प्रेरितो कै काम 2:10 - सिरमौरी नौवाँ नियम

¹⁰ फ्रूगिया प्रदेश औरौ पंफूलिया प्रदेश कै औसौ। औरौ मिस्र देश औरौ लीबिया देश जू कुरेने शहर कै नेड़िक लीबिया इलाके कै आंडे-पांढे औसौ, इनु सौबी देशो कै रौणौवाल़ै औरौ यरूशलेम शहर खै रोम शहर कै रौणौवाल़ै शै आणौवाल़ै प्रदेशी,

Sirmouri

¹⁰ अरह् फ्रगिया, अरह् पंफूलिया, अरह् मिसरी, अरह् लीबिया देश जुण्जो कुरेनी के नंजीक लीबिया के रंहणों वाल़े; रोम के रंहणोंवाल़े, यहूदी, अरह् शणरार्थी यहूदी,

प्रेरितो कै काम 2:10 ပူးပေါင်းရင်းမြစ်များ

मत्ती 2:15

औरौ हेरोदेस राजा कै मौरणौ तौड़ी तिथी रौआ, इथकारिए जू वचन पौरमेशवर कै बातौ बौताणौवाल़ै होशे कै दवारा प्रभुए बौल़ै राए थिया, सैजा पूरा हौंव, “मोऐं आपणा बैटा मिस्र देश दा बौईदा।”

मत्ती 23:15

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं ऐकी आदमी खै आपणै गुट दा लाणौ कारिए सौबी जौगैह दै घुमो फिरो, औरौ जोबै सै बिशवाश दा आए जांव, तौ तैसी आपी दा बै जादा नरको दा जाणौ कै लायक बाणै दैंव।”

मत्ती 27:32

बायरै जांदी बैई तिनु सिकन्‍दर औरौ रूफुस का पिता शमौन, ऐक कुरेनी शहर का आदमी भैटा, तिनुऐ तैसीखै खामखैई खै थाम्बा कै तैसकौ क्रूस टिपयौ आगु नीयों।

मरकुस 15:21

सिकन्‍दर औरौ रूफुस का पिता शमौन, ऐक कुरेनी शहर का आदमी थिया, जू गांव पौरैशा शहरो कै आन्‍दा लागै रौआ थिया तिथ बाटी हौटा; सैनिके तैसी जोरै पाकड़ा कै तैसकौ क्रूस टिपेबा आगु नियौ जैसी ठाँव दा यीशु कै क्रूस पांदी टांगणा थिया।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 13:13

पौलुस औरौ तैसकै साथीए पाफुस शहर शै समुन्द्री यात्रा शुरु कौरे औरौ सै पंफूलिया प्रदेश कै पिरगा शहर दै पौंचै गौवै, औरौ यहून्ना जैसीखै मरकुस बै बौल़ौ तिनु छोड़ेयौ यरूशलेम शहर कै हौटै गौआ।

प्रेरितो कै काम 13:43

औरौ जोबै सभा-घोरो शै सौबवे हौटै गौवै तौ यहूदी नेता औरौ यहूदी मत दै आएयौंदे भोक्‍तो मुंजीदै भौरिशै पौलुस औरौ बरनबास कै पौछौड़ियौ हौए गौवै; औरौ तिनुऐ तिनुआरी बातौ कौरेयौ सौमझाए, कै पौरमेशवर कै अनुग्रह दै बौणैयौंदे रौव।

प्रेरितो कै काम 14:24

औरौ पिसिदिया प्रदेश शै हौयौ सै पंफूलिया प्रदेश दै पौऊंचै;

प्रेरितो कै काम 15:38

पौरौ पौलुसे यहून्ना (मरकुस) कै जू पंफूलिया प्रदेश दा तिनुदा जौई हौए गौआ थिया, औरौ कामौ पांदी तिनकै साथी ना हुटी, साथ निणा आछौ ना सौमझी।

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 17:21

(इथकारिए कै सौबै एथेंस शहर कै रौणौवाल़ै औरौ प्रदेशी जू तिथै रौंव थिए नुई-नुई बातौ बौलणौ औरौ शुणणौ कै सिवाए औकै कोसी कामौ दा आपणा सौमय नी बितांव थिए)

