प्रेरितो कै काम 18:4 - सिरमौरी नौवाँ नियम

⁴ औरौ पौलुस हर विशांव कै दूसै यहूदी सभा-घोरो दा बैहस-बाजी कौरेयौ यहूदी औरौ यूनान देश कै लोगौ खै यीशु मसीह पांदी बिशवाश कौरणौ कारिए सौमझांव थिया।

Sirmouri

⁴ संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 18:4 ပူးပေါင်းရင်းမြစ်များ

लूका 16:31

तैणै तैसी बौल़ौ, जोबै सै मूसा कै कानून औरौ पौरमेशवर कै बातौ बौताणौवाल़ै कै आज्ञा ना मानौ, तौ जै कुणिए मौरेयौंदे मुंजीदा कुणिए बै जियुंदी हौला, तौ बै सै तैसका बिशवाश ना कौरदै।”

लूका 4:16

तोबै यीशु नासरत गांव दा पाछु ओऊवा, जिथै सै पाला पोसा गौआ थिया, औरौ आपणै भोवार कै हिसाब शै विशांव कै दूसै यहूदी सभा-घोर दा जायौ पवित्र शास्त्र पोढ़णो कारिए खौड़ा हौआ।

यूहन्ना 7:35

इथपांदी यहूदी नेताए आपी मुंजी चौर्चा कौरेयौ बौल़ौ, “ऐजा कुकै जांदा कै आमै ऐसी जौए ना सौकदै? शायद सै तिनु यहूदी लोगौ कै धोरे जाला जू यूनानी शहरो दै इस्राएल देश शै बायरै बिखरेयोंदे रौंव, औरौ तिनुकै शिक्षा दैणा चांव।

प्रेरितो कै काम 13:14

औरौ पिरगा शहर शै औगौड़ियौ बोढ़यो गलतिया प्रदेश कै पिसिदिया जिले कै नेड़िक अन्‍ताकिया शहर दै पौऊंचै। औरौ विशांव कै दूसै यहूदी सभा-घोरो दै जायौ बौठ गौवै।

प्रेरितो कै काम 14:1

इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 17:17

इथकारिए सै यहूदी सभा-घोरो दा यहूदी लोगौ औरौ बैगानै यहूदी भोक्‍त मुंजीदै औरौ चौको पांदी जू लोग भैटौ थिए, तिनुआरी रौज बैहसबाजी कौरेया कौरौ थिया।

प्रेरितो कै काम 18:13

ऐजा लोगौ खै सौमझांव, कै पौरमेशवर कै आराधना ऐशै कौरी, जू मूसा कै कानून को उलटु औसौ।”

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 19:26

औरौ तुऐं दैखौ औरौ शुणौए कै सिरफ इफिसुस शहर ही नी, पौरौ एशिया प्रदेश कै सौबै गांव दै बौल बौलेयौ ऐसी पौलुसे बौहितै लोगौ खै सौमझाए औरौ भरमाए बै राए, कै जू हाथौ की कारीगरी औसौ, सै ईशवर ना आथी।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 26:28

ऐबै अग्रिप्पाए पौलुस खै बौल़ौ, “का तू दैणी सौमझाणौ शै मुखै मसीह बाणणा चांए।”

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 9:20

औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

2 कुरिन्थियों 5:11

इथकारिए प्रभु का डौर मानैयौ आमु सौचाई पांदी बिशवाश कौरणौ कारिए बिन्ती कौरु औरौ पौरमेशवर जाणौए कै आमु सौथीखै का औसौ; औरौ मैरै आशा ऐजै औसौ, कै तुऐं आपणै दिल शै आमुखै सौथीखै जाणौ।