प्रेरितो कै काम 19:26 - सिरमौरी नौवाँ नियम

²⁶ औरौ तुऐं दैखौ औरौ शुणौए कै सिरफ इफिसुस शहर ही नी, पौरौ एशिया प्रदेश कै सौबै गांव दै बौल बौलेयौ ऐसी पौलुसे बौहितै लोगौ खै सौमझाए औरौ भरमाए बै राए, कै जू हाथौ की कारीगरी औसौ, सै ईशवर ना आथी।

Sirmouri

²⁶ अरह् तुँऐं ऐजो देखी, शुँणीं लो, के ऐने पौलुस ऐ सिर्फ इफिसुस आसिया दे लोग संहम्झाऐ-बुझाऐयों बैजाऐ बंह्काऐ-दुरताऐ दिते; के हाथ के बंणाँऐ अंदे देव्ता, कंद्दी देव्ता ने हंदे।

प्रेरितो कै काम 19:26 ပူးပေါင်းရင်းမြစ်များ

प्रेरितो कै काम 14:15

“ओए रै लोगौ, तुऐं का कौरौ? आमुए बै तौ तुऔं साए दुख-सुख भुगतणो वाल़ै आदमी औसौ, औरौ तुऔं सुसमाचार शुणौऊं, कै तुऐं इनु बैकार कै चीज़ौ शै जौई हौयौ जियुंदै पौरमेशवर कै ढौबौ आंव, जैणै स्वर्ग औरौ धोरती औरौ समुन्द्र औरौ जू किछै तिंदु औसौ बाणै राए।

प्रेरितो कै काम 17:29

इथकारिए पौरमेशवर कै सन्‍तान हौयौ आमु ऐजौ नी सुंचणौ चैंई कै पौरमेशवर सूनै, चांदी, या पाथरो कै जैशणा औसौ, जू आदमी की कारीगरी सै औरौ सोंच-विचार शै बौणै रौआ।

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 19:25

दिमेत्रियुसे आपणै कारीगरो खै बोईदै औरौ ऐशणी चीज़ौ कै कारीगरो खै बै कौठै कौरेयौ बौल़ौ, “ओए रै भाईयों तुऐं जाणौ कै ऐसी कामौ लैई आमु किशैक धन भैटौ।

1 कुरिन्थियों 12:2

तुऐं जाणौए, कै जोबै तुऐं अबिशवाशी थिए, तौ तुऐं तिनु गुंगी मूर्तियों कै आराधना कौरणौ कारिए कैई बातौ कै दवारा भोटके रौवै थिए।

1 कुरिन्थियों 8:4

तौ तोबै, हांव खाणौ कै बारै मुंजी सवाल का जोवाब दैणा चोऊं। आमै जाणुए कै सिरफ ऐकैई जियुंदी पौरमेशवर औसौ औरौ इयौं दुनिया दी मूर्ति बैजान औसौ।

गलातियौं 4:8

जोबै तुऐं पौरमेशवर खै ना जाणौ थिए, तौ तैसी सौमय तुऐं तैसकै दास थिए, जू सौथीखै ईशवर आथी ही ना।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

प्रकाशितवाक्य 9:20

पौरौ बाकी कै लोग जू तिनु पौरैशानी शै आगै नी मौरे रैई थी, तिनुऐ ऐबै बै आपणै बुरै कामौ शै पाप कौरणै ना छुड़ी। हत्या कौरणै, बाण बौणाटा, गौलत सौमबंध औरौ चोरी कौरणै ना छुड़ी। तिनुऐ दुष्टआत्माओं औरौ आपणै हाथौ शै बौणेयौंदी चीज़ौ कै पूजा कौरणै बै ना छुड़ी, जैशैकै सूनै या चांदी या पीतलो या पाथर या लाकड़ी शै बौणेयौंदी मूर्ती। सैजी मूर्ती, ना दैख सौकौ, ना शौणै सौकौ, औरौ ना ही हांडै सौकौ।