प्रेरितो कै काम 2:23 - सिरमौरी नौवाँ नियम

²³ यीशु पौरमेशवर कै दवारा तय कौरेयौंदे योजना औरौ आगलै ज्ञान कै हिसाब शै थोम्बाया गौआ। तौ तुऐं तैसी दुष्ट आदमियों कै मौदद लैई किलो लायौ क्रूसो पांदी चौढ़ायौ मारै दिया।

Sirmouri

²³ से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

प्रेरितो कै काम 2:23 ပူးပေါင်းရင်းမြစ်များ

मत्ती 20:19

औरौ मुखै बैगानै यहूदी कै हाथौ दै सोंपदै। औरौ मैरा मोजाक ऊड़ालै, औरौ कौड़ै मारले, औरौ क्रूस पांदी चौढ़ाल़ै, औरौ हांव ती दूसौ दा जियुंदी हौए जांदा।”

मत्ती 26:24

हांव, आदमी का बैटा मोरी जोऊंबा जिथुकै ऐजै बात शास्त्रो दै लेखी राखै। पौरौ तैसी आदमी कै सख्त सौजा भैटदी जू मुखै धौखै शा थोमाला। जै सैजा आदमी पौयदा ना हौंदा तौ तैसी आदमी कारिए ऐजी भोली बात थी।”

मत्ती 27:35

तोबै तिनुऐ तैसीखै क्रूसो पांदी चौढ़ौऊवा, औरौ चिट्ठी पायौ, तैसकै खोटणो आपी मुंजी बान्डै दिए।

मरकुस 15:24

तोबै तिनुऐ तैसीखै क्रूसो पांदी चौढ़ौऊवा औरौ तैसीखै खोटणो पांदी चिट्ठी पाए, कै कोसी खै का भैटदौ, तिथुकै बांडै दैंव।

लूका 22:22

जिथुकै मुं आदमी कै बैटै कारिए जैशै ठोहराए राए, पौरौ तैसी आदमी कै सख्त सौजा भैटदै जू मुखै धौखै शा थोमाला।

लूका 22:37

जिथुकै हांव तुऔं बुलू, कै ऐजौ पवित्र शास्त्र दो मैरै बारै मुंजी जू लैखै राए सैजौ पूरु हौंव। तिथपांदी लैखै रैई कै, ‘तैसी कानून तौड़णे वाल़ौ कै साथै शामिल कौरा।’ ऐजी बातौ मैरै बारै मुंजी लैखै राए औरौ तावल़ी ही पूरी हौणै वाल़ी औसौ।”

लूका 23:33

जोबै सैजै तैसी ठाँव पांदी जिथु खोपड़ी कै जौगैह बौल़ौ तिथै पौऊंचै, तौ तिनुऐ तिथै यीशु औरौ तिनु कुकर्मी खै बै, ऐकी कै यीशु कै सोऐं ढौबौ औरौ दूजै कै डैरै ढौबौ क्रूसो पांदी चौढ़ाए।

लूका 24:20

औरौ मुख्य यहूदी पुरोहितो औरौ अमारै ठोगड़े तैसी पोकड़वाए दिया, कै तैसी पांदी मौत कै आज्ञा दैय जांव, औरौ तैसी क्रूसो पांदी चौढ़ाया जांव।

यूहन्ना 19:18

तिथै तिनुऐ यीशु औरौ तैसकै साथै हौजौ दो आदमियों कै क्रूसो पांदी चौढ़ाए, ऐकी कै तैसकै सोऐं ढौबौ औरौ दूजै कै डैरै ढौबौ, औरौ बीच दा यीशु कै।

यूहन्ना 19:24

इथकारिए सिपाहीए ऐकी दूजै कैंई बौल़ौ, “आमु इथु ना चिरू, पौरौ इथपांदी चिट्ठी पोऊंबे कै ऐजौ कोसको हौंदौ।” ऐजौ इथकारिए हौंव, कै पवित्र शास्त्र दै लिखैयौंदी बातौ सच हौंव, “कै तिनुऐ मैरै खोटणो आपी मुंजी बांडै पाए, औरौ मैरै लोइया पांदी चिट्ठी पैई। इथकारिए सिपाहीए ऐशैकैई कौरौ।”

प्रेरितो कै काम 13:27

यरूशलेम शहर कै लोगै औरौ तिनकै नेताए यीशु मसीह कै ना पौछेयाणी औरौ तिनुऐ पौरमेशवर की बातौ बौताणौवाल़ै कै तिनु वचनो खै ना सौमझी, जिनु सै हर विशांव कै दूसै पोढ़ो थिए। इथकारिए तिनुऐ तैसी दोषी ठैहरोऊवा औरौ ऐशैखैई पौरमेशवर कै बातौ बौताणौवाल़ै कै वचनो खै पूरै कौरे।

प्रेरितो कै काम 15:18

ऐजा सैजाई प्रभु बौल़ौ जू दुनिया कै बाणणौ शै आगै इनु बातौ का समाचार दैंदा आए रौआ।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

प्रेरितो कै काम 3:18

पौरौ जिनु बातौ कै सौब पौरमेशवर कै बातौ बौताणौवाल़ै कै दवारा औगौड़ियौ ही पौरमेशवरे बौल़ै राए थियु, कै तैसका मसीह दुख झैलदा औरौ मारा जांदा, औरौ तैणै तिनु साचौ कौरेयौ दिखोऊ।

प्रेरितो कै काम 4:28

कै तिनुऐ सैजौई कौरौ जू तैरै शौकतै औरौ इछाएं आगैई तय कौरे दियु थियु कै ऐशै हौणौ चैंई।

प्रेरितो कै काम 5:28

“का आमुए तुऔं सख्त आदैश ना दैय रैई थी कै तुऐं ऐसी नांव शै उपदैश नी कौरेया? हौजौ बै तुऐं सारै यरूशलेम शहर कै आपणै उपदैश शै भोरै दिया औरौ तैसी आदमी कै लोऊ का इलजाम जबरदस्ती आमु पांदी लाणा चांव।”

प्रेरितो कै काम 5:30

अमारै पुराणियो कै पौरमेशवरे यीशु कै मौरेयौंदे मुंजीदा जियुंदी कौरे दिया, जैसीकै तुऐं क्रूसो पांदी किलो लायौ औरौ लोटकायो मारै दिया।

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।

रोमियों 2:12

इथकारिए बैगानै यहूदी लोग जिनुकैईं मूसा कै कानून ना आथी, सै बिना कानून कै पौरमेशवर शै सौजा पांदै, औरौ यहूदी लोग, जिनुवै मूसा कै कानून पायौ पाप कौरा, तिनकी सौजा मूसा कै कानून कै हिसाब शै हौन्दी;

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

1 थिस्सलुनीकियों 2:15

तिनु यहूदी लोगै प्रभु यीशु खै औरौ पौरमेशवर कै बातौ बौताणौवाल़ै कै बै मारै दियै औरौ आमु सोताए, औरौ पौरमेशवर तिनुदा खुश ना आथी; औरौ सै सौबी आदमियों का विरोध कौरौ।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।