प्रेरितो कै काम 19:21 - सिरमौरी नौवाँ नियम

²¹ जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

Sirmouri

²¹ ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 19:21 ပူးပေါင်းရင်းမြစ်များ

प्रेरितो कै काम 16:12

तिथैदै आमु फिलिप्‍पी शहर पौऊंचै, जू मकिदुनिया प्रदेश का मुख्य नोगर, औरौ रोम देश कै लोगौ की बोस्‍ती औसौ; औरौ आमुए तैसी नोगरो दै कुछैक दूसौ तौड़ी रौवै।

प्रेरितो कै काम 18:12

जोबै गल्‍लियो अखाया प्रदेश का राज्यपाल थिया तौ यहूदी लोग ऐक हौयौ पौलुस कै खिलाफ हौए गौवै, औरौ तैसी न्याय आसन कै सामणै लायौ बौलदै लागै,

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 19:22

इथकारिए आपणी सेवा कौरणौवाल़ै मुंजीदै तीमुथियुस औरौ इरास्तुस खै मकिदुनिया प्रदेश दै तिनुखै आपी दै औगौड़ियौ भैजै दियै, औरौ आपी किछै दूसौ तौड़ी एशिया प्रदेश कै इफिसुस शहर दा रौआ।”

प्रेरितो कै काम 19:29

औरौ सारै नोगरो दा बोईता रोल़ा मोचाए दिया औरौ लोगै मकिदुनिया प्रदेश कै रौणौवाल़ै गयुस औरौ अरिस्‍तर्खुस, खै जू पौलुस कै साथी यात्री थिए, पाकड़ै दियै, औरौ ऐक साथै रंगशाला दै दौड़ै गौवै।

प्रेरितो कै काम 20:16

पौरौ पौलुसे इफिसुस शहर दा ना रुकणौ का फोयसला कौरा जिथुकै सै एशिया प्रदेश दा हौजौ जादा सौमय नी बीतणा चांव थिया। जिथुकै सै काल़े रौआ थिया, कै जै हौए सौकौ, तौ सै पिन्‍तेकुस्‍त तैयारो कै दूसै यरूशलेम शहर दा रौंव।

प्रेरितो कै काम 20:22

औरौ ऐबै, हांव पवित्र आत्मा कै आज्ञा का पालन कौरेयौ यरूशलेम शहर खै जोऊं, औरौ ना जाणु, कै तिथै मुंआरी का-का बीतल़ो,

प्रेरितो कै काम 21:17

जोबै आमु यरूशलेम शहर दै पौऊंचै, तौ बिशवाशी भाई बौड़ै खुशी कै साथै आमुआरी भैटियै।

प्रेरितो कै काम 21:4

औरौ चैलै खै भैटियो आमै तिथै साती दूसौ तौड़ी रौवै, तिनुऐ पवित्र आत्मा कै शिखाए पौलुस शै यरूशलेम शहर कै ना जाणौ कै बिन्ती कौरी।

प्रेरितो कै काम 23:11

तैसी रातै प्रभु यीशुए पौलुस कै धोरे खौड़ै हौयौ बौल़ौ, “ओए रै पौलुस सब्र राख; जिथुकै जैशणै तुऐं यरूशलेम शहर दै मैरै गवाही दै, तैशैखैई ताखै रोम देश दै बै गवाही दैणी पौड़दै।”

प्रेरितो कै काम 27:1

जोबै फेस्तुस राज्यपाल दवारा ऐजौ पाको हौए गौ कै आमै जहाजो खै दवारा इटली देश कै जांदै, तौ तिनुऐ पौलुस औरौ किछै ओकी कोयदी खै बै यूलियुस नांव कै सूबेदार खै हाथौ दै सौंपै दिए। जू महाराजा औगुस्‍तस कै सैनिक गुट का ऐक सूबेदार थिया।

प्रेरितो कै काम 27:24

‘ओए रै पौलुस, डौरेया नी! ताखै महाराजा (कैसर) कै सामणै खौड़ौ हौणौ जौरुरी औसौ। औरौ पौरमेशवरे सौबी खै जीवनदान दैय राखा, जिनुवै तैरै साथै यात्रा कौरे लोए।’

प्रेरितो कै काम 28:16

जोबै आमै रोम शहर दै पौऊंचै, तौ पौलुसो खै ऐकी सैनिक कै साथै जू तैसकै रोखवाल़ै कौरौ थिया, इकली रौणौ कै आज्ञा भैटी।

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 1:15

इथकारिए हांव तुऔं खै बै जू रोम शहर दै रौंव, सुसमाचार शुणाणौ कै बैताब औसौ।

1 कुरिन्थियों 16:5

औरौ हांव मकिदुनिया प्रदेश जाणौ कै बाद तोंवारै धोरे आन्दा, जिथुकै मैरै मकिदुनिया प्रदेश हौयौ जाणौ जौरुरी औसौ।

1 कुरिन्थियों 4:19

पौरौ प्रभु चांव तौ हांव तोंवारै धोरे तावल़ा ही आन्दा, औरौ तोबै ना सिरफ इनु अभिमानियो कै शिक्षा, पौरौ तिनकै शौकतै खै बै जाणै पांदा।

2 कुरिन्थियों 10:16

कै आमै तोंवारै हद शै दूर-दूर जौगैह दै बै सुसमाचार शुणौऊं, औरौ ऐजौ नी, कै आमै ओकी कै हद कै भीतरै बौण बाणैयौंदे कामौ पांदी घमण्‍ड कौरु।

गलातियौं 2:1

चौदह सालो कै बाद हांव बरनबास कै साथै यरूशलेम शहर खै हौटा, औरौ तीतुस खै बै साथै निया।

1 थिस्सलुनीकियों 1:7

जिथका नतीजा ऐजा हौआ कै मकिदुनिया औरौ अखाया प्रदेश कै सौबै बिशवाशी लोगौ कारिए तुऐं नमूना बौणै गौवै।