प्रेरितो कै काम 18:2

औरौ तिथै अक्विला नांव का ऐक यहूदी आदमी भैटा जैसका जन्म पुन्‍तुस प्रदेश दा हौए रौआ थिया; औरौ आपणै घोरवाल़ी प्रिस्किल्‍ला कै साथी इटली देश दा कुछैक सौमय औगौड़ियौ आए रौआ थिया, जिथुकै महाराजा क्लौदियुस सौबै यहूदी लोगौ खै रोम देश शै आगु जाणौ कै आज्ञा दैय राए थी, तैसी आदैश कै बौजैह शै सै कुरिन्‍थुस शहर दै ओऊवे।

प्रेरितो कै काम 18:23

तोबै किछै दूसौ तौड़ी रौयौ अन्‍ताकिया शहर पौरैशा आगु हौटा, औरौ हर तरफ शै गलातिया औरौ फ्रूगिया प्रदेश दा सौबी चैलो खै मोजबूत कौरेयौ फिरदा रौआ।

प्रेरितो कै काम 2:11

यानी का यहूदी, औरौ का बैगानै यहूदी जिनुवै यहूदी विचार अपनाए राए औरौ क्रेती द्वीप कै लोग औरौ अरब देश कै लोग बै औसौ। पौरौ आपणी-आपणी भाषा दै तिनु कैईंदै पौरमेशवर कै बौड़ै-बौड़ै चौमत्कार कै कामौ खै शुणदै लागै रौवै।”

प्रेरितो कै काम 23:11

तैसी रातै प्रभु यीशुए पौलुस कै धोरे खौड़ै हौयौ बौल़ौ, “ओए रै पौलुस सब्र राख; जिथुकै जैशणै तुऐं यरूशलेम शहर दै मैरै गवाही दै, तैशैखैई ताखै रोम देश दै बै गवाही दैणी पौड़दै।”

प्रेरितो कै काम 27:5

औरौ किलिकिया औरौ पंफूलिया प्रदेश कै किनारे समुन्द्र मुंजी हौयौ मूरा शहर दै पौऊंचै जू कै लूसिया प्रदेश दो औसौ।

प्रेरितो कै काम 28:15

रोम शहर शै किछै बिशवाशी भाईए शुणु कै आमै तिथै आन्दै लागै रौवै औरौ सै आमुआरी भैटिणौ औरौ आमु रोम शहर लौए जाणौ कारिए अप्पियुस नगर कै बाज़ारो औरौ तीन-सराए नगर तौड़ी ओऊवे, जिनु दैखियौ खै पौलुसे पौरमेशवर का धन्यवाद कौरा, औरौ बैजाए हिम्मत बौड़ै।

प्रेरितो कै काम 6:5

ऐजै बात सौबी मण्‍डली कै आछी लागै औरौ तिनुऐ स्तिफनुस नांव का ऐक मर्द कै जू पवित्र आत्मा लैई भौरेयौंदा थिया, औरौ फिलिप्‍पुस औरौ प्रुखुरुस औरौ नीकानोर औरौ तीमोन औरौ परमिनास औरौ अन्‍ताकिया शहर कै रौणौवाल़ै नीकुलाउस खै जू यहूदी कै गुट शै आए गौआ थिया, चोणे पाए।

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

रोमियों 1:15

इथकारिए हांव तुऔं खै बै जू रोम शहर दै रौंव, सुसमाचार शुणाणौ कै बैताब औसौ।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

2 तीमुथियुस 1:17

पौरौ जोबै सै रोम शहर दा ओऊवा, तौ सै हर जौगैह मुखै ज़ौयौ भैटिंदा ओऊवा।

प्रकाशितवाक्य 11:8

तिनकी लाशो तैसी बौड़ै शहर यरूशलेम कै शोड़कै पांदी पोड़ैयौंदी रौंदी, जिथै तिनका प्रभु क्रूसो पांदी टांगै दिया थिया। ऐसी शहरो कै निशान कै रुप दा सदोम या मिस्र देश ऐजै नांव दैय राए, जिथुकै ऐसी शहरो कै लोग बैजाए बुरै औसौ, जैशै सदोम औरौ मिस्र देश कै रौणौवाल़ै लोग थिए।