प्रेरितो कै काम 2:30 - सिरमौरी नौवाँ नियम

³⁰ सै पौरमेशवर कै बातौ बौताणौवाल़ा थिया, सै जाणौ थिया कै पौरमेशवरे शौं खायौ तैसीआरी वादा कौरा कै, “हांव तैरै वंश पौरैशा ऐक आदमी कै तैरै सिंहासन पांदी बौठाल़दा।”

Sirmouri

³⁰ राजा दाऊद ऋषी थिऐ; अरह् से ऐजो जाँणों थिऐ, के पंण्मिश्वर ऐं मुँह कैई ऐजी षोंह् करियों बुलो थियों; के ‘हाँव तेरे बंष-गड़ी मुँझ्शा ऐक आदमी तुवाँरे सिंगाँस्णों गाशी बंईठाल़ूबा।’

प्रेरितो कै काम 2:30 ပူးပေါင်းရင်းမြစ်များ

मत्ती 22:43

यीशुए तिनु कैईंदु पूछु, “तौ दाऊद पवित्र आत्मा दै हौयौ तैसीखै प्रभु किथुखै बौल़ौ?

मत्ती 27:35

तोबै तिनुऐ तैसीखै क्रूसो पांदी चौढ़ौऊवा, औरौ चिट्ठी पायौ, तैसकै खोटणो आपी मुंजी बान्डै दिए।

मरकुस 12:36

जोबै आपणै सौमय दो राजा दाऊदे पवित्र आत्मा की शौकतै दो हौयौ बौल़ौ: ‘प्रभु पौरमेशवरे मैरै प्रभु खै बौल़ौ, मैरै सोऐं ढौबौ बौठ, जांव तौड़ी हांव तैरै बौयरी खै हराए ना दियु।’”

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

प्रेरितो कै काम 1:16

“ओए रै, भाईयों जौरुरी थियु, कै पवित्र शास्त्र दो यहूदा कै बारै मुंजी लिखैयौंदी बात पूरी हौं, जू पवित्र आत्माए बौहुत सौमय आगै राजा दाऊद कै जरिए यहूदा इस्‍करियोती कै बारै दो बौताए राए थियु कै सै यीशु कै पाकौड़णौ वाल़ै लोगौ का बौतैईया बौणै गौआ।

रोमियों 1:3

ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

रोमियों 15:12

औरौ तोबै पौरमेशवर कै बातौ बौताणौवाल़ै यशायाह नांव का आदमी बौल़ौ, “यिशै कै ऐक वंश प्रगट हौला, औरौ सै बैगानै यहूदी लोगौ पांदी राज कौरदा, बैगानै यहूदी लोग शै तैणै जू वादा कौरे राए थिया तैसी पूरा कौरदा औरौ सै तिनु बौचांदा।”

2 तीमुथियुस 2:8

लगातार यीशु मसीह कै बारै मुंजी सुंचदै रौव। सै राजा दाऊद कै पीढ़ी शै औसौ, औरौ पौरमेशवरे तैसी मौरेयौंदे मुंजीदा जियुंदी कौरा; औरौ ऐजा सैजाई सुसमाचार औसौ जू हांव लोगौ कै शिखोऊं।

इब्रानियों 1:1

बैजाए साल औगौड़ियौ पौरमेशवरे पुराणिया शै कैईंयौं बार औरौ कैईंयौं तरीकै शै पौरमेशवर कै बातौ बौताणौवाल़ो कै दवारा बातौ कौरी,

इब्रानियों 3:7

इथकारिए जैशै पौरमेशवर आपणै आत्मा कै दवारा बौल़ौ, जै ऐलो तुऐं पौरमेशवर कै आवाज़ शुणौ,

इब्रानियों 4:7

इथकारिए पौरमेशवरे आपणै विशांव कै ठाँव पांदी भैजणौ कारिए ओका सौमय तय कौरा, औरौ सैजा सौमय ऐलो औसौ। कैईंयौं सालो कै बाद तैणै दाऊदो लैई इनु वचन कै घोषणा कौरवाए, जू ऐलो कै सौमय शै हज़ारो साल आगैई बौल़ै राए थिए: “जै ऐलो तुऐं पौरमेशवर कै आवाज़ शुणौ, तौ तैसकै आवाज़ शुणणौ शै मोना नै कौरौ।”

इब्रानियों 6:17

इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

इब्रानियों 7:21

लेवी कै पीढ़ी तौ बिना शौं कै पुरोहित बाणै गौवै, पौरौ यीशु शौं कै साथै पौरमेशवर कै ढौबौशा चोणे गौआ, जैणै तैसकै बारै मुंजी बौल़ौ, “हांव पौरमेशवर जू ऐजी शपथ खोऊं, औरौ हांव आपणै फोयसलै शै ना पौछतांदा कै तू सौदा कारिए पुरोहित बौणै गौआ।”

2 पतरस 1:21

जिथुकै कुणजै बै भविष्यवाणी आदमीए आपी ना लैख रैई। पौरौ पवित्र आत्माए तिनु सैजै वचन लिखणौ दै मौदद कौरे जू पौरमेशवर चांव थिया कै सै लिखौ।

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 19:16

औरौ तैसकै लौइये औरौ सोऐं कौलाटो पांदी ऐजौ नांव लैखै राखौ: “राजाओं का राजा औरौ प्रभुओं का प्रभु।”