प्रेरितो कै काम 18:24 - सिरमौरी नौवाँ नियम

²⁴ अपुल्लोस नांव का ऐक यहूदी आदमी जैसका जन्म सिकन्‍दरिया शहर दा हौए रौआ थिया, जू विद्वान आदमी थिया औरौ पवित्र शास्त्र कै आछी तरह शै जाणौ थिया इफिसुस शहर दा ओऊवा।

Sirmouri

²⁴ तेसी बख्त्ते अपुल्लोस नाँव का ऐक यहूदी, जेस्का जंन्म सिकन्दरिया दा हऐ रूआ थिया; से परभाव वाल़ा प्रचारक अरह् पबित्र-ग्रन्थों का ज्ञाँनी धिया।

प्रेरितो कै काम 18:24 ပူးပေါင်းရင်းမြစ်များ

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

लूका 24:19

तैणै तिनुवांदो पूछु, “कुणजी बातौ?” तिनुऐ तैसी बौल़ौ, “नासरत गांव का यीशु कै बारै मुंजी जू पौरमेशवर औरौ सौबी लोगौ कै सामणै तैणै शौकतीशाली चौमत्कार औरौ अनौखै काम कौरे औरौ पौरमेशवर की बातौ बौताणौवाल़ा थिया।

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 18:28

अपुल्लोसे आपणी शौकतै औरौ गुणो कै साथै यहूदी लोगौ कै सरेआम तिनका सामणा कौरा, औरौ पवित्र शास्त्र शै सबूत दैय-दैयौ साबित कौरौ कै यीशु ही मसीह औसौ।

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

प्रेरितो कै काम 27:6

तिथै सूबेदार खै सिकन्‍दरिया शहर का ऐक जहाज इटली देश जांदी बैई भैटौ, औरौ तैणै आमुखै तैसी जहाजो पांदी बौठाल़े दियै।

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

प्रेरितो कै काम 7:22

औरौ मूसा खै मिस्र देश कै सौबै विद्या पोढ़ाए गौए, औरौ सै बातौ औरौ कामौ मुंजी ताकतवर थिया।

1 कुरिन्थियों 1:12

मैरै बौलणौ का मतलब ऐजा औसौ, कै तुऔं मुंजीदै कुणिए तौ आपी खै बौल़ौए, “हांव पौलुस का चैला औसौ,” कुणिए बौल़ौ “हांव अपुल्लोस का चैला औसौ,” तौ कुणिए बौल़ौ “हांव पतरस (कैफा) का चैला, या हांव मसीह का चैला औसौ।”

1 कुरिन्थियों 16:12

औरौ बिशवाशी भाई, अपुल्लोस कैईंदी मोऐं बिन्ती कौरे राए कै तोंवारै धोरे बिशवाशी भाईयों कै साथै जांव; पौरौ तैणै ऐसी सौमय जाणौ कै किछै बै इछा ना कौरी, पौरौ जोबै सोही सौमय हौला तोबै आए जाला।

1 कुरिन्थियों 4:6

ओए रै बिशवाशी भाईयों, मोऐं आपणा औरौ अपुल्लोस का उदारण इथकारिए दिया, ताकि तुऐं आमु शै ऐजौ शिखौ कै पवित्र शास्त्र दो जू लैख राए, तिथदै आगै नी बौढ़ौ। ऐजौ आछौ ना आथी कै तुऐं ऐक अगुवे कै इज्जत कौरौ औरौ दूजै कै बैज्जती कौरौ।

2 कुरिन्थियों 10:10

जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

तीतुस 3:13

जोबै वकील जेनास औरौ अपुल्लोस आपणै यात्रा कारिए निकल़ौ, तौ तिनकै मौदद कारिए जू किछै तू कौरे सौकै, कौरेया। यात्रा दै जिनु चीज़ौ कै जिनकी तिनु जौरुरत औसौ सैजी चीज़ौ तिनुकै दै ताकि यात्रा कौरदै बैई तिनु किछै बै कमी नी हौंव।