प्रेरितो कै काम 17:5 - सिरमौरी नौवाँ नियम

⁵ पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

Sirmouri

⁵ परह् यहूदी लोग तिन्दे लंई डाह्-जल़्ण शे जल़्दे लागे, अरह् तिन्ऐ बंईजारो के किऐ गुँण्डै की मंद्त्त शी भीड़ कंट्ठी करी; अरह् नंगर दे झ़गड़ै कराऐ, के तुऐ संत्त-पौलुस अरह् सीलास नंगर के च़ौत्रें के सहाँम्णें हाजिर कर्णो के मंतल्व शे से यासोन आदमी कागी आऐ पुज़ै।

प्रेरितो कै काम 17:5 ပူးပေါင်းရင်းမြစ်များ

मत्ती 27:18

जिथुकै सै जाणौ थिया, कै तिनुऐ यीशु खै रिशो की बौजैह शै थोमाए राए थिया।

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 14:19

पौरौ कैतरै यहूदी लोगै अन्‍ताकिया शहर औरौ इकुनियुम शहरो शै आयौ लोगौ कै आपणै ढौबौ कौर दियै, औरौ पौलुस पांदी पथराव कौरा, औरौ मौरेयौंदा सौमझेयौ तैसी नोगर कै बायरै घोसिटैयौ लोय गौवै।

प्रेरितो कै काम 14:2

पौरौ बिशवाश ना कौरणौवाल़ै यहूदी लोगै बैगानै यहूदी लोगौ कै मन बिशवाशी भाईयों कै खिलाफ दै भड़कौऊवे, औरौ बैर पौयदा कौर दिया।

प्रेरितो कै काम 17:13

पौरौ जोबै थिस्सलुनीके शहर कै यहूदी लोग जाणै गौवै कै पौलुस बिरीया नोगरो दा बै पौरमेशवर का वचन शुणांवए, तौ सैजै तिथै आयौ बै लोगौ खै भड़काणे औरौ हलचल मौचांदै लागै।

प्रेरितो कै काम 17:6

तिनु तिथै ना दैखियौ कै, तिनिए यासोने औरौ किछै बिशवाशी भाईयों खै नोगरो कै राज्यपालो कै धोरे खिंचैयौ लैयाए, तिनिए लैलियायो कै बौल़ौ “ऐजै लोग जिनुवै हर जौगैह पौरैशानी खोड़ी कोरी राए, इथै बै आए रौवै।

प्रेरितो कै काम 17:7

औरौ यासोने तिनका आपणै घोरे स्वागत कौरा, औरौ ऐजै सौबै जोणे ऐशै बौल़ौ कै यीशु राजा औसौ, औरौ महाराजा (कैसर) कै आज्ञाओं कै खिलाफ काम कौरौ।”

प्रेरितो कै काम 17:9

औरौ तिनुऐ यासोने औरौ बाकी लोगौ खै जमानत पांदी छोड़े दियै।

प्रेरितो कै काम 18:12

जोबै गल्‍लियो अखाया प्रदेश का राज्यपाल थिया तौ यहूदी लोग ऐक हौयौ पौलुस कै खिलाफ हौए गौवै, औरौ तैसी न्याय आसन कै सामणै लायौ बौलदै लागै,

प्रेरितो कै काम 19:40

जिथुकै मुखै डौर औसौ कै आमै रोम देश कै सरकार दवारा रोल़ा शुरु कौरणौ कै इलजाम लाए जाणौ कै खतरै दै औसौ। इथकारिए कै इथकै किछै बौजैह नी आथी, औरौ आमु इयौं भीड़ कै कौठै हौणौ का किछै जोवाब ना दैय सौकु।”

प्रेरितो कै काम 7:9

“कुलपतिए आपणै भाई यूसुफ शै रिश कौरेयौ तैसी मिस्र देश दै जाणै वाल़ै कै हाथौ गुलाम कै रुपो दा बैकै दिया। पौरौ पौरमेशवर तैसकै साथै थिया।

रोमियों 16:21

तीमुथियुस मैरा मौददगार औसौ, औरौ लुकियुस औरौ यासोने औरौ मैरै साथी यहूदी लोग तुऔं कै बधाई दैय लोए।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;

गलातियौं 5:21

औरौ ऐकी दुजैआरी ज़लन औरौ शराबीपन औरौ सैजै ऐशणै औकै सौबै बुरै काम कौरौ। मोऐं तुऔं चैतावणी दैय लौए जैशै आगै बै तुऔं चैतावणी दैय राए थै कै ऐशणै-ऐशणै काम कौरणौवाल़ै पौरमेशवर कै राज्य कै संतान ना हौंदै।

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?