प्रेरितो कै काम 2:42 - सिरमौरी नौवाँ नियम

⁴² औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

Sirmouri

⁴² तबे: सेजे बादे लोग खास-चैले की शिक्षा शुँण्दें, अरह् संत्त-संग दे आँदे; अरह् प्रभू भोज की रोटी खाँदे; अरह् प्रार्थना कर्दे लींन-मंगन रंह्दे लागे।

प्रेरितो कै काम 2:42 ပူးပေါင်းရင်းမြစ်များ

लूका 24:30

जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा।

लूका 24:35

तोबै तिनुऐ बाटो पुंडे की बातौ तिनु बौताए दी औरौ ऐजौ बै कै जोबै तैणै रोटी तौड़ै लोए थी तौ तिनुऐ तैसी पोयछाणै पाए।

प्रेरितो कै काम 1:14

तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।

प्रेरितो कै काम 11:23

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 20:11

औरौ तैणै औटेयौ ऊबै जायौ खै रोटी तौड़ी तोबै प्रभु भोज लौआ औरौ होटेयो कै संगति कौरे। औरौ इशैक देर तौड़ी तिनुआरी बातौ कौरदा रौआ कै झीश हौए गौए; औरौ तिथकै बाद सै आगु हौटा।

प्रेरितो कै काम 20:7

हफते कै आगलै दूसै जोबै आमुए प्रभु भोज की रोटी तौड़णौ खै कौठै हुवे, तौ पौलुसे जू दूजै दूसै आगु जांदा लागै रौआ थिया, तिनुआरी बातौ कौरी, औरौ आधी राती तौड़ी उपदैश कौरदा रौआ।

प्रेरितो कै काम 4:23

पतरस औरौ यूहन्ना रिहा हौणौ कै बाद आपणै साथियो कै धोरे ओऊवे, औरौ जू किछै मुख्य यहूदी पुरोहित औरौ बुड़ेईके तिनुकै बौल़ै राए थियु, तिनुकै शुणाए दियु।

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

प्रेरितो कै काम 6:4

पौरौ आमुए तौ प्रार्थना औरौ वचनो का प्रचार औरौ शिक्षा दैणौ दै लागैयौंदे रौंदै।”

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

1 कुरिन्थियों 10:21

ऐजौ ना हौए सौकौ कै तुऐं प्रभु कै कटौरै मुंजीदै औरौ दुष्टआत्मा कै कटौरै मुंजीदै बै पियौं, ऐशैकै ऐजौ बै ना हौए सौकौ कै तुऐं प्रभु कै मैजौ मुंजीदौ औरौ दुष्टआत्मा कै मैजौ मुंजीदै बै ऐक साथ भागी हौं जू आमु प्रभु कै मौत कै याद दिलांव।

1 कुरिन्थियों 11:2

हांव तोंवारै तारीफ कौरु कै तुऐं हर सौमय मुखै याद राखौ औरौ तिनु शिक्षाओं खै मोजबूती शै पालन कौरौ, जैशणी मोऐं तुऔं सौंपै रैई थी।

1 कुरिन्थियों 14:6

इथकारिए ओए रै बिशवाशी भाईयों जै हांव तोंवारै धोरे आऐबा औकै भाषा दी बातौ कौरु, तौ मुं कैईंदा तुऔं का फायदा औसौ? पौरौ जै हांव तुऔं कारिए पेयाशो या किछै खास ज्ञान लियोऊ या हौणौवाल़ी बातौ या शिक्षा दियु, सै तुऔं कारिए फायदैमंद हौन्दी।

गलातियौं 1:6

हांव हैरान औसौ, कै पौरमेशवरे तुऔं खै अनुग्रह दै रौणौ कारिए बौएदै राए औरौ तोबै बै तुऐं ऐतरै तावल़ै बौदलैयौ औकै शिक्षा कै मानै पाए।

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 1:5

इथकारिए कै तुऐं ऐसी यीशु मसीह कै बारै मुंजी जू सुसमाचार औसौ तिथ पांदी बिशवाश कौरा औरौ ऐलो तौड़ी तुऐं ऐसी सुसमाचार फौयलणौ खै मैरै साथै रौए रौवै।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।

2 तीमुथियुस 3:14

ओए रै तीमुथियुस, तिनु बातौ कै जू तुऐं मुंकैई दी शिखै रैई औरौ जिथपांदी तुऐं बिशवाश कौरे राए। तिनु तू लगातार बिशवाश कै साथै मानदा रौव। आखिरकार, तू जाणै कै ताखै ऐजै सौचाई कुणै शिखाए राए।

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

यहूदा 1:20

पौरौ ओए रै मैरै साथी बिशवाशियौं तुऔं ऐकी-दूजै कै मौदद कौरणै औरौ पवित्र शिक्षाओं पांदी मोजबूती शै भोरोशा राखणा चैंई, जिथपांदी तुऐं बिशवाश कौरौ औरौ पवित्र आत्मा कै मौदद लैई प्रार्थना कौरणै चैंई।