प्रेरितो कै काम 2:27 - सिरमौरी नौवाँ नियम

²⁷ जिथुकै तू मुखै पताल़ो दा ना रौणौ दैंदा; औरौ ना आपणै पवित्र आदमी कै लाश कै शौड़णो दैन्‍दा।

Sirmouri

²⁷ किन्देंखे के तुँऐं मेरे प्राँण अंदलोक दे ने छुड़्दी; अरह् तुऐं आप्णें पबित्र जंण खात्ती-कबर दे ने षड़्णों देंदी।

प्रेरितो कै काम 2:27 ပူးပေါင်းရင်းမြစ်များ

मत्ती 11:23

औरौ ओए रै कफरनहूम नगर कै लोगौ, का तू स्वर्ग तौड़ी ऊंचा हौंदा? तू तौ पताल़ो तौड़ी तौल़का जांदा, जू चौमत्कार कै काम तौंदै कौरे राए, जै सै सदोम शहर दै कौरदै तौ सै ऐलो तौड़ी बौणैयौंदे रौंदौ।

मरकुस 1:24

तैणै जोर शै लैर मारैयौ बौल़ौ, “ओए रै नासरत गांव कै यीशु, अमारै तांवआरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ, जू पौरमेशवर कै ढौबौशा आए रौआ!”

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 16:23

औरौ नरक दौ तैणै पीड़ो दो पौड़ेयौ आपणी आखी लैई ऊबै दैखौ, औरौ दूरकै शा अब्राहम कै नेड़िक दा लाजर खै दैखा।

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

लूका 4:34

सै जोर सै लैलयांदा लागा, “ओए रै नासरत गांव कै यीशु, अमारै तांव आरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ जू पौरमेशवर कै ढौबौशा आए रौआ!”

यूहन्ना 11:39

यीशुए बौल़ौ, “पाथर कै ऊबा टिपो।” लाजर कै बोईण मार्था यीशु खै बौलदै लागै, “ओए रै प्रभु, ऐसी पौरैशै ऐबै तौ बुरै बांस आए रौए, जिथुखै ऐसी मोरयों खै चार दूस हौए गौवै।”

प्रेरितो कै काम 2:26

इयौं बौजैह शै हांव खुशी लैई भोरै गौआ, औरौ हांव खुशी शै तैरै बौड़ाए कौरु औरौ मैरा शोरीर बै आशा दा बौणैयौं रौंदा।

प्रेरितो कै काम 2:28

तुऐं मुखै जिन्दगी जीणो कै बाट बौताए राए; तू मुखै आपणै धोरे रौणौ कै दवारा खुशी लैई भोरै दैन्‍दा।’”

प्रेरितो कै काम 2:31

ऐजौ जाणैयौ कै हौणौवाल़ी बातौ दा पौरमेशवर का कौरदा पौरमेशवरे मसीह कै मौरेयौंदे मुंजीदा जियुंदी हौणौ कै बात कौरे। तैणै बौल़ौ, तू मुखै पताल़ो दा ना रौणौ दैंदा, औरौ ना आपणै पवित्र आदमी कै लाश कै शौड़णो दैन्‍दा।

प्रेरितो कै काम 3:14

तुऐं यीशु कै ना अपनैई, जू पवित्र औरौ धरमी थिया। औरौ तुऐं चोऊ कै ऐकी हथयारै खै तुऔं कारिए छोड़े दिया जांव।

प्रेरितो कै काम 4:27

जिथुकै सौथी कै तैरै पवित्र सेवक यीशु, जैसका तुऐं अभिषेक कौरे राए तैसकै खिलाफ दै बैगानै यहूदी लोगौ औरौ इस्राएल देश कै लोगौ कै साथी मिलैयौ राजा हेरोदेस औरौ पुन्‍तियुस पिलातुस राज्यपाल बै ऐसी नोगरो दै कौठै हौए रौवै,

1 कुरिन्थियों 15:52

ऐजौ एकदम हौंदौ, ऐतरो तावल़ो जैतरी तावल़ी कुणिए आखी झौपकौ। जोबै आखरी तुरही बौजाए जांदी तौ जू लोग मौरे गौवै सैजै सौदा कै जिन्दगी जिणौ कारिए औटेयौ जियुंदी हौंदै औरौ आमै जू जियुंदी औसौ, अमारै शोरीर बौदलै जांदै।

1 कुरिन्थियों 15:55

ऐशैखैई, पवित्र शास्त्र दौ जू लैखै राव, सैजौ पूरु हौंदौ। ओए रै मौत! कुकै औसौ तैरी जीत? औरौ ओए रै मौत! कुकै औसौ तैरा डंक?”

1 यूहन्ना 2:20

पौरौ तुऔं तौ मसीह कै दवारा पवित्र आत्मा दैय राए, औरौ तुऐं सौबै साची शिक्षा जाणौए।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,