प्रेरितो कै काम 19:22 - सिरमौरी नौवाँ नियम

²² इथकारिए आपणी सेवा कौरणौवाल़ै मुंजीदै तीमुथियुस औरौ इरास्तुस खै मकिदुनिया प्रदेश दै तिनुखै आपी दै औगौड़ियौ भैजै दियै, औरौ आपी किछै दूसौ तौड़ी एशिया प्रदेश कै इफिसुस शहर दा रौआ।”

Sirmouri

²² तबे तेने आप्णी सेवा कर्णो वाल़े, मुँझ्षे तीमुथियुस अरह् इरास्तुस मकीदुनिया खे डेयाल़े, अरह् आपु कुछ बख्त्तो खे आसिया दा ही रूवा।

प्रेरितो कै काम 19:22 ပူးပေါင်းရင်းမြစ်များ

प्रेरितो कै काम 13:5

औरौ सलमीस दै पौंचेयौ, पौरमेशवर का वचन यहूदी लोगौ कै यहूदी सभा-घोरो दा शुणौऊवा; यहून्ना जैसीखै मरकुस बै बौल़ौ तिनकी मौदद कौरणौ कारिए तिनकै साथै थिया।

प्रेरितो कै काम 16:1

तोबै पौलुस औरौ सिलास दिरबे औरौ लुस्त्रा शहर दै बै हौटै। तिथै तीमुथियुस नांव का ऐक चैला रौंव थिया। तैसकै माँ यहूदी बिशवाशी थी, पौरौ तैसका बापू यूनान देश का रौणौवाल़ा थिया।

प्रेरितो कै काम 16:3

पौलुस कै इछा थै कै सै तैसकै साथी चालौ; औरौ जू यहूदी लोग तिनु ठाँव दै थिए तिनकी बौजैह शै तैणै तीमुथियुस का खतना कौरा, जिथुकै सै सौबवे जाणौ थिए, कै तैसका बापू यूनान देश का रौणौवाल़ा थिया।

प्रेरितो कै काम 18:5

जोबै सीलास औरौ तीमुथियुस मकिदुनिया प्रदेश दै ओऊवे, तौ पौलुसे तोम्बू बाणणौ कै काम बंद कौरे दियै औरौ पौलुस वचन शुणाणौ कै धुनो दा लागैयो यहूदी लोगौ खै गवाही दैंव थिया कै यीशु ही मसीह औसौ।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 19:21

जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

प्रेरितो कै काम 19:29

औरौ सारै नोगरो दा बोईता रोल़ा मोचाए दिया औरौ लोगै मकिदुनिया प्रदेश कै रौणौवाल़ै गयुस औरौ अरिस्‍तर्खुस, खै जू पौलुस कै साथी यात्री थिए, पाकड़ै दियै, औरौ ऐक साथै रंगशाला दै दौड़ै गौवै।

प्रेरितो कै काम 20:1

जोबै रोल़ा बोन्‍द हौए गौआ तौ पौलुसे चैलै खै बौएदैयौ हिम्मत दै, औरौ तिनकै धोरे दा आगु जायौ कै मकिदुनिया प्रदेश कै ढौबौ हौटा।

प्रेरितो कै काम 20:34

तुऐं आपी बै जाणौए कै इनु हाथै मैरी औरौ मैरै साथियो की जौरुरत पूरी कौरी।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

2 कुरिन्थियों 1:16

मैरै तरकीब थै कै हांव तोंवारै धोरे दा हौयौ मकिदुनिया प्रदेश खै जोऊं, औरौ तोबै मकिदुनिया पौरैशा आयौ तोंवारै धोरे ओऊं, ताकि हांव तुऔं कैईंदै यहूदिया प्रदेश कै यात्रा कारिए मौदद पौऊं।

2 कुरिन्थियों 11:9

औरौ जोबै हांव तोंवारै साथै थिया, औरौ मुखै पौयसै कै कोमै पौड़ै, तौ मोऐं कोसी पांदी भार ना पाड़ी, जिथुकै बिशवाशी भाईए, मकिदुनिया प्रदेश शै आयौ मैरी कमी खै पूरी कौरी: औरौ मोऐं हर बातौ दा आपी खै तुऔं कारिए हर भान्त कै पौरैशानी बाणणौ शै बौचाए, औरौ हांव आणौवाल़ै दूसौ दा बै तुऔं पांदी बौझ ना बौणदा।

2 कुरिन्थियों 2:13

बिशवाशी भाई तीतुस कि औरौ शै तोंवारै ढौबौशा कुणजाई समाचार ना पोऊंची, जिथुकै आमै इबी तौड़ी भैटी ना रोई, इथकारिए त्रोआस शहर कै बिशवाशियौं शै बिदा हौयौ हांव तीतुस कै जूणौ कारिए मकिदुनिया शहर खै हौटै गौआ।

2 कुरिन्थियों 8:1

ऐबै ओए रै बिशवाशी भाईयों, हांव तुऔं लोगौ खै तैसी अनुग्रह कै बारै मुंजी बौताणा चोऊं, जू पौरमेशवरे मकिदुनिया प्रदेश कै कलीसिया दै बिशवाशियौं कै मंडली खै दैय राए।

2 कुरिन्थियों 8:19

औरौ ऐतरो ही नी, पौरौ कलीसिया कै लोगौ दवारा बै तैसी दान कै साथै यरूशलेम कै बिशवाशी कारिए भैजी राए जू प्रभु कै महिमा औरौ ऐजौ दिखाणौ कारिए औसौ कि आमु यरूशलेम शहर दै बिशवाशी कै मौदद कौरणौ कारिए खुशी औसौ।

1 थिस्सलुनीकियों 1:8

जिथुकै तोंवारै इथै दै ना सिरफ मकिदुनिया औरौ अखाया प्रदेश मुंजी प्रभु का वचन शुणौऊवा, पौरौ तोंवारै बिशवाश जू पौरमेशवर पांदी औसौ, हर जौगैह जिथै आमु जोऊंए, लोगौ कै तोंवारै बिशवाश कै बारै मुंजी बौतांदै बैई शुणुए। इथकारिए, आमु ओकी खै तोंवारै बारै मुंजी किछै बै बौताणौ कै जौरुरत ना आथी।

2 तीमुथियुस 4:20

बिशवाशी भाई इरास्तुस कुरिन्‍थुस शहर दा रौए गौआ, औरौ भाई त्रुफिमुस मीलेतुस शहर दा औसौ जिथुकै सै बीमार थिया।