प्रेरितो कै काम 2:40 - सिरमौरी नौवाँ नियम

⁴⁰ पतरसे बौहितै सारी बातौ बौलेयौ तिनु कैईंदै बिन्ती कौरे कै आपी खै इनु जिद्दी लोगौ शै बौचाव।

Sirmouri

⁴⁰ तबे संत्त-पतरस ऐं ऊकी भे भहित्ती बातो के गुवाऐ-शाज़्त्त दित्ती, अरह् तिन्ऐ लोग ऐशे संहम्झ़ाँऐ; के तुँऐं लोग आपु आप्खे ऐसी ऊल़्टे ज़ूगौ शे बंचाऐयों थुऐ।

प्रेरितो कै काम 2:40 ပူးပေါင်းရင်းမြစ်များ

मत्ती 12:34

तुऐं जोहरिले शोंगोऊं कै नानड़िया जैशणै औसौ, तुऐं बुरै हौयौ बै आछी बातौ बौल़ौ। जिथुखै जू मनो दो भोरै रौंव सैजौई मुँह पांदी आंव।

मत्ती 16:4

ऐसी जमाने कै बुरै, औरौ गौलत सौमबंध राखणौवाल़ै लोग किथुखै निशान चांव, पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान ना दिया जांदा।” औरौ सै तिनु छोडे़बा आगु हौटा।

मत्ती 17:17

यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रोऊंबा? औरौ कोलो तौड़ी तुंआरी सोंहुबा? तैसी भैईया मैरै धोरे इथै लांव।”

मत्ती 23:33

ओए रै जोहरिले दानो कै नानड़िया कै जैशणै लोगौ, तुऐं नरक कै सौजा शै ना बोचदै।

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 16:28

जिथुकै मैरै पाँच भाए औसौ; औरौ हांव चोऊं कै सै जांव औरौ मैरै भाई खै चिताए दैंव, कोदी ऐशै नी हौंव कै सै बै इयौं पीड़ो कै ठाँव दै आंव।’

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

यूहन्ना 21:25

हौजौ बै भौरिशै काम औसौ जू यीशुए कौरे राए, पौरौ जै आमै तिनु कामौ खै ऐक-ऐक कौरेयौ लिखदै, तौ मैरै जाणियौ कै सारै दुनिया पांदी बै तिनु किताबो सम्भाल़णो कारिए ऐतरै जौगैह ना हौंदी जू लिखी जान्दी।

प्रेरितो कै काम 10:42

औरौ तैणै आमु आज्ञा दै कै सौबी लोगौ मुंजी प्रचार कौरेया औरौ गवाही दैया कै यीशु सैजाई औसौ जैसी पौरमेशवरे जियुंदै औरौ मौरेयौंदे का न्यायी बाणै राए।

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 20:11

औरौ तैणै औटेयौ ऊबै जायौ खै रोटी तौड़ी तोबै प्रभु भोज लौआ औरौ होटेयो कै संगति कौरे। औरौ इशैक देर तौड़ी तिनुआरी बातौ कौरदा रौआ कै झीश हौए गौए; औरौ तिथकै बाद सै आगु हौटा।

प्रेरितो कै काम 20:2

तैसी सारै प्रदेश दा हौयौ औरौ चैलो खै बैजाए हिम्मत दैयौ कै सै यूनान प्रदेश जिथु अखाया प्रदेश बै बौल़ौ तिथै ओऊवा।

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

प्रेरितो कै काम 20:9

औरौ यूतुखुस नांव का ऐक जवान खिड़की पांदी बौठेयो खै गैहरी नींदो दा झौकै रौआ थिया, औरौ जोबै पौलुस बीसती तौड़ी बातौ कौरदा लागा तौ सै नींदो कै झौकै लैई तिजै मंजिल शा उदा रिड़ा, औरौ सै मौरे गौआ।

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 4:36

यूसुफ नांव का ऐक आदमी थिया। जू लेवी गोत्र का थिया औरौ तैसका जन्म साइप्रस टापू दा हौए रौआ थिया। जैसकौ नांव चोणेयौंदे चैलै बरनबास यानी शान्तै का बैटा राखै राए थियु।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

2 कुरिन्थियों 6:17

इथकारिए प्रभु आमुआरी पवित्र शास्त्र कै दवारा बौल़ौ, “तिनु लोगौ मुंजीदै बायरै आए जाव जू पौरमेशवर कै पौछौड़ियौ ना चालौ; औरौ सैजी अशुध्द चीज़ौ जू मोऐं मौना कौरे रैई औरौ तिनु अपवित्र चीज़ौ शै दूर रौव, तोबैई हांव तुऔं अपनांदा;

गलातियौं 5:3

मोऐं तुऔं औटेयौ चैतावणी दैय लौए कै जू आदमी इयौं उमीद लैई खतना कौरांव कै पौरमेशवर कै नज़र दै धरमी बौणै सौकौ, तौ तैसी मूसा कै कानून दी दैययौंदी हरेक आज्ञा कै मानणी पौड़दी।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।