प्रेरितो कै काम 19:9 - सिरमौरी नौवाँ नियम

⁹ पौरौ जोबै किछै लोगै कठोर हौयौ तैसकी बातौ का बिशवाश नी कौरी पौरौ लोगौ कै सामणै ऐसी मसीह गुट कै बुरु बौलदै लागै, तोबै तैणै तिनुखै छोड़े दियै औरौ चैलै कै जौई कौरे दियै, औरौ रौज तुरत्रुस इसकूलौ दै शिक्षा दैया कौरौ थिया।

Sirmouri

⁹ परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 19:9 ပူးပေါင်းရင်းမြစ်များ

मत्ती 15:14

तिनुखै जाणौ दैंव, सै आन्धै मार्ग खै दिखाणै वाल़ै औसौ: आन्धा जै आन्धा खै बाट दिखांव, तौ दुईनै गौढै दै छुटदै।”

मत्ती 16:4

ऐसी जमाने कै बुरै, औरौ गौलत सौमबंध राखणौवाल़ै लोग किथुखै निशान चांव, पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान ना दिया जांदा।” औरौ सै तिनु छोडे़बा आगु हौटा।

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

यूहन्ना 12:40

“तैणै तिनकी आखी आन्धी कौरी दी ताकि सै दैखै नी सौकौ, औरौ तिनकै दिमाक बंद कौरे दिए ताकि सै सौमझी नी सौकौ। नही तौ सै मैरी ढौबौ फिरी जांदै औरौ हांव तिनु ठीक कौरे दैंदा।”

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 14:4

पौरौ नोगरो कै लोगौ दै फूट पौड़ै गौए थै; इथलैई कैतरै तौ यहूदी नेता कै ढौबौ औरौ कैतरै चोणेयौंदे चैलै कै ढौबौ हौए गौवै।

प्रेरितो कै काम 17:4

तिनुमुंजी दै कैतरै यहूदी लोगै, औरौ पौरमेशवर का डौर मानणोवाल़ै बैगानै यहूदी लोगौ मुंजीदै बौहितै औरौ बौहुती सारी खास-खास बैटमाणिशै बिशवाश कौर पाए, औरौ पौलुस औरौ सीलास कै साथी मिलै गोई।

प्रेरितो कै काम 19:23

तोलो कै सौमय मसीह कै गुट कै बारै मुंजी बौड़ा रोल़ा हौआ।

प्रेरितो कै काम 19:30

जोबै पौलुस बै रंगशाला दा भीतरै जायौ लोगौआरी बात कौरणा चांव थिया तौ चैलै तैसी जाणौ ना दी।

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

प्रेरितो कै काम 22:4

मोऐं तौ मर्द औरौ बैटमाणिश दुईनै खै बांनैयौ खै, औरौ कोयदखाने दै पायौ खै, मसीह कै गुट खै इथै तौड़ी सताए कै तिनु मोरवाए बै दिए।

प्रेरितो कै काम 24:21

सिरफ ऐक दोष जू सै मैरै खिलाफ लाए सौकौ, सै ऐजा औसौ जोबै मोऐं आँगणो दो जोर-जोर शै बौल़ौ थियु? ऐलो मैरा न्यांव तैरै दवारा हौंदा लागै रौआ जिथुकै हांव बिशवाश कौरु कै पौरमेशवर तिनु लोगौ खै जू मौरे गौवै होटेयो मौरेयौंदे मुंजीदा जियुंदी कौरदा।

प्रेरितो कै काम 28:22

पौरौ तैरा विचार का औसौ? ऐजौ आमै तुंवादौ शुणणौ चोऊं, जिथुकै आमु जाणुए कै हरेक जौगैह ऐसी मतो कै खिलाफ दी बातौ हौं।”

प्रेरितो कै काम 7:51

“ओए रै ढीठ तुऐं तैसकै बातौ मानणौ औरौ शुणणौ शै इन्कार कौरौ तुऐं हमैशा पवित्र आत्मा का विरोध कौरौ, जैशै तोंवारै पुराणिया कौरौ थिए, तैशैखैई तुऐं बै कौरौए।

प्रेरितो कै काम 9:2

औरौ तैसीयादी दमिश्क शहर कै यहूदी सभा-घोरो कै नांव पांदी चिट्ठियां मांगी, कै कुणिए बै मर्द या बैटमाणिश जू मसीह कै गुट कै लोग औसौ तिनु बांनैयौ यरूशलेम शहर दै लियांव।

रोमियों 11:7

भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

रोमियों 9:18

तौ बै, सै जैसी पांदी चांव, तैसी पांदी दया कौरौ; औरौ जैसी चांव तैसी हठीला बाणै दैंव।

1 कुरिन्थियों 16:9

जिथुकै इबी बै इथै बैजाए लोग औसौ जू पौरमेशवर का वचन शुणणा चांव, औरौ मैरौ इथै रौणौ बैजाए जौरुरी औसौ। हालांकि बौहितै लोग औसौ जू मैरा विरोध कौरौ।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

2 तीमुथियुस 1:15

तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:2

पौरमेशवर कै बौहितै लोग इनु शिक्षको कै बुरै कामौ कै नकल कौरदै, औरौ जू किछै बै सै कौरौए तिथकै बौजैह शै लोग सौचाई कै बाटौ कै बारै मुंजी बुरी-बुरी बातौ कौरदै।

यहूदा 1:10

सैजै लोग जू पौरमेशवर कै आराधना ना कौरौ औरौ तिनु बातौ कै खिलाफ बुरै शब्दो का इस्तैमाल कौरौ जू तिनकै सौमझ दी ना आंव; औरौ जोबै सै जोंगली जानवरो कै जैशणै बर्ताव कौरौ औरौ जिनु कामौ खै सै जाणौए तिनु सै बिना सौंचै-सौमझै कौरौ, तौ सै पौरमेशवर कै ढौबौशै सौजा भुकतदै।