प्रेरितो कै काम 2:7 - सिरमौरी नौवाँ नियम

⁷ औरौ सैजै सौबै हैरान हौए गौवै औरौ बौलदै लागै, “दैखौ, इनुवे जू बौल़ै लौ का सौबै गलील जिले कै रौणौवाल़ै ना आथी?

Sirmouri

⁷ तिनके हराँन हऐयों तूरंबाँणच़ूंटे अरह् से “ओका ओकी कैई शो ऐजो ही पुछ़दे लागे; के कियो ऐजे बुल्णों वाल़े बादे झुँणें गलीली आथी ने?

प्रेरितो कै काम 2:7 ပူးပေါင်းရင်းမြစ်များ

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

मत्ती 26:73

बिस्तौड़ी लोगै जू तिथै खौड़ै थिए, पतरस कै धोरे आयौ तैसी पूछु, “सौथी कै तू बै यीशु कै चैलै मुंजीदा ऐक औसौ; जिथुकै तैरै भाषा तैरा भैद खोले दैंव।”

मत्ती 8:10

ऐजौ शौणैबा यीशु हैरान हौए गौआ, औरौ जू तैसकै पाछैदै आए रौवै थिए, तिनुखै बौल़ौ, “हांव तुऔं खै साचौ बुलू, कै मुखै इस्राएल देश दा ऐक बै ऐशणा आदमी ना भैटी जू ऐसी बैगानै यहूदी कै जैशणा मुं पांदी बिशवाश कौरौ।

मरकुस 1:27

इयौं बातौ लैई सौबै लोग हैरान हौयौ आपी मुंजी पूछदै लागै, “ऐजै का बात औसौ? ऐजा तौ नौवाँ ही उपदैश औसौ! सै औधिकारो कै साथै दुष्टआत्मा खै बै झिड़कै दैंव, औरौ सै तैसकै आज्ञा मानौ।”

मरकुस 2:12

सै ऊबा भीजा, औरौ तौलोंई ल़ौहथ टेपेयो सौबी कै सामणै दा निकल़ैयो हौटै गौआ; इथपांदी ‌‌‌सोबै हैरान हौए गौवै, औरौ पौरमेशवर कै बौड़ाए कौरेयौ बौलदै लागै, “आमुए ऐशणा चौमत्कार कौलोंई ना दैखी।”

यूहन्ना 7:52

तिनुऐ तैसी कैईंदु मजाक मुंजी पूछु, “तू बै गलील जिले पौरैशा औसौ? पवित्र शास्त्र दो जू औरौ पौता कौरा, कै गलील जिले शै कुणजाई पौरमेशवर कै बातौ बौताणौवाल़ा प्रगट ना हौंदा।”

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

प्रेरितो कै काम 2:12

औरौ सै सौबै हैरान हुवे औरौ घबराएयों ऐकी दूजै कै बौलदै लागै, “ऐजौ का हौए रौ?”

प्रेरितो कै काम 2:8

तौ ऐजौ का हौए रो जू आमु मुंजीदै हरेक आपणी-आपणी जन्म कै भाषा दै बातौ कौरदै बैई शुणौए।

प्रेरितो कै काम 3:10

औरौ तैसीकै पौछेयाणै पोऊवा कै ऐजा सैजाई लोंगड़ा भिखारी औसौ, जू मन्दिर कै सुन्दर फाटक पांदी बौठेयौ भीख मांगैया कौरौ थिया; औरौ तियौं घोटना शै जू तैसकै साथी हौए रोए थी; तिथु दैखैयो सैजै लोग बैजाए हैरान औरौ चकित हौए गौवै।