प्रेरितो कै काम 20:19 - सिरमौरी नौवाँ नियम

¹⁹ औरौ बौड़ी दीनता शै औरौ आशु बोवाय-बोवायो, औरौ तिनु परीक्षाओं मुंजी जू यहूदी नेता कै चालबाजी कै बौजैह शै मुं पांदी आए गोई; हांव प्रभु कै सेवा कौरदा ही रौआ।

Sirmouri

¹⁹ के केशा दाँई हाँव आशुयों बुवाऐ-बुवाऐयों बड़ी नंरमाँई शा तिनू दुख्ह-कंष्टो दा प्रभू की सेंवा करदा रूवा; जुण्जे यहूदियों के जाँणें रंचीं अंदी रंच्णाँ के कारण हुवा।

प्रेरितो कै काम 20:19 ပူးပေါင်းရင်းမြစ်များ

लूका 19:41

जोबै यीशु यरूशलेम शहर खै नेड़िक ओऊवा तौ नोगरो कै दैखैबा सै रुवा।

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

प्रेरितो कै काम 17:13

पौरौ जोबै थिस्सलुनीके शहर कै यहूदी लोग जाणै गौवै कै पौलुस बिरीया नोगरो दा बै पौरमेशवर का वचन शुणांवए, तौ सैजै तिथै आयौ बै लोगौ खै भड़काणे औरौ हलचल मौचांदै लागै।

प्रेरितो कै काम 17:5

पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

प्रेरितो कै काम 20:3

जोबै तीन मीनै रौयौ कै तिथैदा जहाजो पांदी सीरिया प्रदेश कै ढौबौ जांदा लागै रौआ थिया, पौरौ तैणै शुणौ कै किछै यहूदी नेता तैसी बाटो पुंडा मारणौ कै ताको दै थिए औरौ इथकारिए तैणै मकिदुनिया प्रदेश शै हौयौ सीरिया प्रदेश खै जाणौ का फोयसला कौरा।

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

प्रेरितो कै काम 21:27

जोबै सैजै सात दूस पूरै हौणौ पांदी थिए, तौ एशिया प्रदेश कै यहूदी लोगै पौलुस खै मन्दिर दा दैखैयो सौबी लोगौ खै उकसाए, औरौ पौलुसो कै उंढा थामा औरौ लैरौ मारदै लागै।

प्रेरितो कै काम 27:23

जिथुकै पौरमेशवर जैसका हांव औसौ, औरौ जैसकी हांव आराधना कौरु, तैसकै स्‍वर्गदूतै बियाल़ियो रातै मैरै धोरे आयौ खै बुलू,

रोमियों 1:1

हांव पौलुस ऐजै चिट्ठी लिखु, जू यीशु मसीह का सेवक औसौ, पौरमेशवरे मुखै चोणेयौंदा चैला हौणौ कारिए चोणे राए औरौ पौरमेशवर कै ढौबौशा तैसी सुसमाचार का प्रचार कौरणौ कारिए जौई कौरे राए।

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 12:11

कड़ी मैहनत कौरौ औरौ आलसी ना बौणौ, पूरै मन शै खुशी कै साथै पौरमेशवर कै सेवा कौरौ।

2 कुरिन्थियों 2:4

बौड़ै कौल़ेशौ, औरौ मन कै कोष्ट लैई, मोऐं बैजाए आशु बौवाएयौ तुऔं चिट्ठी लैखै राए, इथकारिए नी, कै तुऐं उदास हौंव पौरौ इथकारिए कै तुऐं तैसी बौड़ै प्यार खै जाणै सौकौ, जू मुखै तुऔंआरी औसौ।

2 कुरिन्थियों 3:5

आमु ऐजौ ना बुलू कै आमुकैंई आपी दी किछै बै कौरणौ कै ताकत औसौ। पौरौ पौरमेशवर आमु ऐजै ताकत दैंव। औरौ अमारै ताकत पौरमेशवर कै ढौबौशै औसौ।

2 कुरिन्थियों 7:5

जिथुकै त्रोआस शहर छोड़ेयौ मकिदुनिया प्रदेश दा आणौ पांदी आमु बिल्कुल बै शारीरिक रुप शै आराम ना भैटी, पौरौ इथकै बजाय आमु हर तरह शै पौरैशानी झैलू थिए। हर जौगैह दै झोगड़े थिए, औरौ अमारै मन दा डौर थिया।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

इफिसियों 6:7

औरौ तुऐं खुशी शै आपणी सेवा कै काम कौरदै रौव, मानौ तुऐं आदमी कै नी, पौरौ प्रभु कै सेवा कौरौ।

फिलिप्पियों 3:18

जिथुकै ऐशणै बौहितै लोग औसौ जिनकै बारै मुंजी मोऐं तुऔं कै बार बार बौल़ै राए औरौ ऐबै बै रुए-रूएयो बुलू कै जू ऐशैकै बर्ताव कौरौ औरौ दिखांव कै जैसी बौजैह शै मसीह क्रूस पांदी मौरा, सै तैसकै खिलाफ औसौ।

कुलुस्सियों 3:24

याद राखौ कै प्रभु मसीह तुऔं इनाम दैंदा जू ऐजा औसौ कै सै तुऔं तिनु आशीषौ मुंजी दा तोंवारा हिस्सा दैंदा जैसी तैणै आपणै सौबी लोगौ कै दैणौ कारिए तैयार कौरे राए। तुऐं जैसी मालिक कै सेवा कौरे लोए सै मसीह औसौ।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

2 तीमुथियुस 1:4

मैरै याद औसौ कै तू कैतरा रुवा थिया जोबै मुखै ताखै छोड़ेयौ जाणौ पौड़ौ इथकारिए ऐबै तांवआरी भैटिणौ कै इछा राखुए, कै खुशी लैई भोरै जोऊं।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

1 पतरस 1:6

तुऔं इनु सौबी चीज़ौ कै बारै मुंजी खुश हौणौ चैंई, चाहै इबी दैणिक सौमय कारिए कैई भान्त कै पौरैशानै तुऔं दुखी कौरौ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

प्रकाशितवाक्य 7:15

“ऐसी बौजैह शै सै पौरमेशवर कै सिंहासन कै सामणै खौड़ै औसौ, औरौ सै हर सौमय दूसौ औरौ फिरै पौरमेशवर कै घोरे दै तैसकै सेवा कौरौ; औरौ सैजा जू सिंहासन पांदी बौठौए, तिनुमुंजी रौंदा औरौ तिनकै दैखभाल कौरदा।”