प्रेरितो कै काम 19:29 - सिरमौरी नौवाँ नियम

²⁹ औरौ सारै नोगरो दा बोईता रोल़ा मोचाए दिया औरौ लोगै मकिदुनिया प्रदेश कै रौणौवाल़ै गयुस औरौ अरिस्‍तर्खुस, खै जू पौलुस कै साथी यात्री थिए, पाकड़ै दियै, औरौ ऐक साथै रंगशाला दै दौड़ै गौवै।

Sirmouri

²⁹ तबे बादे नंगर दी हारकुँजी हऐ, अरह् तिन्ऐं संत्त-पौलुस के साथी; गयुस अरह् अरिस्तर्खुस, जुण्जे मकिदुनिया के रंहणों वाल़े थिऐ; खींच़ियों-झीड़ियों रंगशाल़ा की ढबै भागी लागे।

प्रेरितो कै काम 19:29 ပူးပေါင်းရင်းမြစ်များ

प्रेरितो कै काम 13:5

औरौ सलमीस दै पौंचेयौ, पौरमेशवर का वचन यहूदी लोगौ कै यहूदी सभा-घोरो दा शुणौऊवा; यहून्ना जैसीखै मरकुस बै बौल़ौ तिनकी मौदद कौरणौ कारिए तिनकै साथै थिया।

प्रेरितो कै काम 16:12

तिथैदै आमु फिलिप्‍पी शहर पौऊंचै, जू मकिदुनिया प्रदेश का मुख्य नोगर, औरौ रोम देश कै लोगौ की बोस्‍ती औसौ; औरौ आमुए तैसी नोगरो दै कुछैक दूसौ तौड़ी रौवै।

प्रेरितो कै काम 16:9

तिथै पौलुसे राती कै ऐक दर्शन दैखा कै ऐक मकिदुनिया प्रदेश का रौणौवाल़ा आदमी खौड़ा हौआ, तैसीयादै बिन्ती कौरेयौ बौलदा लागा, “समुन्द्र कै पार जायौ कै मकिदुनिया प्रदेश दा आ, औरौ अमारै मौदद कौर।”

प्रेरितो कै काम 17:8

जोबै भीड़ै औरौ नोगरो कै राज्यपाले ऐजी बातौ शुणी, तौ सै पौरैशान हौए गौवै।

प्रेरितो कै काम 19:21

जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

प्रेरितो कै काम 19:22

इथकारिए आपणी सेवा कौरणौवाल़ै मुंजीदै तीमुथियुस औरौ इरास्तुस खै मकिदुनिया प्रदेश दै तिनुखै आपी दै औगौड़ियौ भैजै दियै, औरौ आपी किछै दूसौ तौड़ी एशिया प्रदेश कै इफिसुस शहर दा रौआ।”

प्रेरितो कै काम 19:32

रंगशाला कै भीतरै, सौबी लोगै लैरौ मारी लोई थी, कुणिए किछै लैरौ मारी लोई थी तौ कुणिए किछै ओकी; औरौ सौब ठुँ गड़बड़ थियु। औरौ बौहितै लोग तौ ऐजौ जाणौ बै नी थिए कै किथु कौठै हौए रौवै।

प्रेरितो कै काम 20:34

तुऐं आपी बै जाणौए कै इनु हाथै मैरी औरौ मैरै साथियो की जौरुरत पूरी कौरी।

प्रेरितो कै काम 20:4

इयौं यात्रा दै बिरीया नोगर कै पुरूर्स का बैटा सोपत्रुस औरौ थिस्‍सलुनीके शहर मुंजीदै अरिस्‍तर्खुस औरौ सिकुन्‍दूस, औरौ दिरबे नोगर का गयुस, औरौ लुस्त्रा नोगर शा तीमुथियुस, औरौ एशिया प्रदेश का तुखिकुस औरौ त्रुफिमुस आसिया तौड़ी अमारै साथी यात्री थिए।

प्रेरितो कै काम 21:30

तोबै सौबी नोगर दै हलचल मोचै गौए, औरौ लोग दौड़ैयौ कौठै हुवे, औरौ पौलुसो खै थाम्बैयौ मन्दिर कै बायरै लोशयो लियोऊवा, औरौ तौलोंई दवार बोन्‍द कौरे दियै।

प्रेरितो कै काम 21:38

का तू तैसी मिस्र देश का ना आथी, जू इनु दूसौ कै औगौड़ियौ सरकार कै खिलाफ विद्रोह कौरेयौ चार हजार लोगौ खै हथियार समैंत शुनशान जौगैह दा लोय गौआ?”

प्रेरितो कै काम 27:2

अद्रमुतियुम शहर को ऐक जहाज जू एशिया प्रदेश कै जाणौ पांदी थियु, तिथ जहाज पांदी आमुए आपणी समुन्द्री यात्रा शुरु कौरे औरौ अमारै साथै अरिस्‍तर्खुस नांव का ऐक आदमी बै थिया जू मकिदुनिया प्रदेश दा थिस्‍सलुनीके शहर का रौणौवाल़ा थिया।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

1 कुरिन्थियों 1:14

हांव पौरमेशवर का धन्यवाद कौरु, कै इनु दौ भाईयों कै छोड़ेयौ कै यानी कै क्रिस्पुस औरौ गयुस खै मोऐं तुऔं कोसी कै बै बपतिस्मा ना दी।

1 कुरिन्थियों 4:9

मैरै ऐशै जाणै रौ कै पौरमेशवरे आमु चोणेयौंदे चैलै खै विजय यात्रा दै मौत कै सौजा भैटैयौंदे कोयदी कै जैशणै सौबी दै आखरी ठाँव पांदी राखै राए। आमै सारै दुनिया कै लोगौ कै सामणै औरौ स्वर्ग कै स्‍वर्गदूतौ कै सामणै तमाशा बौणै गौवै।

2 कुरिन्थियों 8:19

औरौ ऐतरो ही नी, पौरौ कलीसिया कै लोगौ दवारा बै तैसी दान कै साथै यरूशलेम कै बिशवाशी कारिए भैजी राए जू प्रभु कै महिमा औरौ ऐजौ दिखाणौ कारिए औसौ कि आमु यरूशलेम शहर दै बिशवाशी कै मौदद कौरणौ कारिए खुशी औसौ।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

फिलेमोन 1:24

मरकुस, औरौ अरिस्‍तर्खुस औरौ देमास औरौ लूका जू मैरै साथै प्रभु का काम कौरौ, इनका ताखै नमशकार।

3 यूहन्ना 1:1

मोऐं यूहन्नाए कलीसिया कै अगुवे आपणै प्यारे दोस्त गयुस कै ऐजै चिट्ठी लैखै लौए जैसी आरी हांव साचा प्यार कौरु।