प्रेरितो कै काम 18:26 - सिरमौरी नौवाँ नियम

²⁶ सै यहूदी सभा-घोरो दा निडर हौयौ बौलदा लागा, पौरौ प्रिस्किल्‍ला औरौ अक्विला तैसकी बातौ शोणेयो, तैसी आपणै घोरे निया औरौ पौरमेशवर कै बारै मुंजी तैसी हौजौ बै आछ कौरेयौ बौतौऊ।

Sirmouri

²⁶ से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

प्रेरितो कै काम 18:26 ပူးပေါင်းရင်းမြစ်များ

मरकुस 10:15

हांव तुऔं खै साचौ बुलू, कै जू कुणिए पौरमेशवर कै राज्य खै नानड़िया कै जैशणा अपनांव, सैजै तिंदै जाए सौकौ।”

लूका 19:26

मालिकै तिनु बौल़ौ, ‘हांव तुऔं बुलू कै जैसकैंई किछै औसौए; तैसीखै हौजौ दैंदै; औरौ जैसी कैंई किछै ना आथी, तैसी कैईंदु सैजौ बै उंडु कौरदै जू तैसीकैईं औसौए।

लूका 24:27

यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 18:18

औरौ पौलुस बौहितै दूसौ तौड़ी कुरिन्‍थुस शहर दा रौआ, तोबै बिशवाशी भाईयों मुंजीदा आगु जायौ सै किंख्रिया नोगर दा हौटा। तैसी नोगरो दै पौलुसे आपणै मुंडो कै खुल़मुंडी बाणै, जिथुकै तैणै ऐक हिच कौरे राए थी, औरौ बाद मै समुन्द्रो कै बाटो बाटी सीरिया प्रदेश खै हौटै गौआ औरौ तैसकै साथी प्रिस्किल्‍ला औरौ अक्विला थिए।

प्रेरितो कै काम 18:25

तैणै प्रभु कै बाटो कै शिक्षा पाए राए थी, औरौ मन लायौ यीशु कै बारै मुंजी ठीक-ठीक शुणांव औरौ शिखांव थिया, पौरौ सै खाली यूहन्ना कै बपतिस्मा कै बात जाणौ थिया।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 8:31

तैणै बौल़ौ, “जै कुणिए मुखै सौमझाणौ वाल़ा ना हौला तौ हांव इथु कैशैखै सौमझै सौकु?” औरौ तैणै फिलिप्‍पुस शै बिन्ती कौरे कै रथ पांदी चौढ़ेयौ तैसकै धोरे बौठौ।

1 कुरिन्थियों 12:21

आख हाथौ खै ना बौल़ै सौकौ, “मुखै तैरै जौरुरत ना आथी,” औरौ ना मुंड लातो खै बौल़ै सौकौ, “मुखै तोंवारै जौरुरत ना आथी।”

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 8:2

जै कुणिए सौमझौए कै सै किछै जाणौए, तौ सै इबी तौड़ी ऐजौ ना जाणौ कै कैशैखै जाणणौ चैंई।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।