पांदी औसौ, तैसीयांदो शुणु।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

प्रेरितो कै काम 26:20

पौरौ आगै दमिश्क शहर कै, तोबै यरूशलेम शहर कै रौणौवाल़ै कै, औरौ पूरै यहूदिया प्रदेश दै औरौ बैगानै यहूदियों खै मोऐं प्रचार कौरा, कै पाप कौरणा छोड़े दैंव औरौ पौरमेशवर कै ढौबौ फिरैयौ आपी खै साबित कौरौ कै तुऐं आपणै पापौ कै छोड़ेयौ पौरमेशवर कै ढौबौ फैरै गौवै।

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 3:19

औरौ पाप कौरणा छोड़े दैंव, औरौ पौरमेशवर कै ढौबौ पाछु आव कै तोंवारै पाप माफ कौरे जांव जिथलैई तुऔं पांदी पौरमेशवर कै ढौबौशा आत्मिक शौकतै का सौमय आन्दा।

प्रेरितो कै काम 8:25

इथकै बाद पतरस औरौ यूहन्नाए गवाहै दै औरौ प्रभु यीशु का वचन शुणौऊवा, औरौ यरूशलेम शहर कै पाछु जांदै बैई तिनुऐ सामरी प्रदेश कै कैई गांवो दा सुसमाचार का प्रचार कौरा।

रोमियों 1:14

मैरी जुमैवारी सौबी लोगौ कै सुसमाचार शुणाणौ कारिए औसौ, चाहै सै यूनानी भाषा जाणणौ वाल़ै हौंव या ना जाणणौ वाल़ै हौंव, औरौ चाहै सौमझदार हौंव या नासमझ हौंव।

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 10:9

इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

रोमियों 4:24

पौरौ आमु कारिए बै पौरमेशवर धरमी साबित कौरौ, जै आमु पौरमेशवर पांदी बिशवाश कौरु, जैणै अमारै प्रभु यीशु कै मौरेयौंदे मुंजीदा जियुंदी कौरा, तौ आमु बै बिशवाश की बौजैह शै धार्मिक मानै जांदै।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

1 कुरिन्थियों 1:22

ऐजौ यहूदी लोगौ कै बैकार लागौ जिथुकै सै ऐजौ साबित कौरणौ कारिए स्वर्ग शै ऐक निशान चांव कै ऐजौ साचौ औसौ औरौ बैगानै यहूदी लोगौ कारिए बै औसौ जू आदमी का ज्ञान चांव।

2 कुरिन्थियों 7:10

जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।

इफिसियों 1:15

पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

कुलुस्सियों 2:5

हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

फिलेमोन 1:5

जिथुकै लोग मुखै बौतांव कै तू प्रभु यीशु पांदी बिशवाश कौरणौ दा बौणेयौंदा औसौ, औरौ ऐजौ बै कै तू पौरमेशवर कै सौबै पवित्र लोगौ आरी प्यार कौरे।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:5

दुनिया पांदी जय पाणौ वाल़ा कुण औसौ? सिरफ सैजा जैसका ऐजा बिशवाश औसौ, कै यीशु ही पौरमेशवर का बैटा औसौ।