प्रेरितो कै काम 18:8 - सिरमौरी नौवाँ नियम

⁸ तोबै यहूदी सभा-घोरो का ठोगड़ा क्रिस्पुसे आपणै सौबै कुड़बे समैंत प्रभु पांदी बिशवाश कौरा औरौ बौहितै कुरिन्थुस शहर कै रौणौवाल़ै लोगै वचन शोणेयो बिशवाश कौरा औरौ बपतिस्मा लौआ।

Sirmouri

⁸ तबे यहूदी के चौत्रे का ढिमेंदार क्रिस्पुस ऐ आप्णे बादे टाबरे समेत प्रभू गाशी बिश्वाष करा, अरह् भहीते कुरिन्थ के रंहणों वाल़े; ऐ भे संत्त-पौलुस की बातो शुँणियों बिश्वाष करा, अरह् नहाँण-नहाँव।

प्रेरितो कै काम 18:8 ပူးပေါင်းရင်းမြစ်များ

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मरकुस 5:22

याईर नांव का आदमी यहूदी सभा-घोरो कै ठोगड़े मुंजीदा ऐक ओऊवा, औरौ तैसीखै दैखैयो, तैसकै लातो पांदी पौड़ा।

मरकुस 5:35

जोबै यीशुए तियौं बैटमाणिशौ आरी ऐजै बात कौरे लौए थी कै यहूदी सभा-घोरो कै ठोगड़े कै धोरे दै लोगै आयौ ठोगड़े कै बौल़ौ, “तैरै बैटी तौ मौरे गौए, ऐबै गुरुजी खै पौरैशान नै कौर?”

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

प्रेरितो कै काम 11:14

सै तुऔं ऐशणी बातौ बोताला, जिथलैई पौरमेशवर ताखै औरौ तैरै घोराणे कै सौबी लोगौ खै बौचांदा।

प्रेरितो कै काम 13:15

मूसा कै कानून औरौ पौरमेशवर कै बातौ बौताणौवाल़ै कै किताबो शै पोढ़णो कै बाद यहूदी सभा-घोरो कै ठोगड़े तिनकै धोरे ब्यौरा भैजा, “ओए रै भाईयों, जै लोगौ कै उपदैश कारिए तोंवारै मनो दै कुणजै बात औसौ तौ बौल़ौ।”

प्रेरितो कै काम 16:34

औरौ तैणै तिनु आपणै घोरे नियौ कै, तिनु खाणौ कै दियु, औरौ सौबी कुड़बे समैंत पौरमेशवर पांदी बिशवाश कौरेयौ सैजै सौबै जोणे बैजाए खुशी होवे।

प्रेरितो कै काम 18:1

इथकै बाद पौलुस एथेंस शहर कै छोड़ेयौ कुरिन्‍थुस शहर दा ओऊवा।

प्रेरितो कै काम 18:17

तोबै सौबी लोगै यहूदी सभा-घोरो का ठोगड़ा सोस्‍थिनेस खै थाम्बैयौ न्याय आसन कै सामणै मारा। पौरौ गल्‍लिये इनु बातौ की किछै बै फिकर ना कौरी।

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

प्रेरितो कै काम 8:12

पौरौ जोबै लोगै फिलिप्‍पुस शै पौरमेशवर कै राज्‍य औरौ यीशु मसीह कै नांव का सुसमाचार शुणा तौ यीशु पांदी बिशवाश कौरा, औरौ बौहिती बैटमाणिशौ औरौ मर्दे बपतिस्मा लौआ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

2 कुरिन्थियों 1:23

पौरमेशवर मैरा गवाह औसौ कै मोऐं तुऔं साचौ बौल़ै लो, कै हांव औटेयौ कुरिन्‍थुस शहर दा इथकारिए ना आई कै हांव तुऔं कोष्ट ना दैणा चोऊं।

2 कुरिन्थियों 6:11

ओए रै कुरिन्थुस शहर कै बिशवाशियौं, आमै खौलेयौ तुऔंआरी बातौ कौरे रैई, आमै तुऔं आपणै पूरै दिल शै प्यार कौरु।

2 तीमुथियुस 4:20

बिशवाशी भाई इरास्तुस कुरिन्‍थुस शहर दा रौए गौआ, औरौ भाई त्रुफिमुस मीलेतुस शहर दा औसौ जिथुकै सै बीमार थिया।